خلطة طبيعية لتنضيف القولون من السموم تعمليها بنفسك في البيت

ريهام محمود
ريهام محمود
في
صحة
9442

القولون هو واحد من اهم الاجهزة في الجهاز الهضمي ولو مش بيشتغل بشكل صح ممكن اننا نواجه مشاكل صحية كتير, وحسب الاحصاءات ان اكتر من 50 مليون شخص عندهم مشاكل طبية مرتبطة بصحة القولون, وبرغم ان المشاكل ممكن متكونش خطيرة زي مثلا الصداع, حب الشباب, لكن في ناس بيواجهوا مشاكل صحية كبيرة منها متلازمة الامعاء المتهيجة, مرض كرون, الامساك, التهاب القولون, الارتجاع.

وكل المشاكل دي بتحصل لانه مع الوقت بتتراكم كميات كبيرة من السموم في القولون بسبب الاكل الغير صحي, او الاكلات المصنعة الغنية بالسكريات, وعدم كفاية الانزيمات والالياف.

وعشان نتفادى كل المشاكل الصحية والمضاعفات اللي ممكن تحصلنا, هنقولكم النهاردة على خلطة طبيعية لتنضيف القولون من السموم بشكل فعال, والخلطة مش بس بتعالج مشاكل القولون كمان بتحسن الصحة بشكل عام لانها غنية بالالياف والمواد المغذية والفيتامينات, اللي هتساعدك على التخلص من كل السموم من جسمك وتحسين صحتك.

خلطة طبيعية لتنضيف القولون من السموم:

المكونات:

– 1 كوب مية.

– 1 معلقة كبيرة عسل نحل.

– 1 معلقة كبيرة بذور الشيا “من عند العطار”.

– 1 معلقة كبيرة بذور الكتان “من عند العطار”.

– 1 ثمرة تفاح.

فوايد المكونات:

– بذور الشيا غنية بالبروتين, المغذيات, الفيتامينات, الاحماض الدهنية اوميجا 3, والالياف, وده بيخلي الخلطة ممتازة جدا للجهاز الهضمي وصحة القلب.

– عسل النحل يعتبر مطهر, مضاد للفيروسات, مضاد للفطريات, فيه خصائص مضادة للجراثيم, وده هيساعد في الحماية من سرطان القولون.

– بذور الكتان غنية بالاحماض الدهنية اوميجا 3, ومضادات الاكسدة والالياف, وده معناه انها ممتازة جدا للحماية من سرطان القولون, وبتعزز من صحة القلب والاوعية الدموية, وامتصاص المغذيات المعوية.

– زي ما كلنا عارفين المقولة المشهورة “ان تفاحة واحدة يوميا تبعدك عن الطبيب” لان التفاح غني بالالياف الغير قابلة للذوبان والقابلة للذوبان, اللي بتحفز حركة الامعاء وتخليها تشتغل بشكل مظبوط.

خلطة طبيعية لتنضيف القولون من السموم 1
خلطة طبيعية لتنضيف القولون من السموم 1

طريقة التحضير والاستخدام:

– اخلطي كل المكونات مع بعض واضربيها في الخلاط كويس جدا.

– اشربي الخليط كل يوم على معدة فاضية, يعني يتشرب اول حاجة الصبح اول ما تصحي من النوم, مع الاستمرار هيساعدك على تنضيف القولون وتحسين حركة الامعاء, وتحسين الصحة بشكل عام.

خلطة طبيعية لتنضيف القولون من السموم 2
خلطة طبيعية لتنضيف القولون من السموم 2

علاجات طبيعية للامراض الشائعة اللي معظمنا بيشتكي منها

علاجات طبيعية للامراض الشائعة
علاجات طبيعية للامراض الشائعة

مقالات متعلقه

افضل 8 اطعمة صحية للفطار والسحور في رمضان

افضل 8 اطعمة صحية للفطار والسحور في رمضان

نصايح لصيام صحي في رمضان

نصايح لصيام صحي في رمضان

10 تمارين واطعمة هتساعدك على بناء عضلات جسمك

10 تمارين واطعمة هتساعدك على بناء عضلات جسمك