افضل الطرق عشان تحافظي على الخضار والفاكهة المتقطعة من تغيير لونها وطعمها

ريهام محمود
ريهام محمود
1691

دلوقتي مع الحياة السريعة واننا دايما بنبقى مستعجلين وعايزين الحاجة تبقى جاهزة عندنا, ممكن نقطع الخضار او الفاكهة مثلا ونسيبها متقطعة عشان تبقى سهلة علينا لفطارنا الصبح, او بيحصل اننا نقطع ثمرة فاكهة او خضار وناخد نصها ونسيب نصها, ولما بنرجع لها تاني بنلاحظ ان لونها اتغير للون البني او الاصفر ومش بس اللون هنحس كمان بتغيير في نكهتها وطعمها, وعشان نتفادى المشكلة دي هنقولك النهاردة من خلال موضوعنا طرق الحفاظ على الخضار والفاكهة المتقطعة من تغيير لونها وطعمها.

طرق الحفاظ على الخضار والفاكهة المتقطعة من تغيير لونها:

1- عملية ال Blanching:

طريقة ال Blanching بتكون عبارة عن انك قبل ما تقطعي اي فاكهة او خضار, حطيها في مية مغلية لمدة من 30 ثانية ل 5 دقايق, بعدها طلعيها من المية المغلية وحطيها فورا في مية فيها تلج, وبمجرد ما تبرد, انقليها على ورق مطبخ عشان تمتص اي مية او رطوبة زيادة فيها, الطريقة دي هتحافظ على الفاكهة والخضار بعد ما تقطعيها.

طرق الحفاظ على الخضار والفاكهة المتقطعة من تغيير لونها 1
طرق الحفاظ على الخضار والفاكهة المتقطعة من تغيير لونها 1

2- عصير الليمون:

– لو عندك الفاكهة او الخضار متقطع, ممكن تحطيه في محلول ليمون عشان تحافظي عليه, وهيبقى عبارة عن معلقة كبيرة ليمون على كوباية مية, حطي فيها الفاكهة او الخضار واحفظيها في التلاجة لحد ما تيجي تستعمليها.

او ممكن بفرشة تدهنيها بعصير الليمون وتحفظيها في التلاجة.

– ممكن تعملي طريقة تانية تضيفي معلقتين عسل كبار لكوباية مية وتحطيهم على الخضار او الفاكهة المتقطعة, سيبيهم في المية لمدة دقيقتين وبعدين طلعيهم, الطريقة دي فعالة كمان اكتر من محلول الليمون بتحافظ على الخضار والفاكهة لوقت اطول.

طرق الحفاظ على الخضار والفاكهة المتقطعة من تغيير لونها 2
طرق الحفاظ على الخضار والفاكهة المتقطعة من تغيير لونها 2

3- Wrapping:

الخضروات او الفاكهة المغسولة, سيبيها الاول على ورق مطبخ عشان يمتص اي رطوبة او مية زيادة لانها لو اتشالت مبلولة ممكن تعمل عفونة او تتحول للون البني بسرعة, بعد ما تنشف لفيها في ورق مطبخ وحطيها في كيس بلاستيك واحفظيها في التلاجة, ولو في اي خضار ورقي اتأكدي قبل ما تشيليه انك تتخلصي من اي اوراق بايظة عشان ممكن تبوظ الباقي لو اتشالت معاه, واحفظي كل صنف خضار او فاكهة في كيس لوحده, متحطيش كذا نوع مع بعض.

طرق الحفاظ على الخضار والفاكهة المتقطعة من تغيير لونها 3
طرق الحفاظ على الخضار والفاكهة المتقطعة من تغيير لونها 3

4- ورق مطبخ رطب:

الخضار والفاكهة زي الجزر, البنجر, والتفاح وغيرها, ممكن تحفظيهم في اكياس بلاستيك في التلاجة, ولكن عشان تمنعيها من الجفاف ممكن تلفيها بورق مطبخ رطب, او تحطيها في طبق وتغطيها بمية باردة بس يكون طبق كبير ومش حاجة محكمة او مقفولة تمنع الهوا.

طرق الحفاظ على الخضار والفاكهة المتقطعة من تغيير لونها 4
طرق الحفاظ على الخضار والفاكهة المتقطعة من تغيير لونها 4

9 غلطات بنعملهم في المطبخ 

9 غلطات بنعملهم في المطبخ
9 غلطات بنعملهم في المطبخ

مقالات متعلقه

حكاية وتاريخ فانوس رمضان

حكاية وتاريخ فانوس رمضان

برامج ومسلسلات راديو نجوم اف ام في رمضان 2024

برامج ومسلسلات راديو نجوم اف ام في رمضان 2024

برامج ومسلسلات الراديو 9090 في رمضان 2024

برامج ومسلسلات الراديو 9090 في رمضان 2024