ازاي تشدي ترهلات الصدر بطريقة طبيعية باستخدام زيت الزيتون

بقلمريهام محمود فيصحة visibility25720

اكيد كل بنت بتسعى لشكل صدر مثالي ومشدود, والصدر لانه بيتكون من انسجة دهنية وغدد فبالتالي شكله بيتأثر بسرعة من اتباع نظام غذائي غلط او العادات الغير صحية في حياتنا بشكل عام اللي ممكن تسبب ترهل الصدر, والنهاردة من خلال موضوعنا هنقولك طريقة شد الصدر باستخدام زيت الزيتون, والحفاظ على شكله ومنعه من الترهل.

– اسباب ترهل الصدر:

واحد من الاسباب اللي ممكن تأدي لترهل الصدر هو لبس حمالة صدر مش مريحة او بمقاس غلط, لازم تختاري حمالة الصدر بالمقاس المناسب عشان تدعم الصدر بشكل مظبوط.

بعض الخبراء بيقولوا ان التمارين الرياضية العنيفة اوي او اللي ليها تأثير عالي ممكن تأثر على حجم الصدر, لانها ممكن تأدي لانهيار الكولاجين من الصدر, عشان كده الافضل انك تستشيري دكتور امراض نسا قبل ما تبدأي في اي نوع رياضة يكون تأثيرها عالي على الجسم.

واحد من الاسباب كمان هو التقدم في السن او الشيخوخة طبيعي هيحصل ترهل في الصدر, ممكن يحصل الترهل كمان بسبب الافراط في الرضاعة الطبيعية, في سبب تاني ممكن يكون غريبة شوية وهو سحب الجاذبية ممكن يحصل بسببه ترهل في الصدر ويأثر على البنات اللي حجم صدرهم كبير.

طريقة شد الصدر باستخدام زيت الزيتون
طريقة شد الصدر باستخدام زيت الزيتون

– ليه زيت الزيتون مفيد لشد الصدر ؟

زيت الزيتون بيوفر تغذية مكثفة للبشرة وبيخترق بسهولة الطبقات الداخلية للجلد والحفاظ على رطوبتة ونعومته, وبيحتوي على الاحماض الدهنية اللي بتغذي الانسجة الدهنية للصدر وبيحميها من الجفاف, لان جفاف الانسجة بيأدي الى ترهل الصدر, كمان المواد المضادة للاكسدة الموجودة في زيت الزيتون بتحمي الجلد من الجفاف وبتحافظ عليه مرن وصحي, عشان كده تدليك الصدر يوميا بزيت الزيتون من الحاجات المفيدة جدا اللي بتمنع ترهل الصدر المبكر.

طريقة شد الصدر باستخدام زيت الزيتون
طريقة شد الصدر باستخدام زيت الزيتون

– طريقة شد الصدر باستخدام زيت الزيتون:

1- الطريقة الاولى:

– حطي كمية من زيت الزيتون على كف الايد وفركيه بين ايديكي الاتنين عشان ده هيعمل حرارة تدفي الزيت.

– ابدأي دلكي الصدر بزيت الزيتون في حركات تصاعدية يعني من تحت لفوق.

– دلكيه 10 دقايق عشان ده بيساعد على زيادة تدفق الدم, واصلاح الخلايا .

– كرري الطريقة دي على الاقل من 7 – 8 مرات في الاسبوع.

طريقة شد الصدر باستخدام زيت الزيتون
طريقة شد الصدر باستخدام زيت الزيتون

2- الطريقة التانية:

– هاتي طاسة حطي فيها ½ كوباية زيت زيتون.

– ضيفي للزيت 2 معلقة كبيرة بذور حلبة وحطي الطاسة على نار هادية.

– ضيفي للخليط 2 معلقة كبيرة حبة البركة.

– قلبي المكونات مع بعض كويس, واستمري في التقليب لمدة 5 دقايق.

– سيبي الخليط على نار هادية لمدة من 10 – 15 دقيقة.

– ارفعيه من على النار وصفيه في برطمان زجاجي, والزيت ممكن يقعد عندك لحد شهر.

– استخدمي الزيت يوميا في تدليك الصدر في حركات تصاعدية لمدة 30 دقيقة.

– بعد تدليك الصدر بالخليط البسي برا عشان يدعم شكل الصدر.

– انتظمي على الطريقة دي يوميا لحد ما توصلي للنتيجة المطلوبة وهي مش بس بتشد الصدر كمان بتساعد على تكبيره وهتلاحظي النتيجة خلال من 2 – 3 اسابيع.

طريقة شد الصدر باستخدام زيت الزيتون
طريقة شد الصدر باستخدام زيت الزيتون

 – الطريقة بالفيديو:

– نصايح للحفاظ على شكل الصدر ومنعه من الترهل:

1- اول واهم حاجة البسي حمالة صدر بمقاس مناسب عشان تدعم الصدر.

2- مارسي بعض التمارين الرياضية الخفيفة بانتظام.

3- ترطيب وتدليك الصدر بانتظام.

4- مارسي تمارين الصدر اللي هتساعد على الحفاظ على شكل الصدر وتحافظ عليه من الترهل.

5- اشربي كمية كبيرة من المية يوميا, واعتمدي على نظام غذائي متوازن.

6- حاولي تحافظي على وزن ثابت لان زيادة وانقاص الوزن باستمرار ده بيأثر بشكل سلبي على الصدر وبيسبب الترهل.

طريقة شد الصدر باستخدام زيت الزيتون
طريقة شد الصدر باستخدام زيت الزيتون

في النهاية ترهل الصدر هيحصل بشكل طبيعي مع التقدم في السن, لكن اللي احنا نقدر نعمله اننا ناخر ده بالوصفات الطبيعية اللي بتساعد على الحفاظ على شكله لاطول فترة ممكنة, والحفاظ على الصحة بشكل عام هو المفتاح السري للجمال.

7 تمارين يوجا فعالة جدا لشكل صدر جميل ومثالي

7 حركات يوجا فعالة جدا لشكل صدر جميل ومثالي