3 اسباب ليه لازم تسافرى فى اجازة مع صديقتك المقربة .. اعرفيهم

مفيش حد فى الدنيا يقدر يعيش من غير أصحابه، و وسط ضغوطات الشغل او الدراسة او حتى الضغوطات اليومية وسط البيت و الاولاد بنحتاج متنفس كده نستعيد فيه نشاطنا و قوتنا، ولانه مفيش مكان نروحه احسن من مكان نروحله مع اصحابنا، ولانه الصداقة نقدر نعتبرها هى اهم علاقة فى حياتنا و لانه مهم كمان نقوى الراوبط بأصدقائنا المقربين ، فى المقال ده بنات حوا هتقولك على 3 اسباب ليه لازم تسافرى فى اجازة مع صديقتك المقربة .. اعرفيهم

3 اسباب ليه لازم تسافرى فى اجازة مع صديقتك المقربة .. اعرفيهم 

1- ترتاحوا من ضغط الشغل او المذاكرة : 

السفر مع صاحبتك وقت الاجازة بعد امتحانات آخر السنة لو كنتوا فى الكلية مثلا هيخليكوا تفصلوا من جو المذاكرة و تقضوا وقت بعيد عن مسؤولية الدراسة ، و ده هيخليكوا تستقبلوا السنة الجديدة باستعددا و نشاط أكتر وبالتالى هتقدروا تحققوا فيها نتايج أفضل، اجازة يومين مع صاحبتك حاجة مفيدة جدا للمذاكرة. 

2- تعرفوا بعض أكتر : 

لما تسافرى فى اجازة مع صديقتك المقربة ده معناه انكوا تقضوا وقت اطول سوا وبالتالى هيبقى فى وقت للكلام و الدردشة وانكوا تفتحوا قلوبكم لبعض، يعنى هتعرفوا بعض أكتر و هتبقوا أقرب وده هيقوى العلاقة بينكم و يخليكم ترتبطوا ببعض و تبقى صداقتكم قوية و متينة ماتهزهاش مواقف. 

3- تكونوا ذكريات جديدة : 

اجازة مع صديقتك المقربة خصوصا لو كانت سفر لمكان بعيد او لفترة طويلة معناه انكم هتاكلوا مع بعض و تتشاركوا نفس الاوضة و تروحوا تزوروا أماكن جديدة  ومختلفة، تاكلوا مع بعض ، تاخدوا صور مع بعض و حاجات زى دى، وده معناه انه هيبقى عندكم صور كتير مع بعض بتكون لكم ذكريات جديدة تبصولها قدام.