مشروب سحري هيخليكي تخسري وزن في 14 يوم بس وهيحسن صحتك وبشرتك
لو بتدوري على حاجة سهلة عشان تخسري وزن, النهاردة جايبين لكم مشروب سهل وبسيط ليه فاعلية كبيرة في حرق دهون الجسم وهو مية جوز الهند, والمشروب ده كل الرياضيين وخبراء التغذية وحتى المنظمات الصحية العالمية بتوصي بشربه, مش بس لفايدته في التخسيس لكن كمان لان ليه فوايد للصحة بشكل عام وكمان بينعكس تأثيره على البشرة بشكل ايجابي جدا, ومن خلال موضوعنا هنعرف فوايد مية جوز الهند للتخسيس والصحة والبشرة.
ومية جوز الهند هي المية اللي بتبقى موجودة في ثمرة جوز الهند لما بنفتحها, ممكن تجيبوا الثمرة نفسها واخدو المية, او هتلاقوها في الهايبر ماركت مية جوز الهند معلبة جاهزة.
فوايد مية جوز الهند للتخسيس والصحة والبشرة:
1- خسارة الوزن بسهولة وبسرعة:
جربي تشربي مية جوز الهند كل يوم بدل المشروبات الغازية او المشروبات اللي فيها سكريات, لان مية جوز الهند منخفضة السعرات الحرارية, وهيخليكي تحسي بالشبع فترة طويلة, حاولي تشربي كوباية قبل كل وجبة يوميا, هتساعدك انك تاكلي اقل.
2- ترطيب الجسم:
مية جوز الهند بتساعد على اعادة الطاقة, وبتحافظ على توازن السوائل بشكل مثالي في الجسم, عشان كده هنلاقي الرياضيين بيشربوه دايما قبل واثناء وبعد التمرين.
3- بتمنع مشاكل الهضم:
بسبب ان مية جوز الهند فيها تركيز عالي من الالياف, ده بيساعد على منع عسر الهضم, ومنظمة الصحة العالمية بتنصح بمية جوز الهند كمان لعلاج الاسهال عند الاطفال.
4- بتحافظ على ضغط الدم مستقر:
اثبتت الدراسات ان مية جوز الهند ليها تأثير كبير على ضغط الدم, وبتساعد على تخفيض الضغط الانقباضي بنسبة 70%, والضغط الانبساطي بنسبة 29%.
5- تنقية وتنعيم الجلد:
مية جوز الهند تعتبر مصدر كبير لمضادات الاكسدة, وبالتالي ده بيساعد على طرد السموم من الجسم, وفي نفس الوقت توفير العناصر الغذائية الحيوية, وممكن تستفادي منها للبشرة بشربها بس, او تستخدميها كماسك تدهني بيها البشرة يوميا, هتساعد على تنقية البشرة من اي شوائب, وهتحافظ عليها صحية.
6- بتحسن المزاج وبتمنع التوتر والاجهاد:
مية جوز الهند بتحتوي على مجموعة منوعة من الفيتامينات, وبشكل خاص فيتامين B اللي بيساعد على تقليل التوتر والاجهاد ومنع تقلبات المزاج, وعنصر المغنيسيوم الموجود في المية بيزود من انتاج السيروتونين اللي ممكن قلته تسبب الاكتئاب.
7- استعادة طاقة الجسم:
لو مريتي بيوم مرهق, هيكون احسن مشروب ليكي عشان تستعيدي طاقة جسمك هو مية جوز الهند, لانها غنية بالمواد المغذية اللي بتساعد على ترطيب الجسم, وتجديد الفيتامينات المفقودة.
8- بتأخر علامات الشيخوخة والتجاعيد:
مية جوز الهند تعتبر مصدر طبيعي للسيتوكينات, ودي نوع هرمونات ليه تأثيرات كتير على الصحة, لانها مش بس مسئولة عن انقسام الخلايا, وعمل تأثير مضاد للشيخوخة, لكن كمان بتقلل من خطر الاصابة بالامراض المرتبطة بالعمر, زي التجلط والسرطان وغيرها من امراض الشيخوخة.