تركيبات اكل لو اكلتيهم مع بعض ممكن تدمر صحتك

بقلمريهام محمود فيصحة visibility3376

ساعات كتير بنبقى متعودين ناكل اكلات معينة مع بعض, بس اللي منعرفوش ان في اكلات لو جمعناها مع بعض ممكن تأثر بشكل سلبي على نظام الهضم وتسببلك مشاكل صحية, وده اللي هنعرفه النهاردة من خلال موضوعنا هنتعرف على تركيبات اكل ممكن تدمر صحتك لو اكلتيها مع بعض.

تركيبات اكل ممكن تدمر صحتك:

1- ساندوتش جبنة + قهوة:

الصبح لما نكون مستعجلين وعايزين ناكل حاجة سريعة بنستسهل وناكل سندوتش جبنة مع قهوة او نسكافية, الكربوهيدرات اللي موجودة في الخبز بتمنع هضم الكالسيوم بشكل صحيح, وبتأثر على الجهاز العصبي والقلب والاوعية الدموية, وكمان تشربي قهوة مع السندوتش بكده انتي مش هتستفادي بالاكل خالص ومش هيعود عليكي اي فايدة.

نصيحة: لو انتي من محبات سندوتشات الجبنة, الافضل انك تشربي بدل القهوة شاي اخضر او ابيض, او اي نوع اعشاب تفضليه.

تركيبات اكل ممكن تدمر صحتك
تركيبات اكل ممكن تدمر صحتك

2- طماطم + خيار:

من اكتر تركيبات الاكل اللي بنحب ناكلها مع بعض هي الطماطم والخيار, لكن الدراسات اثبتت ان الجمع ما بين النوعين دول من الخضروات ممكن يسبب مشاكل في المسارات البيوكيميائية في جسمك, وده ممكن يأدي للتكليس المفرط والتورم وده هيخلي الفيتامينات اللي في الخضروات متتهضمش بشكل صحيح.

نصيحة: كلي الخيار والطماطم بشكل منفصل, مثلا كلي النهاردة سلطة خضار مع الطماطم, وتاني يوم اعملي سلطة خضار مع الخيار لكن متجمعيش بينهم.

تركيبات اكل ممكن تدمر صحتك
تركيبات اكل ممكن تدمر صحتك

3- بطاطس مقلية + لحمة:

البطاطس مع اللحمة كمان من تركيبات الاكل اللي كتير مننا بياكلها, لكن للاسف ان تركيبة الاكل دي تقيلة جدا على المعدة, لان النشا الموجودة في البطاطس محتاجة سوائل هضمية قلوية, والبروتينات اللي في اللحمة بتحتاج سوائل حمضية, وبالتالي لما بنجمعهم مع بعض هتفضل في المعدة ومش هتتهضم, وده هيسبب اضطرابات زي التجشؤ, الحرقة, الغازات, وغيرها من المشاكل اللي ممكن تحصل للمعدة والنظام الهضمي.

نصيحة: اختاري طبق جانبي مع اللحمة يكون خضروات زي البروكلي, القرنبيط, الفاصوليا الخضرا, او الكوسة.

تركيبات اكل ممكن تدمر صحتك
تركيبات اكل ممكن تدمر صحتك

4- اللحمة المفرومة + المكرونة:

اللحمة المفرومة والمكرونة كمان من التركيبات الشائع جدا اكلها مع بعض, لكن بردو تعتبر من التركيبات المضره لان الغدد اللعابية بتنتج البتيالين والاميليز اللي بتحول الكربوهيدرات او النشا اللي موجودة في المكرونة لسكريات بسيطة, ولما السكريات تغطي البروتينات اللي موجودة في اللحمة بتخلق خليط كيميائي خطير ممكن يأدي لمرض السكر, والامراض القلبية الوعائية.

نصيحة: الافضل انك تاكلي المكرونة كطبق منفصل, والافضل كمان تختاري المكرونة المصنوعة من القمح الكامل مع صلصة معمولة مع الاعشاب.

تركيبات اكل ممكن تدمر صحتك
تركيبات اكل ممكن تدمر صحتك

5- منتجات الالبان + الاناناس:

الفواكه الحمضية بطبيعة الحال بتخلي عملية الهضم ابطأ, وخصوصا الصبح, بالاضافة ان الاناناس بيحتوي على البروميلين وده انزيم معقد لو اتجمع مع منتجات الالبان ممكن يسبب تسمم.

وخلط اي نوع فاكهة بشكل عام مع الزبادي ده بيسبب مشاكل لعملية الهضم وبيصعبها, وممكن يسبب احتقان الانف, الكحة, والحساسية.

