بالصور .. 7 ستايلات من الجاكت لازم يبقول موجودين فى دولابك فى خريف 2018
لو فى اى حاجة مانقدرش او ماينفعش نستغنى عنها طول ايام الخريف و الشتاء يبقى الجاكت! لانه بيتعتبر الحاجة الوحيدة اللى تقدر تحمينا من البرد و تساعدنا نكمل اليوم سواء كانت خفيفة او تقيلة، وكمان مفيش شك انها بتكمل الـ outfit الشتوى بتاعك و تخليه مش ناقصه حاجة، ويساعدك يبقى stylish أكتر. وكل سنة فى موضة و ستايلات جديدة من الجواكت بتظهر وبتغير من الفكرة او الشكل التقليدى للجاكت. فى المقال ده هتعرفى معانا بالصور 7 ستايلات من الجاكت لازم يبقول موجودين فى دولابك فى خريف 2018
بالصور .. 7 ستايلات من الجاكت لازم يبقول موجودين فى دولابك فى خريف 2018
1- Dressy evening jacket :
واحد من ستايلات من الجاكت اللى لازم تكون موجودة فى دولابك فى موسم خريف و شتاء 2018 هى الـ Dressy evening jacket اللى تقدرى تلبسيه مع افخم واحلى فستان عندك للمناسبات و الافراح، وبكده يبقى الستايل ده من الجاكت حل مشكلة انه هتلبسي الفستان ازاى فى البرد !
2- Leather jacket :
الجاكت الجلد بيعتبر من القطع الكلاسيكية و كمان لازم يكون موجود منه قطعة على الاقل فى دولابك، ولو بتشتريه لأول مره لازم تتأكدى انه من جودة عالية هتفضل سليمة معاكى لسنين قدام لانه معروف انه الجواكت الجلد بيبقى سعرها مرتفع جدا و مش كل سنة هتشترى واحد، اعرفى هنا كل اللى محتاجة تعرفيه عن الجاكت الجلد قبل ما تقررى تشترى واحد .
3- Statement suede :
الجاكت الـ suede او القطيفة او الشامواه بيعتبر من اهم الخامات اللى بتظهر فى فصل الخريف و الشتاء، وبتعتبر الخامة دى من اكتر الخامات المناسبة لجو الخريف وكمان هتساعدك تعملى لوك stylish و على الموضة، وبدل ما تلبسي الجاكت الـ suede بلونه البنى المعتاد ممكن تلبسيه بألوان مختلفة و زاهية علشان تعملى statement look. اعرفى اكتر عن ستايلات أنيقة للبس الجاكت والبالطو القطيفة SUEDE JACKETS .
4 – Embroidered denim jacket :
الجاكت ده مناسب لو كنتى بتدورى على حاجة رقيقة وكيوت، الـ embroidered jacket هيمشى مع تقريبا كل قطع الملابس الخريفية اللى فى دولابك .
5- Sexy blazer :
البلايزر هيبقى مناسب ليكى بغض النظر ان كنتى بتشتغلى فى مكتب بيتطلب لبس فورمال مثلا او لا، فى الخريف السنة دى واحد من القطع المهمة هو البلايزر، تقدرى تلبسيه بسهولة وعفوية على اى outfit انتى عاملاه علشان تديله لمسة من الشياكة و الـ elegance .
6- Maxi coat :
قطع الملابس الماكسي سواء كانت فى الجيبات او الفساتين بقالها فترة موضة ، فمش غريب اننا نلاقيها فى الجواكت كمان الموسم ده. بتعتبر مثالية علشان تديكى لمسة من الاناقة لستايلك و فى نفس الوقت هتقدرى من خلالها تعملى لوك تريندى وشيك.
7- Girly bomber :
آخر ستايل معانا من ستايلات من الجاكت هو الـ bomber لو حبيتى تعملى لوك بلمسة رياضية بتاعك، ممكن تلبسيه مع توب مخطط او فلورال علشان تضيفى لمسة من الحياة للوك بتاعك.