اتخلصي من حصوات الكلى والمرارة بمعلقة واحدة من الخليط ده

حصوات الكلى والمرارة من الحاجات الشائعة بين كتير من الناس, وفي معظم الاوقات ممكن تحصل بسبب شرب مية مش نضيفة او عدم كفاية التغذية, واعراضها بيكون الم حاد او قوي بين الاضلاع والوركين وبعدها بيحصل الم شديد في منطقة اسفل البطن.

وحصوات المرارة غالبا بيحصل بسببها الم في المعدة, وبعدها بيحصل الم في الجنب اليمين من الجسم, والشعور بالغثيان, وطعم مر في الفم, وصداع, والاعراض دي بتحصل عادة بعد الاكل على طول, وخصوصا الاكلات اللي بتحتوي على دهون كتير.

والنهاردة هنعرف مع بعض من خلال المقال بتاعنا وصفة لعلاج حصوات الكلى والمرارة بشكل فعال, وبمكونات بسيطة ومتوفرة في البيت, والوصفة مفيدة للصحة كمان بشكل عام.

وصفة لعلاج حصوات الكلى والمرارة:

المكونات:

1- 100 مل زيت زيتون بكر ممتاز “تقريبا 7 معالق كبيرة”.

2- 100 جرام ليمون.

3- 100 جرام جذور بقدونس مفروم.

4- 100 جرام عسل ابيض.

الطريقة:

اغسلي الليمون كويس جدا بالمية والخل, بعدين قطعيه قطع صغيرة, واضربيه في الخلاط.

قشري جذور البقدونس, قطعيه قطع صغيرة, ضيفيه على الليمون في الخلاط.

ضيفي العسل وزيت الزيتون, واضربي كل المكونات في الخلاط لحد ما تتجانس مع بعض كويس.

احتفظي بيه في برطمان زجاجي نضيف محكم الغلق, وحطيه في التلاجة.

طريقة الاستخدام:

كل يوم تاخدي من الخليط معلقة كبيرة الصبح على معدة فاضية, ومعلقة كبيرة بالليل قبل النوم, الافضل انك تعملي كمية صغيرة وتخلصيها وتعملي غيرها عشان متقعدش فترة كبيرة وتبوظ الافضل تكون طازة, استمري عليها يوميا لحد ما تتخلصي من الحصوات.

ايه اللي هيحصل لجسمك لو اكلتي ثوم وعسل على معدة فاضية كل يوم!