طريقة عمل الكوكيز بالشوكولاتة Chocolate Chip Cookies
مافيش حد فينا مبيحبش الكوكيز وطعمه اللذيذ, والنهاردة من خلال موضوعنا هنقولك طريقة عمل الكوكيز Chocolate Chip Cookies في البيت تقدري تعمليه بنفسك بكل سهولة.
طريقة عمل الكوكيز Chocolate Chip Cookies:
المقادير:
– 1 كوب زبدة مخفوقة.
– 1 كوب سكر ابيض.
– 1 كوب سكر بني.
– 2 بيضة.
– 2 معلقة صغيرة مستخلص الفانيليا, او معلقة صغيرة فانيليا عادية.
– 3 كوب دقيق.
– 1 معلقة صغيرة صودا الخبز “كربوناتو”.
– ½ معلقة صغيرة ملح.
– 2 كوب رقائق شوكولاتة غامقة Chocolate Chips.
طريقة التحضير:
1- سخني الفرن على 350 درجة.
2- في بولة او طبق كبير, اخلطي الزبدة مع السكر الابيض والسكر البني اضربيهم مع بعض بالمضرب الكهربائي او بمعلقة خشب لحد ما يبقى الخليط ناعم وكريمي, ضيفي البيض والفانيليا للخليط, وقلبيهم مع بعض كويس.
3- في طبق تاني اخلطي الدقيق مع صودا الخبز والملح قلبيهم مع بعض, ضيفي خليط الدقيق لخليط الزبدة بالتدريج, ضيفي كوباية وقلبي الخليط مع بعضه بخفه وبعدين ضيفي باقي الكمية وقلبي المكونات كلها مع بعض كويس, ضيفي رقائق الشوكولاتة وقلبيها مع الخليط.
4- خدي من الخليط بمعلقة كبيرة رصيهم جنب بعض على صينية عليها ورق زبدة بس خلي في مسافات بينهم عشان حجمها بيزيد وميلزقوش في بعض, وسيبيه في الفرن من 8 – 10 دقايق لحد ما يستوي.
الطريقة بالفيديو:
طريقة عمل وصفة الـ Chocolate Strawberry Slab Pie السهلة بالفيديو و الخطوات
