12 اثر جانبي بيحصل من لبس مقاس حمالة صدر غلط..لازم تعرفيهم قبل ما تشتري
لبس المقاس الصح من البرا او حمالة الصدر من الحاجات المهمة جدا لانها بتدعم شكل الصدر وبتظبطه, عشان كده مهم جدا واحنا بنشتري البرا اننا نختارها بعناية ونجيب المقاس الصح المناسب لمقاس الصدر بالظبط وميكونش ضيق اوي لان ده ممكن يسببلك اضرار صحية, وده اللي هنعرفه النهاردة من خلال موضوعنا هنقول لكل بنات ايه الاثار الجانبية من لبس مقاس برا غلط.
الاثار الجانبية من لبس مقاس برا غلط:
1- الم الصدر:
من اكتر الاثار الجانبية او الاعراض اللي ممكن تحصل هي الم الصدر وده بيحصل لو لبستي برا حجمه اصغر من الحجم اللي المفروض تلبسيه, فبيضغط على الصدر زيادة عن اللزوم وبيسبب الم ويخليكي تحسي بعدم راحة.
2- الم الضهر:
ده كمان واحد من اكتر الاعراض المنتشرة بين البنات اللي بيكون حجم صدرهم كبير وبيلبسوا برا بحجم اصغر, وده بيخلي الصدر مضغوط اوي وبيخليكي تحني ضهرك لقدام, ومش بس كده كمان هيأدي لالم في منطقة الوركين لو لبستي حمالة صدر ضيقة اوي وهيأثر كمان على القفص الصدري, عشان كده لو حسيتي بكل الاعراض دي لازم تغيري البرا بمقاس اكبر مناسب ليكي.
3- الم الكتفين:
واحد من الاعراض كمان اللي ممكن تحصل من لبس برا صغيرة هو الم الكتفين, وكمان هيسبب علامات حمرا مؤلمة على الجلد, وفي بعض الاحيان ممكن تظهر بثور في المنطقة دي, وفي الحالة دي لازم تغيري البرا للمقاس الصحيح.
4- الم الرقبة:
في بعض الاحيان بيحصل الم في الرقبة مع الكتفين بسبب لبس برا بمقاس صغير, والمشكلة هتفضل مستمرة معاكي طول ما انتي لابسة مقاس برا غلط, عشان كده اول ما يحصل ده لازم تغيري حمالة الصدر عشان تتجنبي اي مضاعفات او الحالة تزيد.
5- ظبط شكل الصدر:
الهدف من لبس البرا هو اننا نظبط شكل الصدر ونحافظ عليه من الترهل, عشان كده مقاس الحمالة الصغيرة مش بس هو المشكلة كمان لبس مقاس اكبر او واسع ممكن يكون مشكلة لانه مش هيدعم الصدر بشكل صح, وفي الحالة دي لازم تغيريه للمقاس المظبوط عشان تحافظي على الصدر من الترهل.
6- انسداد العقد الليمفاوية:
الغدد الليمفاوية الموجودة في الصدر بتكون رقيقة وحساسة جدا وبتتأثر بسهولة, ولبس حمالة صدر اصغر ممكن يسبب اغلاق او انسداد الصمامات والاوعية الليمفاوية وهتأثر عليها بشكل سلبي, عشان كده لازم تقيسي مقاس الصدر بعناية قبل ما تشتري عشان تجيبي المقاس المظبوط والمناسب ليكي.
شوفي من هنا 9 حيل للبس حمالة الصدر بشكل مثالي مكنتيش تعرفيهم قبل كده.
7- تدمير شكل او استقامة الجسم:
اختيار مقاس غلط للبرا هيدمر شكل جسمك, لانه هيسبب الم شديد في منطقة الرقبة والكتفين, ومش هتبقي مرتاحة وانتي لابساه وبالتالي هتقفي او تقعدي بشكل غلط, فلو فضلتي مستمرة على لبس المقاس الغلط ده هيأدي في النهاية لتدمير شكل واستقامة جسمك.
8- سحجات او خدش الجلد:
لو بتلبسي حمالة صدر بحجم صغير ده ممكن يسبب بثور حوالين منطقة الصدر, واشرطة الكتف هتسببلك الم وخدش الجلد في المنطقة دي, الافضل انك تغيريها فورا للمقاس المناسب عشان تحمي جلدك.
9- ضيق في التنفس:
التنفس هيتأثر بشكل كبير جدا لو لابسة حمالة صدر صغيرة او ضيقة اوي عليكي, لانها هتقيد حركة الاضلاع وده هيخليكي تاخدي نفسك بصعوبة والاكسجين هيتراجع بشكل كبير, وانتي يمكن مش هتلاحظي ده بس جسمك هيبدأ يدافع عن نفسه ويدور على حل لنقص مستوى الاكسجين عن طريق استخدام عضلات الرقبة للتنفس, وده هيأدي في النهاية لالم ووجع في عضلات الرقبة.
10- حساسية زيادة للصدر:
لو بتمارسي اي نوع رياضة او تمارين ضروري انك تلبسي حمالة الصدر المناسبة, لان اثناء الحركة حتى لو حركة بسيطة الصدر بيتحرك تقريبا 8 سم, وده هيخلي الصدر حساس وبيتأثر بسرعة من اي حاجة, عشان كده لازم تدعمي الصدر بشكل صح عشان تتجنبي الالم.
11- سرطان الثدي:
لبس حمالة صدر بمقاس اصغر, بيعيق تدفق الدم وده بدوره ممكن يأدي لسرطان الثدي, وده ممكن ميكونش اثر شائع اوي لكن ممكن يحصل على المدى البعيد مع الاستمرار في لبس مقاس غلط.
12- ترهل الصدر:
لبس حمالة صدر بمقاس غلط او مش مناسب هيسبب تمدد وترهل الصدر.
ودي تعتبر اكتر الاثار الجانبية او الاعراض اللي ممكن تشتكي منها بسبب لبس برا بمقاس غلط, عشان كده لازم تلبسي المقاس المظبوط والمناسب لحجم الصدر عشان تحافظي على شكله, وتحافظي على صحتك بشكل عام, وتكوني مرتاحة وانتي لابساه.
ازاي تختاري حمالة الصدر المناسبة
