9 حاجات لازم تحذيفيهم من الـ CV بتاعك دلوقتى !
واحدة من أهم الحاجات اللى لازم تبقى مثالية ومن غير ولا غلطة لو كنتى بتدورى على وظيفة جديدة هى انك يبقى عندك سيرة ذاتية او CV مظبوط، علشان كده فى المقال ده بنات حوا هتعرفك على 9 حاجات لازم تحذيفيهم من الـ CV بتاعك دلوقتى قبل ما تقدمى على وظيفة جديدة ..
9 حاجات لازم تحذيفيهم من الـ CV بتاعك دلوقتى !
1- المعلومات عن تعليم اعداى و ثانوى :
لو كنتى متخرجة من الكلية يبقى بديهى انك مريتى بفترات التعليم الاساسية زى الاعدادى و الثانوى، علشان كده المعلومات دى عن تعليمك مش مهمة و مش هتأثر فى طلب توظيفك، مراحل التعليم الأولية بتعتبر من أول حاجات لازم تحذيفيهم من الـ CV الخاص بيكى.
2- تقديرك العام لو ضعيف :
لو الشركة اللى بتقدميلها السيرة الذاتية الخاصة بيكى طلبته، يبقى تقديرك العام بتاع التخرج من الكلية لو كان ضعيف او مقبول مثلا ماتحطيهوش . تحطيه بس لو اتطلب منك بشكل مباشر او كان شرط من شروط التقدم للوظيفة.
3- لو بتتكملى بالـ passive language :
نقصد انه ماتستخدميش الفعل الماضى فى الاشارة الى مهاراتك ، يعنى مثلا ماتقوليش .. learned how to ، الافضل تقولى experienced in او capable of كذا .. الاشارة لمهاراتك بصيغة المضارع هيدى الاحساس انك professional و لسه بتستخدمى المهارة دى ، لكن صيغة الـ passive او الماضى هتدى الايحاء بأنها مهارة و انتهت و هتبينك بمستوى الـ trainee .
4-الصور :
الا اذا كانت مطلوبة منك تقدميها، ماتحطيش صورتك فى السيرة الذاتية الخاصة بيكى، لانه الشركة هتوظفك بناءا على مهاراتك و خبرتك مش على شكلك.
5- الوظايف القصيرة :
حاجة كمان من حاجات لازم تحذيفيهم من الـ CV بتاعك هى انك لو كنتى اشتغلتى فى وظايف قصيرة من حيث المدة او كانت مالهاش علاقة بتخصصك او اتنقلتى بين اكتر من وظيفة فى فترة قليلة ، او لو فضلتى فترة كبيرة من غير وظيفة، يبقى الافضل انها لو كانت مش قوية ما تكتبيهاش فى السيرة الذاتية بتاعتك لانها بعكس مانتى فاهمه انها ممكن تبين انك عندك خبرة، ممكن تبينك غير ملتزمة و بتتنقلى كتير و ده ممكن يكون عنك انطباع مش كويس و يبقى له تأثير سلبى عليكى. لازم تبقى حذرة جدا انتى بتكتبى ايه فى السيرة الذاتية الخاصة بيكى.
6- الـ Objective Statement :
نقصد هنا الـ cover letter او الـ statement اللى بيتكتب و يتقدم مع السيرة الذاتية، ده لازم تستغنى عنه لو ماكنش مطلوب تحديدا لانه الفكرة فى الـ statement هى انك بتكتبى مزاياكى و ايه هى أحلامك اللى عايزة تحقيقها من خلال الشركة مثلا، لكن الشركة لما بتكونى بتتقدمى لوظيفة فيها بتبص انتى تقدرى تفيدي الشركة ازاى لكن مش هما هيحققوا أحلامك ازاى، فلو كان مش مطلوب منك تقديمه ماتعمليهوش.
7- المهارت الواضحة:
يعنى مثلا ماينفعش تقولى انك عندك خبرة فى الـ Microsoft word، لانه دى بتعتبر مهارة بديهية دلوقتى و تقريبا مفيش حد بيشتغل ما بيعرفهاش، فدى بتعتبر معلومة بديهية حاولى تستغنى عنها و تحطى بدالها مهارة أقوى او مميزة أكتر.
8- اى معلومات ممكن تسبب تفرقة :
نقصد هنا انك تحاولى ماتتكلميش كتير عن نفسك و تحطى معلومات شخصية كتيرة، خصوصا المعلومات اللى ممكن تعمل مشاكل او تسبب تفرقة زى الديانة او اى مشاكل اجتماعية او مثلا الاتجاهات السياسية، لو كانت المعلومات دى مش مطلوبة من جهة الشركة اللى انتى بتقدمي للوظيفة بتاعتها، يبقى حاولى انتى ماتذكريهاش الا اذا اتطلبت منك، لانه أصحاب الوظايف اللى انتى بتقدميلهم الـ CV يقدروا يحصلوا على المعلومات دى من الشركات او المؤسسات اللى انتى اشتغلتى فيها قبل كده او منك مباشرة من خلال الانترفيو .
9- الصفحات الكتير :
القاعده العامة لما تيجى تكتبى السيرة الذاتية الخاصة بيكى هى انك تحاولى على قد ما تقدرى انها ماتعديش الصفحة الواحدة، او صفحتين بالكتير. ولازم يكون هو ده الطول مهما كانت هى الوظيفة اللى بتقدمى السيرة الذاتية الخاصة بيكى ليها، كل ما كانت قصيرة ده هيساعدك انك تحطى انجازاتك المبهرة اكتر من غير ماتحطى اى حاجة تانية ممكن تبقى مش مهمة و تطول الـ CV على الفاضى.
اعرفى معانا كمان 5 خطوات تحسنى بيهم الـ LinkedIn Profile الخاص بيكى علشان تلاقى وظيفة بشكل اسهل
