تسريحات شعر مناسبة للشغل سريعة وسهلة وعملية
لو بتبقي مستعجلة الصبح ووقتك ضيق ومحتاجة تسريحات شعر سهلة, النهاردة هنقولك تسريحات شعر مناسبة للشغل سريعة وسهلة وعملية ومتاخدتش منك وقت.
تسريحات شعر مناسبة للشغل:
1- Ponytail With A Twist:
اقسمي الشعرين نصين بس خلي نص اكبر من التاني, الجزء اللي ورا اعملية ديل حصان منخفض, والجزء التاني ابرميه ولفيه حوالين ديل الحصان وثبتيه بالبنس.
2- Top Knot:
اعملي الشعر ديل حصان عالي, سرحي الشعر بالمشط بالعكس لان ده هيدي Volume للشعر, لفي الشعر كحكة وثبتيها بالبنس.
3- Low Knot:
لو مش بتحبي الKnot العالية ممكن تعمليها منخفضة, زي الطريقة اللي فاتت بس الفرق انها منخفضة, هتعملي ديل حصان منخفض وتلفي الشعر حواليه وتثبتيه بالبنس.
4- Knotted Ponytail:
خدي خصلتين من الشعر من الجنبين, اربطيهم مع بعض, خلي الطرفين تحت باقي الشعر واربطيهم باستك, خدي جزئين قسمين من الشعر من ديل الحصان واربطيهم مع بعض, وبعدين نزليهم تحت باقي الشعر واربطيهم مع بعض باستك, ممكن تعملي عقدتين او تلات عقد بنفس الطريقة حسب طول شعرك.
5- Half Braid:
هتاخدي خصلة شعر من كل جنب وتضفريها, وبعدين اشبكي الضفرتين مع بعض على ورا مع باقي الشعر ببنسة.
6- Wavy Bob:
التسريحة دي مناسبة جدا للشعر القصير, وبسيطة وسهلة كل اللي هتعملية هتعملي ويفي خفيف للشعر زي ما هو باين في الصورة.
7- High Ponytail:
ده ديل حصان عالي بالطريقة العادية والتقليدية, ودي تعتبر من اسهل واسرع التسريحات اللي ممكن تعمليها الصبح وانتي مستعجلة وفي نفس الوقت شكلها حلو, وعشان تخليها مرفوعة زي ما هو باين في الصورة كده بعد ما تعملي ديل الحصان اقسميه من النص وحطي توكه صغيرة وبعدين نزلي عليها باقي الشعر.
8- Messy Bun:
ارفعي الشعر ديل حصان عالي, ومرري صوابعك بين الشعر من قدام عشان تخلي شكل الشكل مش منظم, وبعدين لفي الشعر على شكل كحكة وثبتيها بالبنس.
9- Swept Braid:
اقسمي الشعر نصين بس خلي نص اكبر من التاني, خدي النص الاكبر ضفرية على جنب واشبكيه باستك, وبعدين هاتي الجزء اللي فاضل من الشعر مع الضفيرة واشبكيهم مع بعض باستك تاني من تحت.
10- Asymmetrical Twist:
خدي جزء من الشعر من النص وسرحيه بالمشط بالعكس عشان تديه حجم اكبر, لمي الشعر كله على الجنب واربطيه باستك, ابرميه واعمليه كحكة جانبية وثبتيها بالبنس.
11- Fake Bangs:
ممكن لو انتي معندكيش قوصة تعملي قوصة مزيفة, خدي جزء من الشعر من قدام اعمليه ديل حصان, وبعدين سرحيه على قدام, اربطي عليه باندانا, والجزء الباقي من الشعر اعملية كحكة عالية وثبتيه بالبنس.
12- Curly Twist:
التسريحة دي مناسبة للشعر الكيرلي, قسمي الشعر تلات اجزاء, اربطي كل جزء لوحده باستك, كل جزء لفيه ودخليه من نص الشعر ومرريه من تحت, وخلي باقي الشعر تحت الجزء اللي تحته, وبعدين اعملي الجزء التاني والتالت من الشعر بنفس الطريقة.
13- Pixie Cut:
لو بتحبي اللوك الجريئة والمختلفة, ممكن تقصي شعرك Pixie من قصات الشعر اللي بتدي لوك حلو مختلف وجريء.
14- Easy Chignon:
قسمي الشعر نصين, وابرمي كل نص وبعدين اربطيهم مع بعض ديل حصان منخفض, وبعدين لفي الشعر جوه ديل الحصان, وبعدين باقي الشعر لفية على فوق وثبتيه بالبنس.
15- Braided Bun:
ضفري الشعر ضفيرة عادية, وبعدين لفي الضفيرة على شكل كحكة وثبتيها بالبنس.
16- Half Tuck:
حطي على الشعر باندانا, وخدي خصلة شعر من كل جنب ولفيهم حوالين الباندانا.
17- Easy Side Braid:
دي ضفيرة جانبية بالطريقة العادية التقليدية.
18- Wrapped Ponytail:
ديل حصان عادي منخفض, بس هتاخدي خزء من الشعر تلفيه حواليه وتثبتيه ببنسه.
19- Half-Up Bun:
التسريحة دي من التسريحات اللي طالعة موضة جدا بقالها فترة, بتاخدي جزء من الشعر من قدام بتعمليه كحكة, تسيبي باقي الشعر سايب.
20- Criss-Cross Half-Up Half-Down:
بتاخدي خصلة من الشعر من الجنب تثبتيها في الشعر من ورا ببنسه, خدي خصلة من الجنب التاني وثبتيها فوق الخصلة الاولى ببنسه, خدي خصلة تانية من تحت الخصلة الاولى وثبتيها في الشعر من ورا ببنسه, وبعدين خدي خصلة من الجنب التاني وثبتيها بنفس الطريقة في الشعر, ممكن تاخدي 3 او 4 خصل من الجنبين تعمليهم بنفس الطريقة.