اعرفى بالصور ايه هو ستايل الياقة او الـ collar المناسب ليكى
طبعا كلنا متفقين انه لما بتلبسي الهدوم و الستايلات اللى بتناسب شكل و طبيعة جسمك ده بيديكى نتيجة مناسبة ليكى وافضل فى كل مرة تعملى بيها اى لوك، لكن كمان لازم نهتم بالتفاصيل الصغيرة و البسيطة زى شكل و نوع و ستايل الياقة او الـ collar اللى بيليق عليكى و يبقى مناسب برده لستايلك و طبيعة جسمك، لانه ياقات البلوزات عموما ليها ستايلات و اشكال كتيرة و مختلفة و بتختلف باختلاف الستايل او اللوك اللى انتى عاملاه، طيب ازاى تختاريها صح ؟! خلينا نعرف مع بعض على طول بالصور ايه هو ستايل الياقة او الـ collar المناسب ليكى …
اعرفى بالصور ايه هو ستايل الياقة او الـ collar المناسب ليكى
1- Peter Pan Collar :
اول نوع معانا هو االـ peter pan collar واتسمت كده على اسم الشخصية الكرتونية المشهورة بيتر بان لانها الياقة دى هى نفسها اللى كانت فى ملابس الشخصية بتاعته، القصة المستديرة للياقة دى بتدى شكل cute و sweet للـ outfit بتاعك، و بتليق مع neutral sweater وجيبة مناسبة، او ممكن تعملى بيها street style look او تلبسيها تحت فستان.
2- Notched Collar :
الـ notched collar مناسبة اكتر للفورمال او الـ business outfits ، يعنى انسب ستايل ليها هى الـ blazers مع فتحة صدر على شكل حرف V ، تقدرى كمان تلبسيها بشكل كاجوال شوية مع جاكت جلد و اكسسوار مناسب علشان تديها شكل انثوى اكتر.
3- Pointed Collar :
اما ستايل الياقة الـ Pointed collar بتعتبر كلاسيكية اكتر و بتدى لوك انثوى ناعم، علشان كده مناسبةمع توب و جيبة ماكسى او الفساتين و اللبس بستايل الطبقات، كمان عملية جدا مع البلايزر او البلوفر ، بننصحك تجربيها فى بلوزة مع بلايزر و pencil skirt.
4- Mandarin Collar :
الـ Mandarin collars بتعتبر التوازن الممتاز بين اللوك الكلاسيكى و الفورمال و اللوك المودرن، هتشوفيها كتير فى الفساتين اللى برقبة عالية و بيبقى شكلها مثالى مع sneakers او boots ، وانسب وقت علشان تعملى لوك بالـ Mandarin collars هو الخريف والشتاء.
5- Bow or Tie-Neck Collar :
اقرب فى شكلها للفيونكة او الـ bow خصوصا لو كنتى من محبين اللوك الرومانسي او الكلاسيكى، جربى تلبسي بلوزة بالياقة دى مع بنطلون بستايل الـ wide straight legs وهتعملى لوك semi formal مختلف ومميز جدا.
