وصفة عمل الفراخ المقلية مع الكريمة وا لسبانخ و المشروم والبسطرمة skillet cream chicken

آية حسان
آية حسان
1268

فى المقال ده بنات حوا هتعرفك على وصفة لطريقة جديدة ومش تقليدية تعملى بيها الفراخ المقلية مع خضار مفيد ومهم زى السبانخ، اعرفى معانا فى خطوات سهلة و بسيطة و مابتاخدش وقت كتير ازاى تعملى الفراخ المقلية مع الكريمة و السبانخ و المشروم و البسطرمة skillet cream chicken ..

ملحوظة : ممكن تستبدلى السبانخ بأى نوع خضار ورقى اخضر تانى تفضليه و كمان ممكن تستغنى عن البسطرمة لو ماكونتيش بتحبيها. 

وصفة عمل الفراخ المقلية مع الكريمة وا لسبانخ و المشروم والبسطرمة skillet cream chicken

مدة التحضير : 

40 دقيقة.

عدد الأشخاص :

تكفى من 4 لـ 6 أشخاص.  

download

المكونات : 

4 شرائح من البسطرمة .

كوباية من البصل المتقطع صغير.

حوالى 220 جرام مشروم متقطع شرائح. 

ملح وفلفل.

حوالى 6 قطع من اوراك الدجاج المخلية من العضم و الجلد.

4 كوبايات من السبانخ الفريش المتقطعة.

كوباية من كريمة الطبخ.

نص كوباية من الشوربة او مرقة الدجاج.

كوباية من الجبنة الموزاريلا المبشورة.

creamyparmesangarlicmushroomchicken

طريقة التحضير : 

1- سخنى طاسة كبيرة على حرارة متوسطة  وحمرى فيها البسطرمة لحد ما تستوى وتبقى مقرمشة، هتحتاج حوالى 4 دقايق على كل جنب علشان توصلى للنتيجة المطلوبة، بعد ما تتحمر ارفعيها من الطاسة و حطيها فى طبق على مناديل طعام علشان تتخلصى من اى زيوت او دهون زيادة.

2- فى نفس الطاسة ابدأى حمرى البصل و المشروم لحد ما يبقى لونهم دهبى مايل للبنى، هتحتاجى حوالى 7 دقايق علشان البصل والمشروم يوصلوا للنتيجة دى، بعد كده تبليهم بالملح و الفلفل و ارفعيهم من الطاسة و حطيهم فى طبق.

3- حطى الطاسة تانى على نار هادية وابدأى سوى فيها اوراك الدجاج لحوالى 8 دقايق على كل جنب لحد ما لونهم يتحول للبنى و مايبقوش استووا زيادة، بعد ما توصلى للنتيجة المطلوبة ارفعى اوراك الدجاج من الطاسة وحطيهم مع الطبق اللى فيه المشروم و البصل. 

4- فى نفس الطاسة حطى السبانخ لحوالى دقيقتين بس على النار لحد ما تبدأ تدبل بعد كده ضيفى عليها المرقة و الكريمة و سيبيهم يغلوا مع بعض و تبليهم بالملح والفلفل بعد كده ضيفى الجبنة الموتزاريلا و كملى تقليب لحد ما الجبنة تسيح.

5- والسبانخ بتستوى قطعى البسطرمة لقطع صغيرة وحطيها مع المشروم و البصل فى الصوص و سيبيهم يغلوا مع بعض، وبعدين حطى اوراك الدجاج و سيبيها معاهم على النار لحد ما تستوى كويس اوى، هتحتاج حوالى 5 دقايق.بعد كده قدميها مع قطع من التوست وبالهنا  والشفا. 

اعرفى معانا كمان طريقة جديدة وسهلة لعمل الارز بالفراخ One Pot Chicken Rice 

مقالات متعلقه

طريقة عمل صدور الفراخ بالسبانخ والجبنة Hasselback Chicken

طريقة عمل صدور الفراخ بالسبانخ والجبنة Hasselback Chicken

طريقة عمل رول البطاطس باللحمة المفرومة والجبنة

طريقة عمل رول البطاطس باللحمة المفرومة والجبنة

وصفة يخنة الفراخ مع السجق الاسبانية السهلة

وصفة يخنة الفراخ مع السجق الاسبانية السهلة