طريقة عمل وصفة الـ HEALTHY BAKED OATMEAL CUPS للفطار

آية حسان
آية حسان
1042

كتير بنصحى الصبح مش قادرين نقوم و لا نفطر .. خصوصا فى ايام الشتا الساقعة لما بنبقى مش قادرين نقوم من تحت الغطا علشان ننزل الشغل او الكلية، ولانه الفطار بتزيد اهميته كوجبة خصوصا فى ايام الشتا لاننا بنحتاج دفعة كبيرة من الطاقة نبدأ بيها اليوم، وعلشان تبعدى عن الفطار التقليدى بتاع كل يوم اللى بتزهقى منه و تجربى حاجة جديدة.. بنات حوا فى المقال ده جيبالك وصفة جديدة تعملى بيها فطار سريع و صحى و هيديكى كل الطاقة اللى لازماكى، و ممكن تاكليه عادى حتى لو كنتى على ريجيم او نباتية .. اعرفى فى المقال ده طريقة عمل وصفة الـ HEALTHY BAKED OATMEAL CUPS للفطار ..

طريقة عمل وصفة الـ HEALTHY BAKED OATMEAL CUPS للفطار ..

وصفة بتعتمد على الشوفان كمكون أساسي علشان كده مليانة بفوايد كتيرة زى الالياف و الفيتامينات و البروتين اللى بيحتاجها جسمك كل يوم وكمان طعمها لذيذ وغنى علشان تبدأى اليوم بفطار يظبط مودك ، خلينا نبدأ الوصفة على طول ..

وقت التحضير : 

40 دقيقة .

عدد الافراد : 

تكفى لـ 12 فرد.  

المقادير المطلوبة : 

بيضتين.

اى عدد تفضليه من التمر،” مقطع قطع صغيرة”

نص كوباية مية دافية.

كوباية ونص من حليب اللوز بدون سكر .

معلقتين من الشربات ” ممكن تستغنى عنهم”.

ربع كوباية من زبدة اللوز ” ممكن تستخدمى زيت درة بدالها” .

معلقتين أكل من خلاصة الفانيليا .

3 كوبايات من الشوفان.

معلقتين قرفة مطحونة.

معلقة باكينج بودر.

نص معلقة ملح. 

اختيارى للتزيين : 

نص كوباية من المكسرات و الـ chocolate chips .

نص كوباية من الفاكهة المجففة. 

baked oatmeal cups 2

طريقة التحضير : 

1- رشي صينية الـ cup cakes برشة زيت بسيطة، وسخنى الفرن على درجة حرارة 150.

2- اضربي البيض وخليه على جنب، حطى المية الدافية و التمر فى الكبة و اضربيهم مع بعض، ابدأى بسرعة قليلة وبعدين على السرعة تدريجيا. لحد ما يكونوا قوام يشبه العجينة.

3- ضيفى حليب اللوز ، والشربات و زبدة اللوز و الفانيليا مع بعض فى بولة كبيرة، وعليهم نص كمية التمر والبيض، استمرى فى التقليب لحد ما يكونوا خليط ناعم من غير تكتلات .

4- ضيفى الشوفان، القرفة و البيكنج بودر و الملح ، واستمرى فى التقليب لحد ما يتمزجوا كويس.

5- ابدأى صبى الخليط فى صينية الـ cupcake لحد الآخر وحطى اى topping تفضليه.

6- اخبزيه فى الفرن من 25 لـ 30 دقيقة، هترتفع بسيط و لونها هيتحول للبنى الخفيف ، علشان تتأكدى انها استوت ، اختبريها بشوكة او سكينة من نصها، السكينة هتطلع تقريبا نضيفة . بعد ما تطلعها من الفرن سيبيها فى الصينية تبرد حوالى 5 دقايق.

7- ابدأى طلعيها من الصينية بخفة، ممكن تحتاجى تسلكيها بسكينة ، ممكن تحطيها فى علبة و تحتفظى بيها لحوالى اسبوع. ولو حبيتى تجمديها لفيها بـ plastic wrap و حطيها فى الفريزر او الديب فريزر . 

baked oatmeal cups 3

اعرفى معانا كمان طريقة عمل وصفة مافن البيض بالجبنة المخبوزة فى الفرن ..

مقالات متعلقه

دايماً متسعجلة الصبح ومابتهتميش بيها؟ اعرفي إيه اللي يحصل لجسمك لو تخطيتي وجبة الفطار

دايماً متسعجلة الصبح ومابتهتميش بيها؟ اعرفي إيه اللي يحصل لجسمك لو تخطيتي وجبة الفطار

وجبة مثالية للفطار.. اعرفي معانا وصفة توست البيض بالجبنة اللذيذة

وجبة مثالية للفطار.. اعرفي معانا وصفة توست البيض بالجبنة اللذيذة

بالخطوات .. وصفة الفراخ بالكاجو السهلة واللذيذة

بالخطوات .. وصفة الفراخ بالكاجو السهلة واللذيذة