افكار ازاي تلبسي البلوفر الواسع ال Oversized sweater
مع بداية الشتا والبرد بنحتاج الهدوم التقيلة اللي تدفينا كويس, ومن القطع التريندي جدا الموسم ده هو ستايل البلوفر الواسع والنهاردة هنقولك افكار ازاي تلبسي البلوفر الواسع ال oversized sweater.
الستايل ده من البلوفرات مناسب لكل الاوقات لو عايزة تعملي لوك كاجوال ورياضي ممكن تنسقيه مع ليجينج وشوز رياضي, ولو عايزة لوك انيق ممكن تجربي تنسقيه مع سكيني جينز وبوت طويل لحد الركبة.
والستايل ده من البلوفرات الميزة فيه انه مناسب جدا لاي جسم,لو جسمك نحيف هيبقى مناسب ليكي جدا لانه بيدي حجم اكبر للجسم, ومن ناحية تانية لو جسمك مليان وعايزة تداري ديفوهات الجسم كمان هيكون مناسب ليكي لانه هيداري اي ديفوهات.
يعني القطعة دي لازم تكون في دولابك في الشتا لانها انيقة وفي نفس الوقت بتدفي جدا في الايام البرد.
ومش بس البلوفر الواسع تريندي للموسم ده كمان الكارديجان الواسع من القطع الموضة جدا لموسم الشتا.