اعرفى ايه علاقة المزيكا بذكائك العاطفى و ازاى ممكن تأثر عليكى
المزيكا مش مجرد اغانى و نغمات والحان بنسمعها لما نحب نغير المود او بنعتبرها حاجة ترفيهية وخلاص، لكن المزيكا بترتبط دايما فى وعينا بمواقف واشخاص وبتفكرنا بلحظات و حتى اماكن معينة. علشان كده الاغانى مش حاجة جانبية او مش مهمة، بالعكس الاغانى بتأثر على وعينا و لعى ذكائنا خصوصا ذكائنا العاطفى. علشان كده فى المقال ده هناقش حاجة جديدة و مختلفة عن الموضة و الازياء، اعرفى فى المقال ده مع بنات حوا ايه علاقة المزيكا بذكائك العاطفى و ازاى ممكن تأثر عليكى
اعرفى ايه علاقة المزيكا بذكائك العاطفى و ازاى ممكن تأثر عليكى
اكيد بتعدى عليكى اغانى معينة وانتى بتسمعيها جسمك بيقشعر او بتحسي برد فعل جسدى معين زى انك تضحكى او تعيطى ، الحقيقة انه رد الفعل ده مش حاجة عادية كده، لانه فى ابحاث تمت فى جامعة هارفارد السنة الى فاتت على ايد باحث اسمه Matthew Sachs بتقول انه بالتجربة انه الافراد اللى بيحصلهم ردود فعل ملموسة تجاه الموسيقى ده معناه انه ذكائهم العاطفى عالى وان احاسيسهم قوية ومشاعرهم فى اغلب الوقت صادقة بنسبة كبيرة.
البحث تم على 20 طالب، 10 منهم تم اثبات انم بيمروا بالمشاعر دى فعلا وهما بيسمعوا الموسيقى، وقدر الباحث يثبت انه الـ 10 دول تركيبة مخهم مختلفة فعلا عن الـ 10 التانيين اللى ماتأثروش بالتجربة ، وفى نتيجة تانية مهمة للبحث ده هى انه ممكن الموسيقى تعالج الاكتئاب بأنها ترتبط بمواقف جديدة حلوة او تسبب احساس من السعادة اللى بيخلى الجيم يبقى حيوى و نشط و يخليكى تبتسمى، علشان كده المرة الجاية اللى تسمعى فيها موسيقى انتبهى كويس للى بتسمعيه :)