وصفة المكرونة بالجبنة السريعة creamy Macaroni and Cheese بالفيديو و الخطوات

آية حسان
آية حسان
2589

لو كنتى من عشاق الباستا الغرقانة فى الجبنة السايحة و بتحبي تدوبى فى طعمها و تستمتعى بكل bite فيها يبقى المقال ده ليكى، وصفة فى منتهى السهولة هتعملى بيها أكلة المكرونة بالجبنة الامريكية او الـ Macaroni and Cheese بس بطريقة مبتكرة و جديدة تخليكى تستمعى بيها و تعملى مكرونة مش تقليدية ليكى ولأولادك، اعرفى معانا وصفة المكرونة بالجبنة السريعة creamy Macaroni and Cheese بالفيديو و الخطوات .. 

وصفة المكرونة بالجبنة السريعة creamy Macaroni and Cheese بالفيديو و الخطوات

عدد الأفراد : 

تكفى من 4 لـ 6 أشخاص .

الأدوات اللى هتحتاجيها : 

بولة كبيرة 

طاسة متوسطة 

مضرب يدوى 

سباتيولا 

معيار 

مصفاة

بولة كبيرة للتقديم 

طبق لخلط المكونات 

المقادير :

كيس مكرونة صغيرة 

كوباية و نص من اللبن 

معلقتين أكل دقيق

من كوبايتين لـ 3 كوبيات من الجبنة المبشورة، ممكن تستخدمى جبنة شيدر او موتزاريلا او خليط من الاتنين 

معلق ملح 

ربع معلقة من المسطردة البودر ” اختيارى”

مشروم او فلفل او بروكلى ” اختيارى “

الخطوات :

1- أسلقى المكرونة : 

بالطريقة المعتادة، أسلقى المكرونة فى كمية وفيرة من المية المغلية بشوية ملح صغيرين و سيبيها حوالى 8 دقايق او لحد ما تستوى كويس و بعد كده باستخدام المصفاة صفيها كويس من المية و سيبيها على جنب . 

de4e84493721b45da215c19bc117f638f4592a6d

2- سخنى اللبن : 

سخنى نص كمية اللبن  ” حوالى كوباية” اللى قولنا عليها فى المقادير فى طاسة متوسطة الحجم ، وفى بولة تانية حطى نص كوباية اللبن الباقية مع  معلقيتين الدقيق واضربيهم مع بعض باستخدام المضرب اليدوى لحد ما يكونوا خليط املس كده من غير تكتلات، واول ما تبدأى تشوفى فقاقيع من الضرب او انه يعنى الخليط بدأ يدخله هواء زى عجينة الكيك كده كملى ضرب بلطف لحد ما يتقل و يبقى فى سمك الـ heavy cream كده. 

1e8eca88d4435d1889d3668657d90bc20c7d5747

3- حضري صوص الجبنة : 

تالت خطوة معانا فى وصفة المكرونة بالجبنة السريعة هى تحضير صوص الجبنة، وطى الحرارة على اللبن و ابدأى ضيفى الجبنة المبشورة  مع الملح و صوص المسطردة، و قلبى كويس لحد ما الجبنة تسيح أوى و تندمج مع اللبن و يعملوا صوص كريمى ، دوق الخليط و تبليه حسب رغبتك وبعد كده ارفعيه من على النار.

f391521fa69b9f17d73fe57d4031b9197f43f455

4- امزجى المكرونة مع صوص الجبنة : 

آخر خطوة معانا فى وصفة المكرونة بالجبنة السريعة هى انك تحطى المكرونة وعليها نص كمية صوص الجبنة فى طبق التقديم و تقلبيهم كويس، وبعد كده تضيفى عليهم جبنة زيادة حسب الرغبة مع رشة من البقدونش الفريش مثلا للتزيين، ولو لقيتى صوص الجبنة تقل منك لما برد ممكن تزوديه لبن و ترجعى تقلبيه تانى لحد ما يوصل للقوام اللى تحبيه.

4be4540004ab2b28868a267d2cc0a76f7596968f

شكل التقديم : 

ممكن كمان من اقتراحات التقديم انك تقدمى مع المكرونة التوست المحمص بالتوم، بالهنا والشفا :) 

e73344b9cdfdedc315f380c25d0c9e89cdad696f

اعرفى معانا كمان وصفة عمل الفراخ المقلية مع الكريمة وا لسبانخ و المشروم والبسطرمة skillet cream chicken

مقالات متعلقه

الشتاء هو موسم البطاطا.. اعرفي إزاي تعملي بطاطا مشوية في البيت من غير ولا غلطة

الشتاء هو موسم البطاطا.. اعرفي إزاي تعملي بطاطا مشوية في البيت من غير ولا غلطة

في 5 دقايق بس.. اعملي وصفة ترافل الشوكولاتة البيضاء مع جوز الهند

في 5 دقايق بس.. اعملي وصفة ترافل الشوكولاتة البيضاء مع جوز الهند

عمرك كلتي بطاطس بس بطيخ؟! .. اعرفي معانا وصفة بطاطس البطيخ مع صوص المارشملو

عمرك كلتي بطاطس بس بطيخ؟! .. اعرفي معانا وصفة بطاطس البطيخ مع صوص المارشملو