4 طرق تتغلبى بيهم على نوبات الذعر و الخوف panic attacks

بقلمآية حسان فيصحة visibility1005

كتير مننا فى اوقات التفكير او الضغط النفسي او لو مروا بمواقف معين اتسببت فى التوتر او القلق بيمروا بنوبات من الذعر او اللى معروفة بالـpanic attacks ، وعلشان تعرفى ايه هى نوبات الذعر دى وازاى تتعاملى معها وتتخلصى منها ،تابعى مع بنات حوا المقال ده ..

4 طرق تتغلبى بيهم على نوبات الذعر و الخوف panic attacks

ايه هى نوبة الذعر او الـ  panic attacks  ؟ 

فى نظرية بتقول انه مفهوم نوبات الذعر ده توارثناه من اجدادنا زمان ، وبيكون فيها الجسم فى مواقف الخوف او الخطر متأهب ونسبة الادرينالين فيه عالية و بيستعد للهرب  او الهجوم، وده بيتسبب فى معدلات التنفس السريعة و دقات القلب السريعة و العرق و الافراط فى التعرق ، واى موقف بيسبب التوتر ممكن يؤدى الى نوبة ذعر حتى لو كن الموقف ده مابيهددش حياتك بأى طريقة. 

ايه هى الاعراض ؟

1- نوبات الذعر بتيجى و بتروح على فترات متقطعة، حوالى كل من 5 لـ 10 دقايق أثناء الموقف اللى بيسبب النوبة.

2- بعد نوبة ذعر او خوف، جسمك كله هيبقى فى حالة من التعب والارهاق الشديد، ده معناه انه عقلك كان متأهب لمواجهة خطر حقيقي و بالتالى استغل كل الطاقة علشان يواجه الخطر ده. 

3- الناس اللى بتعانى من نوبات ذعر متكررة بيحسوا بألم شبه مزمن فى جسمهم.

4- اثناء الـ panic attacks  ممكن تصاب بهلوسات خفيفة ، زى انك تبقى مش عارف انت فين او تبان الصورة وكأنك شايف كل حاجة من الجنب. 

ايه اللى المفروض تعمليه ؟

ماتقلقيش، مفيش خطر حقيقي على صحتك من نوبات الذعر دى ، وفى طريقة تقدرى بيها تسيطرى على النوبات دى : 

1- افتكرى دايما انه نوبة الذعر مش هتفقدك الوعى ولا هتموتك.

2- حاولى تروحى مكان هادى.

3- خدى اكتر من نفس عميق.

4- ركزى على عضلة معينة و شديها و بعدين سيبيها تسترخى اكتر من مرة.

ازاى تتغلبى عليها للابد ؟

1- حاولى تبعدى عن اى موقف بيسبب لك التوتر و القلق. 

2- اتعملى ازاى تسترخى وحاولى تنامى بدرى فى مواعيد معينة علشان تنامى بعمق، خدى فترات راحة بشكل منتظم كل يوم ، كلى أكل صحى ..

3- راجعى دكتور و اعملى check up على جسمك كله.

4- حاولى تلاقى سبب عقلانى تبررى بيه ليه النوبات دى بتحصل.