أفكار فساتين Evening Dresses لأصحاب الـ plus size
لو كنتى من أصحاب الـ plus size و الجسم الممتلئ ده مش معناه ابدا انك ماتلبسيش على الموضة او تعملى اى لوك انتى عايزاه، وعلشان ماتحسيش ابدا انه طبيعة جسمك عاملالك مشكلة او بتبقى سبب فى انك مش لاقيه حاجة تلبسيها خصوصا فى مناسباتك و خروجاتك المهمة، بنات حوا فى المقال ده هتساعدك فى انه مايبقاش عندك اى مشاكل او قلق، اعرفى معانا فى المقال ده أفكار فساتين Evening Dresses مميزة و متنوعة لأصحاب الـ plus size ..
أفكار فساتين Evening Dresses لأصحاب الـ plus size …
1. Gowns :
للمناسبات او الخروجات والسهر بالليل ، الفساتين بالطول الكامل او الـ Gowns بتعتبر واحد من الـ options المثالية اللى هتخلى قرار “هتلبسي ايه ” اسهل بكتير، عادة الـ plus size gowns بتبقى من خامات ناعمة زى الحرير و الشيفون او الستان،
2. Laces :
الخامات الـ laces زى الجبير و الدانتيل دايما بيبقى شكلها حلو و مميز ، وبتدى لوك انثوى و ناعم ايا كان لونها و ايا كانت طبيعة جسمك، وعلشان كده هيقابلك فساتين قصيرة للـ plus size من خامات الـ lace وده معناه انه هيبقى قدامك خيارات متنوعة تاخدى منها اللى يناسبك، وعلشان تضيفى لمسة لامعة تنور الفستان الجبير بتاعك البسي حزام بيلمع علشان تغطى بيه منطقة الوسط و تشتتى النظر عنها وبكده تبقى عاملة لوك مميز و شيك جدا.
3. Free-flowing Short Dress:
ايا كان نوع الـ plus size Evening Dresses اللى قررتى تلبسيه، الـ Free-flowing Short Dress او الفستان القصير اللى بديل واسع و بينزل بحرية على الرجلين بيعتبر كله نعومة وانوثة، هيديكى لوك كلاسيكي لكن مميز، ستايل الفستان ده هيعملك الـ hourglass look او هيبين شكل جسمك زى ما يكون اشبه بالساعه الرملية و بالتالى هيديكى لوك انثوى و يبين جمالك اكتر ، ممكن كمان لمسه من الـ floral و الدانتيل علشان تزودى من جمال اللوك بتاعك.
أفتكرى دايما انك جميلة <3 :
ايا كان نوع الـ plus size اللى بتلبسيه فى الفساتين لازم تلبسيه وانتى متأكده انك جميلة و حلوة من بره و من جوه كمان ، وانه المقاس مش مهم ابدا طالما انتى واثقة فى نفسك و عارفة قيمتها ، اللون و المقاس و خامة القماش مهمين ، لكن مش لدرجة انك تديهم قيمة اكبر من قيمتهم، افتكرى انك دايما جميلة علشانك انتى مهما كنتى رفيعة او لا .
شوفى معانا كمان افضل 10 افكار لموضة الـ plus size فى شتاء 2017
