مع كل موسم في اسبوع الموضة, بتظهر اتجاهات مكياج جديدة خبراء المكياج بيستوحوا منها موضة المكياج الجديدة للموسم, وفي عروض ازياء 2018 ظهرت 4 اتجاهات مكياج موضة لربيع 2018 كانت متصدرة بقوة معظم عروض الازياء, هنعرفها النهاردة من خلال موضوعنا.
اتجاهات مكياج موضة لربيع 2018:
1- الـ Wings ايلاينر:
الايلاينر برسمة الاجنحة او المعروف باسم ال Cat eye من اكتر الاتجاهات الموضة في ربيع 2018, الاجنحة السميكة باللون الاسود التقليدي لابراز العيون, وظهر شكل جديد وهو الجناح المزدوج وده هيبقى من الحاجات التريندي جدا في 2018.
الرموش الـ Twiggy او الباندا من اتجاهات المكياج الموضة جدا لموسم الربيع في 2018, واللي بتكون فيها الرموش متحددة اوي بالماسكارا مع مكياج عيون وشفايف بألوان طبيعية او محايدة عشان تبقى الرموش هي مركز الاهتمام, وموضة التويجي للرموش تقريبا من الموضات القديمة جدا في المكياج ورجعت تريندي تاني في 2018.
ربيع وصيف 2018 بيتميز بألوان الايشادو ال Technicolor المشرقة زي الازرق والاصفر والتركواز والبينك, وكمان تقنية الاومبري او تدريج الالوان في رسم الايشادو من التقنيات الموضة في 2018.
من اتجاهات المكياج كمان اللي ظهرت جدا في اسبوع الموضة هي المكياج المضيء, مع الالوان البرونزية النيود لمكياج العين, او اضافة لمعة او اضاءة مع الايشادو الغامق, الاتنين هيدوكي لوك مشرق ومتوهج جدا.
