7 طرق عبقرية تنهي بيهم اي خلاف فورا !

كل زوجين اكيد بيحصل بينهم خلاف وده امر طبيعي جدا, لكن ساعات كتير ممكن الخلاف يكبر ويرجعوا بعد كده يندموا على الكلام والتصرفات اللي حصلت بينهم اثناء الخلاف وده اكيد بيعمل تراكمات في العلاقة بتأدي لنتيجة مؤسفة في النهاية, عشان كده النهاردة احنا جايبين لكل زوجين طرق لانهاء اي خلاف فورا قبل ما تكبر المشكلة ومن غير ما اي طرف يندم بعدها.

طرق لانهاء اي خلاف فورا:

1- بلاش الانتقاد للطرف التاني:

وقت الخلاف توجيه الانتقاد للطرف التاني مش هيعمل حاجة غير انه يكبر المشكلة زيادة, عشان كده الافضل انك تبعدي عن الانتقاد واهانة شريكك باي شكل, لكن كلميه وفهميه الحاجات اللي مضيقاكي.

2- جرح المشاعر:

كل طرف لازم يقدر مشاعر الطرف التاني وميقولش كلام يجرح ممكن تندموا عليه بعد كده, لازم كل طرف يحسس التاني انه مهتم بمشاعره وخايف عليها حتى لو مختلفين.

3- متفترضيش اسوأ الافكار:

متفترضيش دايما الاسوأ او تفكيرك يروح لافكار سيئة وهو بعيد عنك وتقولي مثلا هو اكيد مع واحدة تانية, او بيكلم حد تاني والحقيقة بتكون غير كده خالص, لان الافكار دي كلها اكيد هتسبب مشكلة وخلاف بينكم, لكن لو انتي مش فاهمة تصرفاته بدل ما تقعدي تفكري وتستنتجي حاجات غلط, حاولي انك تفهمي من شريكك ايه سبب تصرفاته وخليه يوضح لك.

4- النظر للشريك انه اقل منك:

مينفعش اي طرف من الاتنين يبين للتاني انه اقل منه او احسن منه او بيفهم اكتر منه وان رايه هو بس اللي صح وراي الطرف التاني مش مهم او مالوش لازمة, لانه هو كده بيقوله بطريقة غير مباشرة انت مش مناسب ليه بما فيه الكفاية, لازم يكون في احترام بين الطرفين, ولو في مشكلة اشتركوا في حلها سوا.

5- متحطيش اللوم عليه:

اكبر خطأ اثناء الخلاف ان كل طرف يرمي اللوم على التاني ويصمم ان هو اللي غلطان, لان اللي حصل حصل وخلاص فمافيش داعي ان كل واحد يفضل يلوم التاني, احسن حاجة في الحالة دي انكم تقعدوا سوا وتوصلوا لحل للمشكلة مع بعض.

6- مترجعيش تفتكري المشاكل القديمة:

غلطة بيقع فيها كتير من الازواج في اي خلاف ان مجرد ما تحصل مشكلة يقعدوا يفتكروا لبعض الخلافات والمشاكل القديمة, وده هيسبب مشكلة جديدة فوق المشكلة اللي بالفعل موجودة, عشان كده حاولي انك تناقشي المشكلة اللي مضايقاكي في الوقت الحالي من غير ما ترجعي للمشاكل او الخلافات اللي كانت قبل كده, ومادام اتحلت يبقى مترجعيش ليها تاني.

7- افتكري ان في وجهة نظر تانية:

كل طرف لازم يعرف ان في وجهة نظر تانية غير رايه او وجهة نظره يعني لازم يكون في مرونة في تقبل اراء الطرف التاني, وكل طرف يحاول يثبت صحة وجهة نظره للطرف التاني ويبقى في نقاش ايجابي.

20 تصرف يقولك ان شريكك بقى مش مهتم بيكي