حيل وخدع للشعر باستخدام المكوى الFlat iron

ريهام محمود
ريهام محمود
في
شعر
8832

كل البنات بيفكروا ان المكوى المسطحة او ال Flat iron استخدامها الوحيد هو لفرد الشعر ستريت, لكن هي الحقيقة ليها استخدامات تانية للشعر وممكن تستخدميها لتجعيد الشعر او لعمل الشعر كيرلي, والنهاردة من خلال موضوعنا هنقولك طرق استخدام المكوى المسطحة لتجعيد الشعر او عمله كيرلي بأكتر من طريقة.

طرق استخدام المكوى المسطحة لتجعيد الشعر:

1- تمويج الشعر بطريقة الضفيرة:

الطريقة دي بسيطة جدا ومش هتحتاج منك مجهود ومناسبة جدا لما تكوني مستعجلة وعايزة تموجي الشعر بشكل سريع, كل اللي هتعمليه قسمي شعرك نصين وضفري كل نص ضفيرة عادية, ودوسي على الضفيرة بالمكوى, وبعدين فكي الشعر, وبكده تكوني عملتي الشعر كيرلي خفيف بالمكوى المسطحة في دقايق.

استخدام المكوى المسطحة لتجعيد الشعر 1
استخدام المكوى المسطحة لتجعيد الشعر 1

2- تمويج الشعر:

الطريقة دي كمان سهلة جدا, اول حاجة قبل ما تبدأي ممكن ترشي الشعر بسبراي حماية من الحرارة عشان تحضري الشعر, بعد كده قسمي شعرك خصل, وامسكي كل خصلة بصوابعك لبره ابعديها عن فروة الراس ومن تحت صوابعك ابدأي اعملي كسرة الشعر, وخلصي كل جزء وانزلي على الجزء اللي تحته, زي ما هو باين في الصورة كده, واعملي كل خصلة بنفس الطريقة لحد ما تخلصي الشعر كله.

استخدام المكوى المسطحة لتجعيد الشعر 2
استخدام المكوى المسطحة لتجعيد الشعر 2

3- تمويج الشعر Beach waves للشعر القصير:

اول حاجة رشي الشعر ب sea salt spray او volumizer spray على جذور الشعر عشان تديه حجم اكبر ,بعدها قسمي الشعر خصل رفيعة, امسكي كل خصلة واتني الشعر لجوه بالمكوى, واعملي كل خصلة بنفس الطريقة لحد ما تخلصي الشعر كله, وبكده تبقي عملتي Beach waves بطريقة سهلة, وتقدري تشوفي الطريقة بالخطوات في الفيديو.

استخدام المكوى المسطحة لتجعيد الشعر 3
استخدام المكوى المسطحة لتجعيد الشعر 3

4- ازاي تختاري حجم المكوى حسب طول شعرك:

– ½ Mini flat iron: الحجم ده مناسب للشعر ال Pixie او القصير اوي, وللقوصة.

– 1 Flat iron: مناسبة للشعر القصير اللي زي طول الكاريه.

– 1 ¼ Flat iron: مناسبة للشعر اللي طوله متوسط عند الكتف, والكثيف.

– 1 ½ Flat iron: مناسبة للشعر الكثيف, الخشن, المجعد, واللي بيكون طوله اطول من المتوسط او معدي الكتف.

– 2 Flat iron: مناسبة للشعر الكثيف, والطويل اوي.

استخدام المكوى المسطحة لتجعيد الشعر 4
استخدام المكوى المسطحة لتجعيد الشعر 4

5- تمويج الشعر تمويجات عريضة:

الطريقة دي مش مختلفة كتير عن تمويج الشعر للشعر القصير, هي نفس الطريقة بس الاختلاف ان الشعر هنا اطول, وبتاخدي خصل شعر اكبر عشان التمويجة تطلع اعرض شوية.

استخدام المكوى المسطحة لتجعيد الشعر 5
استخدام المكوى المسطحة لتجعيد الشعر 5

6- فرد الشعر بالمكوى المسطحة:

لمي الشعر كله بتوكة على فوق, وابدأي خدي خصلة خصلة من تحت افرديها بالمكوى كويس, خلصيها وخدي خصلة غيرها وهكذا لحد ما تخصلي كل الشعر, وفي الاخر ممكن ترشي سبراي مثبت.

