افكار ازاي تلبسي البليزر مع الجينز
البليزر مع الجينز من القطع اللي لازم تكون في دولاب كل بنت لانهم ممكن يتلبسوا مع بعض بطرق كتير, وتقريبا بيمشوا في معظم المناسبات, وممكن تلبسيهم بشكل رسمي او كاجوال, يعني تقدري تلبسيهم باكتر من ستايل, والنهاردة من خلال موضوعنا هنقولك افكار ازاي تلبسي البليزر مع الجينز.
افكار ازاي تلبسي البليزر مع الجينز:
1- بليزر اسود كلاسيك مع جينز:
ممكن تنسقي البليزر الاسود الكلاسيك مع Ripped جينز, وتوب دانتيل هيطلع هيبقى لوك انيق جدا, لو انتي من محبات الالوان المحايدة او التقليدية وعايزة تعملي لوك muted color ممكن تجربي تنسقي الripped جينز الاسود مع توب باللون الرمادي الغامق مع البليزر الكلاسيكي الاسود, او ممكن تعملي لوك بسيط وانيق في نفس الوقت وتجربي تنسقي البليزر الاسود القصير مع استرتش جينز وتيشرت ابيض وممكن تضيفي لمسة لون بسكارف بألوان زاهية, ممكن تنسقي بليزر military style مع الجينز وتيشرت بأكمام طويلة وممكن تضيفي للوك حزام جلد مع كونفرس سنيكرز للوك عملي وكاجوال, او تنسقي الجينز مع بليزر اسود بزرار واحد وقميص ابيض وتتني الاكمام بتاعته وتكملي اللوك ببوت طويل لحد الركبة.
2- ال Navy and Brown بليزر مع الجينز:
ممكن تنسقي ال Navy بليزر مع سكيني جينز ازرق غامق مع توب floral او مطبوع بطبعات الزهور, والبليزر الnavy بيطلع بلوك حلو جدا كمان لو نسقتيه مع جينز ابيض وتيشرت مخطط.
البليزر البني ممكن تنسقيه مع استرتش جينز اسود وقميص ابيض مع بوت Cowboy, او تلبسي بليزر بني قصير ضيق واخد شكل الجسم على تونيك طويل وسكيني جينز مع بوت بني قطيفة طويل بكعب عشان يبين شكل رجلك اطول.
3- بليزر باستيل وابيض مع الجينز:
لو عايزة لوك انثوي اكتر اعتمدي على اختيار بليزر بلون فاتح او باستيل, ممكن تنسقي بليزر ابيض مع سكيني جينز وتيشرت ابيض ومعاهم صندل بكعب عالي, ممكن تلبسي البليزر الابيض مع جينز بوي فريند ازرق فاتح مع توب رمادي فاتح, ممكن تلبسي البليزر الابيض مع الجينز الازرق الغامق وتوب مناسب مع شوز بكعب بلون محايد وشنطة كلاتش واكسسوارات مناسبة لخروج بالليل.
الجينز المطبوع بالزهور كمان من الاختيارات المناسبة جدا اللي ممكن تنسقيها مع بليزر ابيض قصير وتيشرت ابيض, او ممكن تجربي الجينز مع تونيك مخطط وتلبسي عليهم بليزر ابيض طويل مع شوز Mules.
جربي الالوان الباستيل زي البينك, البيبي بلو, بودر جرين بتدي لوك انثوي وناعم جدا ممكن تنسقيها مع جينز بلون ناعم او جينز ابيض مع Delicate-hued top.
4- بليزر بلون محايد مع الجينز:
لو انتي من محبات الالوان المحايدة اكيد اللوك ده هيناسبك جدا, ممكن تنسقي بليزر بلون رملي بزرار واحد مع جينز ازرق كلاسيكي وبلوزة بأكمام طويلة, وممكن تختاري اكسسوارات بألوان زاهية عشان تدي لمسة لون للوك بتاعك, ممكن تلبسي بليزر كاروه بلون محايد بزرار واحد مع سكيني جينز ازرق وتيشرت.
5- بليزر بألوان جريئة:
لو بتحبي اللوك المختلفة والجريئة ممكن تعتمدي على لوك البليزر بألوان جريئة زي التركواز الغامق, الاخضر وتنسقيه مع جينز ازرق كلاسيكي, او ابيض, او جينز اسود, كمان البليزر باللون البرتقاني من الالوان الجريئة اللي ممكن تنسقيها مع اي ستايل جينز انتي عايزاه او بتفضليه, ولو عايزة لوك جريء اوي ممكن تعتمدي على الوان البليزر الاحمر او البينك الساخن.
6- اختيار الشوز:
طبعا عشان نكمل اللوك بتاعتنا مننساش اختيار الشوز المناسب, عشان تعملي لوك سبورتي وكاجوال اختاري الكونفرس سنيكرز, او حذاء رياضي كلاسيكي, ولو عايزة لوك عملي ومش سبورتي اوي بس مريح في نفس الوقت ممكن تلبسي شوز فلات او فليب فلوب.
لو عايزة لوك لبعد الضهر يبقى ممكن تختاري الStrppy صندل, او بوت وتقدري تختاري اي ستايل بوت تحبيه او تفضليه اي ستايل هيمشي مع البليزر والجينز سواء الطويل لحد الركبة او القصير او الانكل بوت.
تعالوا نشوف مع بعض بالصور افكار ازاي تلبسي البليزر مع الجينز:
افكار وستايلات للبس الخريف
