ازاي تستخدمي بياض البيض لعلاج الهالات السودا وانتفاخات العين

ريهام محمود
ريهام محمود
في
بشرة
18209

الهالات السودا وانتفاخات تحت العين من اكتر المشاكل اللي بيعاني منها كتير من البنات, وبيكون ليها اسباب كتير ممكن تظهر بسبب قلة العناية بالمنطقة دي, او عدم استخدام كريمات العين, القعدة فترة طويلة قدام شاشة الكمبيوتر, وغيرها من الحاجات اللي ممكن تأثر على العين, بالاضافة كمان ان عامل السن ليه تأثير مع التقدم في السن بتبدأ تظهر المشكلة اكتر, لكن مع العلاجات الطبيعية البسيطة نقدر نتخلص من المشكلة دي ونمنعها, ويمكن يكون في كتير استخدموا وصفات مجبتش معاهم نتيجة لان كل بشرة اكيد بتختلف استجابتها عن التانية, عشان كده النهاردة جايبين لكم علاج مختلف هنقولك طرق علاج الهالات والانتفاخات ببياض البيض.

– تعالوا الاول نعرف فوايد بياض البيض:

1- بياض البيض بيحتوي على مستويات عالية من البروتينات وفيتامين E اللي بتساعد على شد الجلد, وبالطريقة دي بيساعد على شد الجلد المترهل تحت العين, وبالتالي ده بيقلل من ظهور الاكياس والانتفاخات تحت العين, عشان كده بياض البيض يعتبر من افضل العلاجات الطبيعية اللي بتشد الجلد وترجع له شبابه وتعالج التجاعيد.

2- بياض البيض بيحتوي على على خصائص تفتيح للبشرة, وبالتالي ده بيساعد على تفتيح الهالات السودا وتصبغ الجلد تحت العين.

– طرق علاج الهالات والانتفاخات ببياض البيض:

1- الطريقة (1):

هنجيب طبق, نكسر البيضة ونفصل البياض عن الصفار, ومن غير ما نخفق البياض بكل بساطة هندهنه تحت العين, ونسيبه لحد ما ينشف تقريبا لمدة 15 دقيقة, وبعدها نغسله بالمية, كرري الوصفة يوميا لافضل النتايج.

علاج الهالات والانتفاخات ببياض البيض 1
علاج الهالات والانتفاخات ببياض البيض 1

2- الطريقة (2):

هنفصل الصفار عن البياض, هنضيف على البياض معلقة كبيرة عصير بطاطس ونقلبهم مع بعض, وندهن الخليط تحت العين, ونسيبه لمدة 15 دقيقة لحد ما ينشف, بعدها نغسله بالمية, كرري الوصفة يوميا.

علاج الهالات والانتفاخات ببياض البيض 2
علاج الهالات والانتفاخات ببياض البيض 2

3- الطريقة (3):

هنفصل الصفار عن البياض, هناخد البياض نضيف عليه عصير ½ ليمونة ونقلب الخليط مع بعض, هنجيب منديل سميك او او منديل المطبخ ننقعه في الخليط, نامي على ضهرك وحطي المنديل تحت العين لمدة 30 دقيقة وبعدين شيليه واغسليه البشرة بالمية, كرري الوصفة يوميا.

علاج الهالات والانتفاخات ببياض البيض 3
علاج الهالات والانتفاخات ببياض البيض 3

سيروم القهوة للعين لعلاج الهالات السودا والانتفاخات

سيروم القهوة للعين لعلاج الهالات السودا والانتفاخات
سيروم القهوة للعين لعلاج الهالات السودا والانتفاخات

مقالات متعلقه

ماسك للعين بمكونين اتنين بس للتخلص من الهالات السودا والانتفاخات

ماسك للعين بمكونين اتنين بس للتخلص من الهالات السودا والانتفاخات

ازاي تستخدمي زيت اللوز الحلو لتقليل الهالات السودا

ازاي تستخدمي زيت اللوز الحلو لتقليل الهالات السودا

7 طرق لاخفاء انتفاخات العين من غير كونسيلر

7 طرق لاخفاء انتفاخات العين من غير كونسيلر