10 قطع ملابس أساسية فى دولابك للخريف السنة دى تستاهل انك تشتريها

بقلمآية حسان فيموضة وأزياء visibility1669

مع كل فصل جديد دولابنا بيتجدد كمان، وقبل ما تنزلى تعملى شوبنج فصل الشتا، بنات حوا هتعرفك فى المقال ده على 10 قطع ملابس أساسية فى دولابك للخريف السنة دى تستاهل انك تشتريها .. خلينا نعرفهم مع بعض 

10 قطع ملابس أساسية فى دولابك للخريف السنة دى تستاهل انك تشتريرها

1- A Carry All Bag :

مفيش حاجة عملية اكتر من شنطة تاخد كل الحاجات اللى انتى بتحتاجيها معاكى كل يوم و فى نفس الوقت تقدرى تلبسيها مع اكتر من طقم و بستايلات مختلفة، شنطة جلد بتعتبر  مهمة جدا فى ستايلك السنة دى و هتلاقيها قطعة عملية وهتساعدك كتير و بتعتبر من القطع الاسياسية اللى تبدأى تبنى عليها دولابك الشتوى. 

2- Silky Pajamas :

مين فينا مابيحلمش بالراحة و النعومة مع بعض! بيجامة من الستان او الحرير هتوفرلك الراحة و النعومة و الدفا كمان  وتقدرى تشتغلى بيها فى البيت براحتك او تنامى فيها ، جربى منها المنقوش او السادة. 

3- Statement Boots :

كلنا بنتسنى الشتاء علشان البوت يطلع من الدولاب ونقدر نلبسه،  ، بوت بلون محايد زى الجملى او الاسود هيساعدك تعملى لوك جرئ و هيديكى شوية طول و كمان يكمل اللوك بتاعك سواء كان كاجوال او كلاسيكى بمنتهى الاناقة و الشياكة، مهم جدا انه يبقى  فى دولابك فى شتاء  2018 بوت بستايل ينسابك علشان تعملى فى كل مرة statment outfit .  

4- Shearling Bomber :

ملمس و شكل الجاكت بستايل الـ Shearling Bomber  هيحسسك بجو الشتا و بروحه جدا، موضته مابتروحش و لا بتقدم فبيعتبر استثمار كويس لفلوسك زى الجاكت الجلد بالضبط و كمان تقدرى تعملى بيه ستايلات كتيرة جدا ومختلفة. 

 5- Hat :

مفيش حاجة تخليكى تعملى ستايل مختلف و unique  قد الـ hat ، خصوصا لو عايزة تحمى شعرك من  الشتاء والمطر، اعملى لوك اليجانت بأنك تلبسي hat مناسبة للـ outfit  بتاعك. 

6- Blazer :

البلايزر قطعة ملابس مهمة و اساسية جدا ولازم يكون عندك منها اتنين على الأقل، و مش لأنه البلايزر قطعة ملابس بتعتبر رسمية تبقى مملة او ماتلبسيهاش الا فى الاجتماعات و انترفيوهات الشغل بس، الفكرة كلها انك تشترى البلايزر المظبوط عليكى بـ slim cut و مقاس مظبوط و تقدرى تلبسيه على جينز علشان تديله لمسة كاجوال أكتر ، البلايزر كمان بيعتبر استثمار جيد لفلوسك لأنك هتقدرى تلبسيه فى اكتر من مناسبة و هيقعد معاكى فترة طويلة.

7- Jewelry :

وانتى بتختارى اكسسواراتك او الـ jewelry  الخاصة بيكى اعرفى انك لما تضيفلها لمسة خاصة ده هيخليها مميزة و فريدة اكتر، اختارى دايما القطع البسيطة اللى بتبقى شبهك و تناسب ستايلك او اختاريها بلونك المفضل . 

8- White Sneakers :

طبعا معروف انه الشوز الأبيض او الـ white sneakers  مهمة ومميزة جدا لانها بتمشى مع كل حاجة و تقدرى تلبسيها على كل الألوان، شوز أبيض سادة بيعتبر basic  و هتشكرى نفسك عليه كتير لما تشتريه .

9- Striped Trousers :

البنطلون المخطط او الـ striped trousers بيعتبر من اهم قطع ملابس أساسية فى دولابك للخريف ده لانه من الحاجات اللى مكملة معانا من موضة الصيف و الربيع، تقدرى تلبسيه مع تيشيرت سادة و معاه بليزر او بلوزة بكم واسع وفى كل مرة هتعملى ستايل مميز و شيك . 

10- jumpsuit : 

آخر حاجة هنتكلم عنها من ملابس أساسية فى دولابك للخريف هى الجامبسوت ، البسيها بلونك المفضل مع سكارف او كارديجان فى الأيام البرد و اعملى ستايل اليجانت و عملى فى نفس الوقت.

شوفى معانا كمان أهم ستايلات ملابس الخريف اللى لازم تجربيها فى 2018