بالصور .. أفكار واستايلات لموضة الكارديجان الشتوى winter knitted cardigan

الفاشون و ستايلات الموضة بيتغيروا و بيتطوروا  يوم بعد يوم، من اللوك الرومانسي اللى بتعمله الأقمشة زى الجبير و الدانتيل للوك الناعم اللى بتعمله خامات زى الساتان و الشيفون، وستايلات مختلفة  من الـ street style للـ maxi dresses و الـ stripped shirts، ولانه بنات حوا يهمها دايما انك تبقى عارفة كل جديد فى عالم الموضة و الازياء ولانه كمان فصل الشتاء خلاص قرب جدا و بدأنا نغير و نحدث من قطع الملابس فى دولابنا، فى المقال ده بنات حوا هتعرفك على قطعة ملابس هتبقى مهمة و اساسية فى الشتا السنة دى و كمان هتوريكى صور تلهمك للـ looks  بتاعتك، اعرفى معانا بالصور .. أفكار واستايلات لموضة الكارديجان الشتوى winter knitted cardigan 

بالصور .. أفكار واستايلات لموضة الكارديجان الشتوى winter knitted cardigan 

الـ winter knitted cardigan بيعتبر من القطع المهمة اللى هتسهل عليكى كتير فى ستايل كل يوم او الـ everyday outfit اللى بتحتاجى تعمليه للشغل او الكلية، عادة الكارديجان الشتوى الطويل بيبقى مغزول بواسطة مكن تريكو او كروشيه ولكن مش معمول بالايد لانه بياخد وقت و مجهود كبير و بتبقى عمايله صعبه، وعادة بتبقى الياقة بتاعته على شكل طوق مفتوح. 

ميزة الـ winter knitted cardigan انه قطعة ملابس عملية جدا و مريحة، وتقدرى تلبسيها بأكتر من طريقة وفى كل مرة تعملى ستايل مختلف، علشان كده بيعتبر واحدة من القطع المهمة اللى لازم يبقى موجد منها على الاقل واحدة فى دولابك، لانه كمان بيعتبر بديل ممتاز فى الايام البرد لما تزهقى من الجاكت او البالطو بتاعك. الكارديجان الماكسي كمان بيعتبر من القطع المودرن و اللى بتدفى ومش هتحتاجى تلبسي معاها قطع تانية كتيرة. 

المميز فى الكارديجان الشتوى انه من القطع البسيطة من غير تفاصيل كتير زى الاربطة او النقوش و الاستراس مثلا لكنه فى نفس الوقت قطعة شيك و بتعمل لوك اليجانت، والـ over sized cardigan  بيعتبر من الستايلات الملفتة والحلوة.فلو كنتى بتدورى على لمسة من الاناقة فى لبسك اليومى يبقى جربى الكارديجان الشتوى مع سكارف على رقبتك و بكده تبقى جاهزة! ودلوقتى خلينا نشوف مع بعض الكوليكشن ده علشان يلهمك بستايلات مختلفة تختارى منها اللى يناسبك .. 

اعرفى معنا كمان قطع ملابس للمحجبات لازم تبقى عندك الشتاء ده ..