7 طرق مختلفين تلبسي بيهم السكارف في الشتا

ريهام محمود
ريهام محمود
4440

السكارف يعتبر من القطع الاساسية اللي مش بنستغنى عنها في الشتا, مش بس عشان بيدفينا في الايام البرد, كمان بيدي شكل حلو للوك بتاعنا وبيكمله, والنهاردة جايبين لبنات حوا طرق للبس السكارف باشكال مختلفة عشان تقدري تنوعي وتغيري في طريقة لبسه طول الشتا.

طرق للبس السكارف:

1- Square Blanket Scarf:

الطريقة دي تقريبا من الطرق التقليدية او المنتشرة اوي اللي في بنات كتير بيفضلوها, هنستخدم في اللفة دي السكارف المربع الكبير, هنعمله على شكل مثلث, ونخلي المثلث من قدام ونلفة حوالين الرقبة لفة واحدة.

طرق للبس السكارف 1
طرق للبس السكارف 1

2- The Muffler:

هنستخدم هنا السكارف الطويل, هتحطيه على الرقبة وتخلي ناحية اطول من ناحية, وبعدين لفي الناحية الطويلة حوالين الرقبة لفة واحدة, وامسكي طرفين السكارف اربطيهم عقدة مع بعض على الجنب.

طرق للبس السكارف 2
طرق للبس السكارف 2

3- Long Scarfs:

الطرق دي كلها باستخدام السكارف الطويل, ممكن تعمليه باكتر من طريقة زي ما هو باين في الصورة كده.

– اول واحدة, هتحتاج سكارف طويل ويكون عريض شوية, بتربطي اطراف السكارف مع بعضها, وبتدخليه في الرقبة وبتخلي الناحية المربوطة من ورا, وبعدين بتلفيه وتجيبيه على قدام, وممكن تخليه نازل على الصدر, او تحطي على راسك.

– اللفة التانية, بالسكارف الطويل العادي وبطريقة اللفة التقليدية, بتحطيه على الرقبة وبتلفيه كذا لفه حوالين الرقبة, حسب الطول اللي تحبيه.

– تالت واحدة, اتني السكارف على اتنين وحطيه على الرقبة, ودخلي الطرف بتاعة جوه الجزء المتني.

– اللفة الرابعة, شبه اللفة اللي فاتت بردو هتتني السكارف على اتنين وتحطيه على الرقبة, بس هتاخدي طرف واحد من السكارف تدخليه تحت الجزء المتني, والطرف التاني مرريه من فوق.

– خامس لفة, كمان هتتني السكارف نصين وتحطيه على الرقبة, مرري الطرفين جوه الجزء المتني, وبعدين خدي الطرف مرريه  من السكارف من فوق عند خط الرقبة, ودخليه تاني جوه الجزء المتني في السكارف.

طرق للبس السكارف 3
طرق للبس السكارف 3

4- The Bow:

حطي السكارف على الرقبة وخلي ناحية اطول من ناحية, وامسكي الطرف الطويل اتني الجزء اللي تحت منه بحيث الطرف بتاع السكارف ميبقاش باين, امسكيه من النص ولفي حواليه الطرف التاني القصير واربطيه عشان تعملي شكل الفيونكة ومتتفكش منك.

طرق للبس السكارف 4
طرق للبس السكارف 4

5- Half-Tied:

الطريقة دي كمان بالسكارف المربع الكبير زي اللي استخدمناه في اول طريقة, حطيه على الرقبة بالعكس يعني خلي الطرفين من ورا, وبعدين لفيه حوالين الرقبة وهاتي الطرفين من قدم واربطيهم في بعض.

طرق للبس السكارف 5
طرق للبس السكارف 5

6- X-Press Scarf:

طريقة اللفة السريعة, كل اللي محتاجاه سكارف كبير Oversized, هتحطيه على كتفك وتجيبي طرف من السكارف على الناحية التانية بس كده زي ما هو باين في الصورة.

طرق للبس السكارف 6
طرق للبس السكارف 6

7- The Allure:

هتحطي السكارف بالعكس على الرقبة, وتلفيه حوالين رقبتك وتجيبي الطرفين قدام, وتربطيهم في بعض على شكل عقدة, وتجيبيها ناحية الجنب.

طرق للبس السكارف 7
طرق للبس السكارف 7

4 ستايلات لربط السكارف مختلفة ومبتكرة في موضة 2018

4 ستايلات لربط السكارف مختلفة و مبتكرة فى موضة 2018
4 ستايلات لربط السكارف مختلفة و مبتكرة فى موضة 2018

مقالات متعلقه

طرق مختلفة تلبسي بيهم البلانكيت سكارف Blanket Scarf

طرق مختلفة تلبسي بيهم البلانكيت سكارف Blanket Scarf

4 ستايلات  لربط السكارف مختلفة و مبتكرة  فى موضة 2018

4 ستايلات لربط السكارف مختلفة و مبتكرة فى موضة 2018

12 قطعة متستغنيش عنها في الشتا عشان تطلعي بلوك احلى

12 قطعة متستغنيش عنها في الشتا عشان تطلعي بلوك احلى