13 تصميم مانيكير لرسمة التلج على الضوافر مناسبين لفصل الشتا

ريهام محمود
ريهام محمود
في
أظافر
1560

زي ما الصيف ليه رسومات وتصاميم بالمانيكير مناسبة لجو الصيف, كمان في تصاميم مناسبة لموسم الشتا ومن اكتر رسومات المانيكير المناسبة جدا للموسم ده هي رسمة التلج, والنهاردة جايبين لكم مجموعة تصاميم مانيكير لرسمة التلج بطرق مختلفة تختاري منها اللي تحبيه اكتر وتنفذيه.

تصاميم مانيكير لرسمة التلج:

1- في التصميم ده استخدمت لونين الازرق, والابيض, وجليتر, ورسمت الضوافر بالازرق والجليتر ورسمة التلج على ضوفر واحد بس, وممكن تعملوا التصميم زي اللي في باين في الصورة او تغيروا فيه, يعني تخلوا رسمة التلج على ضوفر مختلف, او تخلوه على صوباعين بدل واحد يعني كل واحدة ممكن  تغير فيه زي ما تحب.

تصاميم مانيكير لرسمة التلج 1
تصاميم مانيكير لرسمة التلج 1

2- في التصميم ده كل الضوافر باللون النيود, ماعدا اتنين بالجليتر الدهبي, ورسمه التلج على ضوفر واحد.

تصاميم مانيكير لرسمة التلج 2
تصاميم مانيكير لرسمة التلج 2

3- في التصميم هنا هنعمل الضوافر فرنش, ونرسم التلج على ضوفر واحد مع اللون الاحمر.

تصاميم مانيكير لرسمة التلج 3
تصاميم مانيكير لرسمة التلج 3

4- هنا هنحط المانيكير باللون الرمادي على الضوافر كلها, ونستخدم جليتر على ضوفر كامل, وعلى باقي الضوافر نحط الجليتر على الاطراف بس, ورسمة التلج هتبقى على كل الضوافر ماعدا الضافر اللي عليه الجليتر.

تصاميم مانيكير لرسمة التلج 4
تصاميم مانيكير لرسمة التلج 4

5- في التصميم ده استخدمت جليتر ابيض, ومعاه ستيكرات ضوافر جاهزة على شكل تلج, باللون الدهبي والازرق.

تصاميم مانيكير لرسمة التلج 5
تصاميم مانيكير لرسمة التلج 5

6- اللون الروز من الالوان الناعمة جدا, هنا استخدمت روز جليتر على كل الضوافر مع رسمة التلج, وممكن تعملي زي التصميم في الصورة تخلي ضوافر عليها المانيكير مش على الضوفر كامل.

تصاميم مانيكير لرسمة التلج 6
تصاميم مانيكير لرسمة التلج 6

7- التصميم ده هادي جدا استخدمت فيه اللون البيج مع الجليتر على اطراف الضوافر, ورسمة التلج على ضوفر واحد.

تصاميم مانيكير لرسمة التلج 7
تصاميم مانيكير لرسمة التلج 7

8- للبنات اللي بيحبوا اللوك الجريء والمختلف, اكيد هيجربوا التصميم ده, استخدمت فيه اللون الاسود مع رسمة التلج بالابيض, عمل Contrast حلو للالوان.

تصاميم مانيكير لرسمة التلج 8
تصاميم مانيكير لرسمة التلج 8

9- لو عندك سهرة او مناسبة التصميم ده هيكون مناسب اوي, مانيكير بلون احمر جريء مع الجليتر, ورسمة التلج ممكن تستخدمي معاها استراس.

تصاميم مانيكير لرسمة التلج 9
تصاميم مانيكير لرسمة التلج 9

10- هنا استخدمت اللون اللبني مع الجليتر السيلفر, ورسمة التلج على كل الضوافر.

تصاميم مانيكير لرسمة التلج 10
تصاميم مانيكير لرسمة التلج 10

11- في التصميم ده استخدمت اللون الاخضر, الابيض, مع ستيكرات على شكل تلج باللون الاخضر والسيلفر, وزي ما هو باين في الصورة استخدمت الاخضر على ضوفر واحد, والابيض على ضوفر, وباقي الضوافر اكتفت بمقوي الاظافر بس مع الرسمة.

تصاميم مانيكير لرسمة التلج 11
تصاميم مانيكير لرسمة التلج 11

12- في التصميم ده استخدمت اللون الابيض مع الدهبي, حطي الابيض على ضوفر واحد بس, وباقي الضوافر مقوي اظافر مع جليتر دهبي مع رسمة التلج.

تصاميم مانيكير لرسمة التلج 12
تصاميم مانيكير لرسمة التلج 12

13- لو بتحبي اللوك الناعم, التصميم ده هيناسبك, هتستخدمي فيه اللون البينك على كل الضوافر, مع ضوفر واحد بالجليتر السيلفر, ورسمة تلج على ضوفر واحد, مع استراس على الضوافر الباقية.

تصاميم مانيكير لرسمة التلج 13
تصاميم مانيكير لرسمة التلج 13

– ممكن تشوفي في الفيديو هنا رسمة التلج بالخطوات:

افكار تصاميم بسيطة ورائعة للمانيكير النيود

افكار لتصميم المانيكير النيود
افكار لتصميم المانيكير النيود

مقالات متعلقه

موضة تصاميم والوان المانيكير لموسم الربيع

موضة تصاميم والوان المانيكير لموسم الربيع

تصاميم مانيكير نيود بسيطة وانيقة

تصاميم مانيكير نيود بسيطة وانيقة

الوان مانيكير الصيف في 2023: الالوان والتصاميم التريندي لضوافر القدمين

الوان مانيكير الصيف في 2023: الالوان والتصاميم التريندي لضوافر القدمين