نصيحة: لو عايزة تاكلي فاكهة مع منتجات الالبان الافضل تختاري مشمش مجفف او برقوق بدل الاناناس, او تاكلي الفاكهة لوحدها بس تضيفي لها معلقة عسل ابيض للتحلية او زبيب.

تركيبات اكل ممكن تدمر صحتك
تركيبات اكل ممكن تدمر صحتك

6- الموز + اللبن:

الخليط ده يعتبر شائع جدا خصوصا بين الاشخاص اللي بيتبعوا نظام غذائي صحي لانه مغذي وسريع التحضير, لكن مع ذلك خبراء التغذية بيعتقدوا ان الفواكه وخصوصا الحلوة او اللي فيها سكريات الافضل انها تتاكل بشكل منفصل, لانها لما بتتاكل مع اي حاجة تانية بتفضل في الجسم لفترة اطول, وبتبطأ عملية الهضم, اما بالنسبة للبن فهو كمان صحي اكتر لما يتشرب بشكل منفصل من غير اضافات.

نصيحة: ممكن تاكلي الموز لوحدة كسناكس او وجبة خفيفة بين الوجبات الرئيسية.

تركيبات اكل ممكن تدمر صحتك
تركيبات اكل ممكن تدمر صحتك

7- الفاكهة + الوجبات الرئيسية:

كتير من الناس بيختموا اكلهم بثمرة فاكهة او بياكلوا الفاكهة بعد الوجبة مباشرة, اكل الفاكهة لوحدها بشكل منفصل عادة بتتهضم بسهولة لكن لو اكلتيها بعد الاكل على طول خصوصا الوجبات اللي بتحتوي على نشويات وبروتينات زي المكرونة واللحمة, هتفضل فترة طويلة في الجهاز الهضمي وتتخمر وتسبب اضرار في الامعاء.

نصيحة: كلي الفاكهة كوجبة خفيفة صحية بين الوجبات الرئيسية.

تركيبات اكل ممكن تدمر صحتك
تركيبات اكل ممكن تدمر صحتك

8- تونة + مايونيز:

كتير من خبراء التغذية بيحذروا من الجمع بين الاطعمة الدهنية والبروتين, والسبب في ده ان الدهون بتحتاج  املاح صفراوية من المرارة عشان تتهضم, ولما تضيفي لها البروتين زي التونة هيخلي الجهاز الهضمي تحت ضغط اكبر وهيصعب عملية الهضم.

نصيحة: الافضل تاكليهم بشكل منفصل.

تركيبات اكل ممكن تدمر صحتك
تركيبات اكل ممكن تدمر صحتك

9- المية + الوجبات:

كتير من الناس عندهم عادة شرب المية في وسط الاكل, وده عادة غلط جدا لان شرب المية اثناء الاكل بيخفف من الانزيمات اللازمة لعملية الهضم وهتخليها غير فعالة ومش هتقوم بمهمتها.

نصيحة: الافضل شرب المية قبل الاكل افضل بكتير صحيا ولعملية الهضم.

تركيبات اكل ممكن تدمر صحتك
تركيبات اكل ممكن تدمر صحتك

10- العسل + الشاي:

في كتير بيحلوا الشاي او المشروبات السخنة بشكل عام بالعسل الابيض, والمشكلة هنا ان العسل مجرد ما يدوب في الشاي ممكن ينتج سموم, وهيسد قنوات الجسم.

نصيحة: الافضل اضافة العسل للمشروبات الباردة, او تاكليه لوحده بشكل منفصل.

تركيبات اكل ممكن تدمر صحتك
تركيبات اكل ممكن تدمر صحتك

11- الملح + السلطة:

الملح مشكلتة انه لما هتحطيه مع السلطة بيمتص الرطوبة من الخضروات الورقية, وكل المواد الغذائية المفيدة, واحنا عموما بنكون محتاجين في يومنا كمية صغيرة جدا من الملح, والاطباء واخصائيينن القلب صرحوا ان الشخص محتاج 2400 مليجرام ملح في اليوم, يعني تقريبا معلقة واحدة صغيرة بس.

نصيحة: ممكن تستخدمي بدل الملح مع السلطة عصير ليمون, بودرة ثوم, بابريكا, قرنفل, او اعشاب مجففة زي الزعتر او الريحان او الروز ماري, كل الاضافات دي هتدي نكهة للسطلة تخليكي تستغني عن الملح.

تركيبات اكل ممكن تدمر صحتك
تركيبات اكل ممكن تدمر صحتك

8 تركيبات اكل لو اكلتيهم مع بعض هتساعدك على خسارة الوزن..و 6 لازم تتجنبيهم

تركيبات اكل هتساعدك على خسارة الوزن
تركيبات اكل هتساعدك على خسارة الوزن