نصايح ازاى تعبرى لحد عن مشاعرك وتعرفيه انه مهم فى حياتك

بقلمآية حسان فيعلاقات visibility5147

انك تعرفى ازاى تعبرى لحد عن مشاعرك خصوصا لما تكونى انتى اللى حابة تاخدى الخطوة دى، حاجة مش سهلة ومحتاجة جرأة و قلب جامد، ولأنه الموضوع زى ما قلنا مش سهل .لازم لما تنوى تاخدى الخطوة دى تبقى عارفة انتى بتعملى ايه كويس اوى، فى المقال ده بنات حوا هتقولك على طرق مختلفة تقدرى تعبرى عن طريقها بإعجابك بطريقة شيك و بسيطة، خلينا نعرفهم مع بعض.. 

نصايح ازاى تعبرى لحد عن مشاعرك وتعرفيه انه مهم فى حياتك

1- فاجئيه بهدية : 

قبل ما تجربى الخطوة دى جربى تبينى مشاعرك او اعجابك عن طريق الكلام و التلميحات البسيطة، ولو حبيتى تخلى تعبيرك اقوى ممكن تفاجئيه بهدية من غير مناسبة مثلا، زى تذاكر ماتش لفريقه المفضل او تذاكر لحفلة مثلا. الحاجات دى الولاد بيقدروها جدا لانها بتبين انك عارفه و مهتمة بالحاجات اللى بيحبوها وباهتماماتهم. 

2-  ساعديه او اعمليله حاجة لطيفة : 

الفعل اهم دايما من القول، علشان كده لو كان بيرتب لمناسبة مهمة عنده او لحاجة مهمة فى شغله مثلا وانتى عرضتى انك تساعديه بحاجة تعرفى تعمليها وساعدتيه فعلا ده هيبين اهتمامك و هيوصل مشاعرك بشكل اقوى.

3- قضى معاه وقت حتى لو مش فاضية : 

القاعدة معروفة، الناس بتخلق وقت رغم مشاغلها علشان تقضيه مع الناس اللى هما بيهتموا بيهم وبيحبوهم، علشان كده لما تخلقى وقت علشان تقضيه معاه حتى لو كنتى مشغولة او مش فاضية ده بيوصل رسالتك بانك معجبة بيه بقوة. 

4- خليكى صريحة : 

آخر نصيحة معانا ليكى علشان تعرفى ازاى تعبرى لحد عن مشاعرك هى انك تخليكى صريحة، صحيح احنا لسه قايلين انه الافعال دايما اقوى من اى كلام، لكن بعد الفعل الكلام بيبقى مهم لانه بيأكد الافعال دى، علشان كده لو اتأكدتى من مشاعرك كويس و قررتى خلاص تاخدى الخطوة انتى و انتى اللى تبدأى بالكلام، خليكى صريحة معاه و قولى اللى انتى حاساه و قت ماتحسي انك مستعدة من غير تزويق ولا زيادة. 

اعرفى معانا كمان 25 علامة لو بيعملها معاكي تبقى اعتراف بحبه ليكي