بالصور .. أفضل 5 أنواع من الماسكارا لتطويل وتكثيف الرموش القصيرة

آية حسان
آية حسان
في
مكياج
42767

العيون بتعتبر من اهم سمات وش اى بنت ، و جمالك كله سواء الداخلى او الخارجى بيبان من عينيكى، ولانه اهم جزء فى اى لوك مكياج بتعمليه هو مكياج العيون .. فى المقال ده هنركز على اهم انواع الماسكارا اللى ممكن تستخدميها و تطلع معاكى نتيجة حلوة خصوصا لو كنتى من اصحاب الرموش القصيرة او الخفيفة بطبيعتها، فى المقال ده اعرفى معانا بالصور  أفضل 5 أنواع من الماسكارا لتطويل وتكثيف الرموش القصيرة ..

بالصور .. أفضل 5 أنواع من الماسكارا لتطويل وتكثيف الرموش القصيرة 

1. The Revlon Super Length Mascara :

الماسكارا دى من ريفلون بتيجى بتقنية الـ  fiber formula اللى بتساعد فى انها تديكى تأثير لرموش أغمق ، وبتطول كل رمش بشكل منفصل بالفرشة بتاعتها من نوع الـ in-built brush. الـ  formula المصنوعة منها الماسكارا دى بسوادها التقيل بتسهل عليكى انك تعملى لوك الرموش اللى بتحلمى بيه، وده اللى بيخليها واحدة من  أفضل 5 أنواع من الماسكارا لتطويل وتكثيف الرموش القصيرة من حيث الطول و الـ volume. 

the revlon super length mascara

2. L’Oréal Voluminous Carbon Black Mascara :

ماسكارا The L’Oréal Voluminous Carbon Black بتعبر من انواع الماسكارا المفضلة عند كتير من البنات، ماسكارا بتقل و بتدى volume كبير تحسي معاه بنفس تأثير الرموش الصناعية، علشان كده هى واحدة من افضل انواع الماسكارا اللى ممكن تستخدميها و بيستخدموها خبراء تجميل النجوم، فرشتها السميكة فيها عدد كبير جدا من السنون الصغيرة اوى اللى بتساعد فى تغطية كل رمش بمادة الماسكارا بشكل منفصل، وكمان غنية بالكولاجين اللى بيساعد فى تغذية و تقوية الرموش من غير ما تكتل او تمسك فى بعضها. 

l’oréal voluminous carbon black mascara

3. The Avon Effects Mascara Mega : 

تالت نوع معانا من  أفضل 5 أنواع من الماسكارا لتطويل وتكثيف الرموش القصيرة هى ماسكارا Avon’s Mega Effects mascara، ماسكارا بفرشة فريدة ومميزة جدا بسنون بتساعد فى تغطية كل رمش بشكل كامل من غير اى تكتلات ومن غير ما رموشك تمسك فى بعضها، السنون بتساعد على مد و تطويل الرموش و بترفعها بسبب الـ ultra-pumped look اللى بتعمله الماسكارا، وكمان هتلاقيها بسهولة وبسعر مناسب من ماركة Avon . 

the avon effects mascara mega

4. The Maybelline Volum’ Express The Rocket Waterproof Mascara :  

لو كنتى من محبين استخدام الماسكارا الـ water proof ، يبقى الماسكارا دى من ماركة مايبلين العالمية هى اختيارك الانسب، ماسكارا Maybelline’s The Rocket  بتعتبر من انواع الماسكارا الـ waterproof، بفرشة مليانة بالشعيرات الكثيفة بتخلى سهل عليكى جدا انك تغطى كل رمش بمادة الماسكارا باحترافية عالية.

the maybelline volum’ express the rocket waterproof mascara

5. The Neutrogena Healthy Volume Mascara : 

آخر نوع ماسكارا معانا هى Neutrogena’s Healthy Volume mascara، بتركيبة فريدة لتكثيف الرموش مع لمسة من زيت الزيتون فى تركيبتها ، مش بس بتدى رموشك لوك اطول لكن كمان بتغذيها بفوايد زيت الزيتون المعروفة بأنه بيساعد فى ترطيب الرموش و بيديها لوك لامع وصحى، مع الاستخدام المنتظم للماسكارا دى هتلاحظى انه رموشك الطبيعية بقت أكثف و صحية اكتر . 

the neutrogena healthy volume mascara

اعرفى معانا كمان إزاي نحط الماسكارا صح؟!

مقالات متعلقه

حيلة الفازلين لتطويل وتكثيف الرموش

حيلة الفازلين لتطويل وتكثيف الرموش

نصايح مكياج للعيون المبطنة

نصايح مكياج للعيون المبطنة

10 حيل ماسكارا كل بنت محتاجة تعرفهم

10 حيل ماسكارا كل بنت محتاجة تعرفهم