15 ستايل موضة لموسم الخريف والشتا اكيد هتضيفيهم لدولابك
مع دخول موسم الخريف بيبدأ الجو يبقى برد شوية وبنحتاج اننا نحول دولابنا للملابس المناسبة للجو ده, وكل سنة بنفكر في الستايلات التقليدية اللي عندنا ومش بنفكر نجدد, عشان كده النهاردة جايبين لكل بنات حوا الستايلات الموضة لموسم الخريف والشتا اللي اكيد هيخلوكي تجددي دولابك وتضيفيهم, والمجموعة منوعة ما بين المناسب للجو المتوسط بتاع الخريف, ومنهم التقيل اللي ممكن تكملي بيه للايام البرد اكتر في موسم الشتا.
الستايلات الموضة لموسم الخريف والشتا:
1- الكارديجان الكلاسيك:
لو معندكيش قطعة اللكارديجان الكلاسيك ده يبقى ده الوقت اللي لازم تضيفيها لدولابك, لان القطعة دي تقريبا ممكن تلبسيها مع كل حاجة, ويعتبر من اكتر القطع المناسبة للخريف.
2- البلوفر الكلاسيك:
كل بنت محتاجة في دولابها البلوفر الصوف, لانه مريح جدا في اللبس وفي نفس الوقت بيدفي, ومناسب جدا للايام اللي بتبقي مستعجلة فيها وعايزة حاجة سريعة وعملية وانيقة في نفس الوقت, بس هتنسقيه مع الجينز والبوت وهتبقي عملتي لوك شيك في اسرع وقت, وستايل البلوفر الواسع Oversized sweater من الستايلات الموضة جدا الموسم ده.
3- الكم الجرس:
الكم الجرس من القطع المميزة جدا اللي بتدي البلوفر لوك مختلف, وانسب حاجة معاه انك تنسقيه مع سكيني جينز عشان يعمل توازن في اللوك بتاعك.
4- الوان الخريف المفضلة:
من اكتر الالوان الخريفي المميزة جدا والمفضلة للفصل ده اللي ممكن تنسقيها مع بعض هما اللونين الاسود والبرتقاني المحروق, يمكن لان اللون البرتقاني مرتبط اوي بلون الشجر في الخريف وجو الخريف بشكل عام.
5- الجلد:
مع دخول الجو البارد والسقعة ده يعتبر التوقيت المناسب للقطع الجلد, ممكن تنسقي جيبة جلد مع بلوفر واسع Oversized sweater, او بنطلون جلد مع بلوفر وبوت.
6- Street Chick:
اعملي لوك Street انيق, نسقي سكيني جينز بوسط عالي high-waisted مع اي قطعة تفضليها من فوق, وكملي اللوك بالبوت المناسب للوك عصري انيق.
7- Jewel Tones:
درجات الوان الاحجار الكريمة زي الاخضر الزمردي والارجواني الغامق, من الالوان التريندي جدا للموسم, وبتدي لوك رائع وانيق من غير اي مجهود.
8- طبقات Street style:
تنسيق الطبقات فوق بعض من اكتر الستايلات الاساسية لفصل الخريف والشتا, ممكن تنسقي بلوفر واسع oversized sweater وتحته شيميز, وخلي طول البلوفر اقصر من الشيميز عشان تبيني الطبقات.
9- البوت والقبعة:
الاكسسوارات من المكملات المهمة جدا للوك عشان تظهره بشكل احلى, ممكن تنسقي بوت وقبعة بنفس اللون, وتنسقي باقي اللبس بألوان تمشي معاهم.
10- The wrap Dress:
ال Wrab dress او الفستان الملفوف يمكن يكون من القطع اللي هنفكر انها مناسبة للصيف بس, لكن الستايل ده ممكن يتلبس للخريف كمان, ممكن تنسقي فستان طويل مع بوت للوك خريفي عصري.
11- جاكيت جلد مع بليزر:
نفس فكرة الطبقات ولكن بلوك مختلف ويمشي مع الايام البرد اوي, ممكن تلبسي جاكيت جلد قصير مع بليزر واسع oversized blazer, والافضل يكونوا بنفس اللون للوك احلى ومتناسق اكتر.
12- الالوان الميتاليك:
الالوان الميتاليك زي الفضي, الدهبي, والبرونزي, من الالوان التريندي جدا للموسم ده.
13- الفستان الجينز:
لو عندك فستان جينز مفضل كنتي بتلبسية في الصيف, ممكن تلبسيه في الخريف والشتا بس نسقي تحته بلوفر Turtleneck مع انكل بوت هتعملي لوك انيق وهيدفيكي في نفس الوقت.
14- ستايل البوهو:
الستايل البوهو من الستايلات التريندي جدا للموسم ده, ممكن تلبسي كيمونو بوهو طويل مع جينز وشيميز, وتنسقي معاهم قبعة وبوت.
15- ستايل الشراشيب:
البلوفر والكارديجان مع الشراشيب كمان من القطع الموضة جدا للموسم ده, ممكن تنسقيه مع شيرت دريس, للوك مريح وانيق جدا, او مع بلوفر وبنطلون جينز او جلد.