اكتر ستايلات تريندي للمحجبات لـ 2018

موسم الخريف هو موسم الالوان الترابية والمحايدة هي اللي بتكون سائدة ومسيطرة على الموضة في الخريف, لكن ده كمان ميمنعش ان بيوت الازياء دلوقتي بقت تنوع في الوانها وتصاميمها جدا, ما بين الملابس المطبوعة, والالوان الزاهية اللي كلها حياة عشان تناسب كل الاذواق, والنهاردة هنعرف من خلال موضوعنا اكتر ستايلات تريندي للمحجبات لـ 2018.

والموسم في 2018 منوع جدا في موديلاتة ما بين الالوان المحايدة, والموديلات المطبوعة, والترنش جاكيت او الجواكيت الطويلة, والكارديجان مستمر معانا بكل ستايلاته واطوالة من الطويل والقصير بس المهم تختاري منهم اللي يناسب شكل جسمك اكتر.

كمان الفساتين والجيبات الماكسي ليها نصيب كبير في 2018, والملون والمطبوع منها من الحاجات التريندي جدا, كمان البنطلونات المطبوعة من الموضات اللي لسه مستمرة معانا.

الجينز طبعا من الحاجات اللي مش بتبطل ابدا, الجينز موجود كمان في موضة 2018 في الشيميزات الجينز, والفساتين.

ومن الخامات الموضة جدا والموجودة بقوة في كتير من التصاميم هي التشينو ونوع الخامة تقريبا بتبقى ما بين الجينز والكلاسيك.

دلوقتي تعالوا نشوف مع بعض اكتر ستايلات تريندي للمحجبات لـ 2018:

بالصور .. افكار واستايلات لموضة الكارديجان الشتوي