كوليكشن ملابس شتوية للمحجبات فى شتاء 2018 winter kintted hijab outfits

آية حسان

في

10044

كوليكشن ملابس شتوية للمحجبات جديد هتعرضه عليكى بنات حوا فى المقال ده ، هتشوفى معانا البوم كامل لستايلات بالحجاب تلهمك للـ Outfits المختلفة بتاعتك الشتاء ده مع شوية نصايح كمان .. خلينا نبدأ على طول

كوليكشن ملابس شتوية للمحجبات فى شتاء 2018 winter kintted hijab outfits

الكارديجان المغزول من الصوف او الكروشيه او اللى بنقول عليه knitted cardigan بيعتبر من القطع المهمة و العملية جدا فى الشتاء لانك بتقدرى تلبسيه بسرعة مع اى بلوزة او تيشيرت مناسب وفى ثوانى بتكونى جاهزة بستايل انيق وشيك

لكن فى نقطة مهمة جدا لازم تاخدى بالك منها وانتى بتختارى الـ knitted cardigan وهو انه يكون تقيل كفاية علشان يحافظ عليكى دافية فى الجو البرد، لانه احيانا ممكن يكون شكله حلو و شيك لكن خامته مش تقيلة كفاية، افتكرى دايما انه راحتك وصحتك اهم من شكل الـ Outfit بتاعك، اختارى كارديجان يحافظ عليكى متدفية ويكون كمان شكله شيك

المميز فى الـ knitted wear انها عملية جدا و تقريبا بتناسب الستات و البنات من كل سن او ذوق، قطعة عملية مهم تكون موجودة فى دولابك و هتوفر عليكى مجهود كبير فى الايام اللى بنمر فيها بأوقات ” مش عارفه ألبس ايه” او ” انا عايزة ألبس حاجة سريعة من غير مجهود”، كل اللى عليكى تعملبه انك تختارى تحته top بدرجة اللون المناسبة و درجة حجاب مناسبة كمان وبكده تكونى جاهزة ..

تقدرى تلبسيه للشغل، نسقى كارديجان طويل مع بنطلون و شوز بكعب بسيط وبكده تكونى عملتى لوك شيك وعملى للشغل .

ممكن كمان تلبسيه مع بنطلون سكينى مثلا و بوت برقبة عالية علشان تعملى لوك شتوى و cozy ، و دلقتى خلينا نتفرج مع بعض على البوم لـ كوليكشن ملابس شتوية للمحجبات winter kintted hijab outfits تختارى منها الستايلات اللى تناسبك :)