اعرفى ايه هى افضل الصفات فيكى حسب برجك وتاريخ ميلادك
لما بتيجى تفكرى فى ازاى تبقى جذابة او محبوبة و واثقة فى نفسك، كلنا بييجى في بالنا ممثلة مثلا او مطربة معينة و بنقول انها اكيد جذابة لانها مشهورة و شكلها حلو و كل الحاجات دى، لكن الحقيقة هى انك مش لازم تكونى مشهورة او غنية علشان تبقى جذابة او واثقة فى نفسك، لانه الصفات دى ليها علاقة بشخصيتك اكتر من اى حاجة تانية، ولانه الابراج من اكتر الحاجات اللى تبقدر تخلينا نفسهم نفسنا و نعرف ايه مميزاتنا و ايه هى عيوبنا، اعرفى مع بنات حوا فى المقال ده ايه هى افضل الصفات فيكى حسب برجك وتاريخ ميلادك ..
اعرفى ايه هى افضل الصفات فيكى حسب برجك وتاريخ ميلادك ..
1- برج الحمل من مواليد 21/3الى 19/4:
اكتر برج واثق فى نفسه من بين كل الابراج، عارفين نفسكم كويس ومابتتكسفوش من اى حاجة فيكم. الثقة دى بتخليكم محبوبين ومرغوبين جدا من الناس حواليكم طول الوقت.
2- برج الثّور من مواليد 20/4الى 20/5 :
اهم مميزاتك هى انك شخصية بسيطة وواضحة، مابتستنيش حاجة من حد و دايما بتحبى تتحكمى فى كل امورك، انتى اللى بتتحكمى فى كل حاجة تخصك لكن مابتحاوليش تسيطرى على حد.
3- برج الجوزاء من مواليد 21/5 الى 20/6 :
اكتر حاجة بتميز برج الجوزاء هى انهم بيتعودوا على التغيير وبيقدروا يتكيفوا مع الظروف بسرعة ايا كانت، ودى بتعتبر نقطة قوة عندهم، وبتعتبر من الصفات اللى بتجذب الناس ناحية صاحبة برج الجوزاء.
4- برج السّرطان من مواليد 21/6الى 22/7 :
افضل الصفات فيكى حسب برجك يا صاحبة برج السرطان هى انك بتهتمى بعمق كبير جدا باللى بتحبيهم وبتخافى عليهم، شخصية محبة ومشاعرها دافية جدا.
5- برج الأسد من مواليد23/7 الى 22/8 :
دعمك المتواصل للناس اللى بتحبيهم و حماسك اللى موجود طول الوقت هما اهم حاجات بتميزك، اصدقائك و قرايبك و حتى شريكك فى الحياة بيحبوا روحك المتفائلة اللى بتنور اى مكان بتبقى فيه.
6- برج العذراء من مواليد 23/8الى 22/9 :
صاحبة برج العذراء بتتميز بأنها ممكن تكون غامضةوغير متوقعة ! بتقدر تسيطر على مشاعرها وتظهر الحاجات اللى هى عايزة تبينها بس، غموض صاحبة برج العذراء بيعتبر من الصفات الجذابة جدا فيها !
7- برج الميزان من مواليد 23/9 الى 23/10 :
افضل الصفات فيكى حسب برجك يا بنات برج الميزان هى انكم بتقدروا تشوفوا بعينيهم الجميل فى كل حاجة، مميزين جدا و عندكم مهارات اجتماعية عالية، وده معناه انكم دايما بتجاملوا الناس من حواليكم و بتقولولهم كلام حلو، الصفة دى من الصفات اللى بيحبيها نصك التانى جدا .
8- برج العقرب من مواليد 24/10الى 21/11 :
برج العقرب برج عصبى جدا بطبعه، بس حتى العصبية دى بتجذب الناس له، عندهم جرأة عالية ولما بيبقوا معجبين بحد بيعترفوله باعجابهم ده، وده معناه انهم صريحين مع نفسهم و بيلمسوا مشاعرهم و بيفهموها كويس. وصراحتهم دى الناس بتقدرها جدا.
9- برج القوس من مواليد 22/11 الى 21/12 :
بنات برج القوس بيتميزوا بقوتهم و ثقافتهم وانهم بيحبوا يشاركوا الثقافة دى مع الناس من حواليهم، علشان كده دايما بيعرفوا يتكلموا مع الناس ايا كانت الظروف او المكان.
10 -برج الجدي من مواليد 22/12 الى 19/1:
بنات برج الجدى بيحبوا يبقوا منظمين وده معناه انهم بيخططوا لكل حاجة، فى ناس ممكن تلاقى الصفة دى مزعجة، بس اوقات كتير بيلاقوا الصفة دى مطمئنة و جذابة.
11- برج الدّلو من مواليد 20/1 الى 18/2 :
بنات برج الدلو بيحبوا “الحب” يعنى بيحبوا حالة انهم يحبوا و يتحبوا، والصفة دى محبوبة فيهم و مطمئنة للناس من حواليهم بنسبة كبيرة، لانهم بيدوا للناس احساس انهم دايما محبوبين ومقبولين.
12- برج الحوت من مواليد 19/2الى 20/3 :
برج بعيد تماما عن الانانية و دايما بيعملوا حساب للناس على حساب نفسهم و بيحبوا يساعدوا الناس من حواليهم، متفانين جدا فى مساعدة اصدقائهم و عيلتهم رغم انه ده ممكن يخليهم ييجوا على نفسهم.