استخدام المكوى المسطحة لتجعيد الشعر 6
استخدام المكوى المسطحة لتجعيد الشعر 6

7- تمويج الشعر باستخدام الفويل:

الطريقة دي مناسبة اوي للشعر الطويل, كل اللي محتاجاه ورق فويل من اللي بنستخدمه في المطبخ ومكوى مسطحة, هنقطع الفويل قطع مربعة, هناخد خصلة خصلة من الشعر نلفها على شكل دايرة لحد الجزء اللي احنا عايزينه يبقى كيرلي يعني كل واحدة حسب اختيارها, ونلف الجزء ده بالفويل, ونعمل الشعر كله بنفس الطريقة, وبعدين ندوس على الجزء اللي ملفوف بالفويل بالمكوى.

استخدام المكوى المسطحة لتجعيد الشعر 7
استخدام المكوى المسطحة لتجعيد الشعر 7

8- تنضيف المكوى:

المكوى اكيد مع كثرة الاستخدام بيتراكم عليها زيوت ومنتجات تصفيف الشعر وده بيخليها لما نيجي نعمل بيها الشعر متديناش النتيجة المطلوبة او تنقل الزيوت دي لشعرنا عشان كده ضروري كل فترة ننضفها, وطريقة التنضيف سهلة وبسيطة جدا.

هنخلط شوية بيكنج صودا “الكربوناتو” مع مية اكسجين وبمنديل ناعم هناخد من الخليط ده ونمسح المكوى من جوه ومن بره, وبعدين بمنديل ناشف نمسحها كويس هتلاقيها نضفت.

استخدام المكوى المسطحة لتجعيد الشعر 8
استخدام المكوى المسطحة لتجعيد الشعر 8

9- تمويج الشعر:

طريقة تانية لتمويج الشعر بالمكوى المسطحة, قسمي الشعر خصل, لفي الخصلة على المكوى لفة واحدة وابدأي انزلي بالمكوى على الخصلة للاخر, واعملي كل الخصل بنفس الطريقة.

استخدام المكوى المسطحة لتجعيد الشعر 9
استخدام المكوى المسطحة لتجعيد الشعر 9

10- تمويجات واسعة Loose waves:

ممكن تعملي تمويجات واسعة بالمكوى المسطحة, رشي الشعر بحامي الحرارة, قسمي الشعر خصلات, ركزي المكوى على منطقة نص الشعر واتني الشعر لتحت وابدأي انزلي على الخصلة لنهاية الشعر, وحسب سرعة نزولك على الشعر بالمكوى هيتحدد شكل الكيرلي لو نزلتي بسرعة هيتعمل كيرلي خفيف وناعم, لو نزلتي ببطء اكتر هيبقى الكيرلي متحدد اكتر.

استخدام المكوى المسطحة لتجعيد الشعر 10
استخدام المكوى المسطحة لتجعيد الشعر 10

11- الحفاظ على الشعر بعد السيشوار:

عشان تحافظي على شعرك مفرود اطول فترة ممكن بعد السيشوار استخدمي المكوى المسطحة, اغسلي شعرك بالطريقة العادية, سرحيه بالفرشة, ادهنية Leave-in-conditioner, سرحيه بالفرشة تاني عشان توزعيه كويس, نشفي الشعر بالسيشوار باستخدام الفرشة, بعد ما تخلصي الشعر كله بالسيشوار اقلبيه على قدام وركزي عليه السيشوار عشان تديه حجم اكبر, بعد كده قسمي الشعر خصل ورشي حامي من الحرارة وامشي على كل خصلة بالمكوى.

استخدام المكوى المسطحة لتجعيد الشعر 11
استخدام المكوى المسطحة لتجعيد الشعر 11

10 حيل ميعرفهمش غير مصففين الشعر المحترفين

حيل للشعر من المحترفين
حيل للشعر من المحترفين

مقالات متعلقه

4 ستايلات مختلفة للشعر باستخدام المكواة

4 ستايلات مختلفة للشعر باستخدام المكواة

ازاي تعملي Plopping للشعر للحصول على كيرلي مثالي من غير حرارة

ازاي تعملي Plopping للشعر للحصول على كيرلي مثالي من غير حرارة

تسريحات للشعر الكيرلي باستخدام السكارف

تسريحات للشعر الكيرلي باستخدام السكارف