6 طرق شيك تلبسي بيهم بنطلون الجينز الابيض
لو بتدورى على بديل عملى للبنطلونات الجينز اللى احنا متعودين عليها او زى مابنقول الـ everyday denim outfits ، وفى نفس الوقت عايزة نفس الراحة اللى بتوفرها البنطلونات الجينز و انها عملية و بتليق على كل حاجة، يبقى الحل هو الـ بنطلون الجينز الابيض. فى المقال ده هنقولك على 7 نصايح تخليكى تقدرى تلبسي بيهم الجينز الابيض بطرق stylish ومختلفة، يلا خلينا نعرفهم مع بعض على طول ..
6 طرق تلبسي بيهم بنطلون الجينز الابيض بطريقة stylish و شيك
1- البسي الـ Distressed jeans :
البنطلون بستايل الـ distressed jeans بيعتبر طريقة لطيفة و cool علشان تخلى بيها الجينز الابيض عملى و اشبه بالـ street style وممكن تلبسيه على بلوزة من الدانتيل مثلا زى ما باين فى الصورة.
2- البسي بنطلون الجينز الابيض مع الجلد :
علشان تدى البنطلون الجينز الابيض لوك كاجوال اكتر و مناسب لخروجات النهار جربي انك تلبسي معاه قطعة تانية من الجلد زى الجاكت الجلد مثلا خصوصا واننا داخلين على الشتاء خلاص، جربى تلبسي معاه قطع من الجلد بالوان مختلفة حسب ذوقك.
3- ضيفى لمسة من الألوان :
واحدة من اكتر الطرق المشهورة علشان تغيرى بيها او تحسنى من اى لوك هى انك تضيفى لمسة من الالوان تكمل اللوك بتاعك و تحليه، حاولى تلبسي معاه بلوزة بأى لون تحبيه حسب ذوقك علشان تعملى لوك مشرق وشبابى اكتر.
4- اعملى ستايل neutral :
كتير مابنحبش يبقى فى تفاصيل كتير فى لبسنا، فلو كنتى من البنات اللى بتحب تلبسي هدوم بسيطة و تفاصيلها قليلة او زى ما بنقول لو كنتى من محبى الـ neutral styles يبقى جربى تلبسي الجينز الابيض مع بلوزة او قميص بلون هادى nude مع سلسلة بسيطة اوى، وبكده هتبقى خدتى الـ outfit بتاعك اللى اعتمدتى فيه على الـ white jeans للـ next level :) .
5- اعملى all white outfit :
طريقة تانية تاخدى بيها الجينز الابيض to the next level هى انك تعملى all white outfit او طقم أبيض بالكامل، اللوك ده هيضمن لك انك تعملى لوك اليجانت و شيك و Lady like.
6- ألبسيهم بستايل الـ skinny :
الـ بنطلون الجينز الابيض بستايل السكينى خصوصا مع شوز بستايل الـ silhouette بيعتبر من الستايلات اللى بتعمل لوك شيك من غير مجهود كبير، خصوصا وانه البنطلون السكينى بيناسب تقريبا اى نوع او شكل جسم، علشان كده بيعتبر من القطع اللى لازم تبقى موجودة فى دولابك، البسي الجينز الابيض السكينى مع بلوزة منقوشة او بوليرو.
شوفى معانا كمان نصايح وأفكار ازاى تلبسي البنطلون الجينز الابيض مع الحجاب .