7 اسرار جمالية بسيطة وفعالة هتخلصك من السيلوليت وهتخلي بشرتك صحية وناعمة

بقلمريهام محمود فيبشرة visibility2637

البشرة الخالية من السيلوليت الصحية الناعمة هي حلم كل بنت لكن بتكون المشكلة ازاي نوصل لبشرة تكون صحية وخالية من اي عيوب بطرق بسيطة وفعالة في نفس الوقت, ده اللي هنعرفة النهاردة من خلال موضوعنا هنتعرف على 7 اسرار للتخلص من السيلوليت والحصول على بشرة صحية وناعمة وخالية من العيوب في نفس الوقت.

اسرار للتخلص من السيلوليت والحصول على بشرة صحية وناعمة:

1- الاكل الصحي:

من اول واهم الحاجات اللي بتأثر على بشرتنا هي الاكل اي حاجة بناكلها بتنعكس على طول على البشرة, عشان كده لازم نحاول نعتمد على الاكل الصحي, وفي حاجة كمان مهمة لازم نعرفها للبنات اللي بتعاني من السيلوليت وبتتخيل ان مجرد تخسيس الوزن هيخلصك من المشكلة دي لكن ده مش صحيح علاج السيلوليت ومنعه بيبدأ بالتغذية السليمة والاكل الصحي, عشان كده نظامك الغذائي لازم يدخل فيه الحاجات دي:

– البروتين بكل انواعه (اللحوم, والبقوليات, والمكسرات).

– الليسيثين وده موجود في (البيض, الطماطم, السبانخ, فول الصويا).

– الاحماض الدهنية موجودة في (الاسماك, الزيتون, الافوكادو, المكسرات).

– الفواكه والخضروات الحارقة للدهون زي ( الجريب فروت).

اسرار للتخلص من السيلوليت والحصول على بشرة صحية وناعمة
اسرار للتخلص من السيلوليت والحصول على بشرة صحية وناعمة

2- المية:

المية تعتبر هي افضل واهم مشروب للجسم, لانها بتنضف الجسم من السموم وبالتالي ده بيحسن البشرة وبيخليها صحية, وخبراء التغذية بينصحوا بشرب كمية من المية يوميا ما بين 1.5 – 2 لتر, من غير ما تحسبي معاهم القهوة والشاي واي مشروبات تانية يعني الكمية دي تكون مية بس.

اسرار للتخلص من السيلوليت والحصول على بشرة صحية وناعمة
اسرار للتخلص من السيلوليت والحصول على بشرة صحية وناعمة

3- التمارين البدنية:

لو بيدخل جسمك كمية سعرات حرارية اكبر من نسبة الحرق عندك ده هيأثر على شكل الجسم وهيزود مشكلة السيلوليت, ومن الحاجات اللي هتساعدك انك تتخلصي من المشكلة دي هي التمارين البدنية هتساعد في حرق السعرات الحرارية الزيادة والوصول لجسم مثالي, ممكن تمارسي رياضات بسيطة زي نط الحبل, الجري, تمارين الايروبكس والتمارين دي فعااليتها بتكون اكبر من الحديد او الدمبلز.

اسرار للتخلص من السيلوليت والحصول على بشرة صحية وناعمة
اسرار للتخلص من السيلوليت والحصول على بشرة صحية وناعمة

4- المساج:

المساج او التدليك الذاتي سواء بالايد او بفرش خاصة للمساج من الطرق الفعالة في التخلص من مشكلة السيلوليت والدهون المتراكمة تحت الجلد وكمان التدليك بيحسن عملية التمثيل الغذائي.

ممكن تعملي المساج في الاماكن او الصالونات المتخصصة, او تعمليه بنفسك في البيت باستخدام الزيوت الاساسية وبتكون نتيجتها فعالة جدا لانها بتخترق البشرة وبتحرق الدهون اللي تحت الجلد.

اسرار للتخلص من السيلوليت والحصول على بشرة صحية وناعمة
اسرار للتخلص من السيلوليت والحصول على بشرة صحية وناعمة

5- السكراب:

الكريمات المضادة للسيلوليت ساعات كتير مش بتكون كافية لحل المشكلة, لكن السكراب يعتبر من الطرق الفعالة في التخلص من مشكلة السيلوليت, وبيحسن الدورة الدموية وعملية التمثيل الغذائي.

– ممكن تعملي سكراب القهوة هيخلصك من السيلوليت وهيخلي بشرتك في نفس الوقت صحية وناعمة, والسكراب عبارة عن كوباية قهوة, و6 معالق كبيرة زيت جوز هند, 3 معالق كبيرة ملح او سكر, فرشة للجسم, اخلطي المكونات كلها مع بعض وقلبيهم كويس, قبل الشاور دلكي جسمك بالفرشة وهي ناشفة بحركات دائرية عشان تخلي الدم يتدفق في الجسم “الخطوة دي اختياري”, بعدها بلي جسمك بمية دافية وخدي من السكراب وافركيه على البشرة بالفرشة او بالايد بحركات دائرية لمدة دقايق وبعدين اغسليه بالمية, كرري الطريقة في كل مرة تاخدي فيها شاور.

– سكراب الملح بيكون عبارة عن كوباية ملح, 2 معلقة كبيرة زيت زيتون, 2 معلقة صغيرة زيت عطري “زيت اللافندر, او الخوخ, او الجريب فروت, اي نوع زيت عطري”, اخلطي المكونات كلها مع بعض قلبيهم وسيبيهم عشر دقايق يمتزجوا مع بعض وبعدين قلبيهم تاني واستخدمي الخليط على الجسم بنفس طريقة سكراب القهوة, كرري من 3 – 4 مرات في الاسبوع.

اسرار للتخلص من السيلوليت والحصول على بشرة صحية وناعمة
اسرار للتخلص من السيلوليت والحصول على بشرة صحية وناعمة

6- شاور بارد وسخن:

الشاور البارد والسخن بيساعد على تحسين الدورة الدموية وبيحفز عملية التمثيل الغذائي, وبيساعد على التخلص من الدهون المتراكمة تحت الجلد.

والشاور البارد والسخن بيكون عبارة عن شاور بمية دافية او سخنة الاول لمدة دقيقتين, وبعدها دقيقة بمية باردة, وبعدين دقيقة تاني بمية دافية او سخنة, وبعدها دقيقة بمية باردة, كرريها بنفس الطريقة من 3 – 5 مرات.

وجهي المية بالدش للمنطقة اللي بتعاني من السيلوليت من مسافة 10 سم واثناء توجيه المية دلكي المنطقة بايدك بحركات دائرية من فوق لتحت للجزء الامامي من الجسم ومن تحت لفوق للجزء الخلفي.

اسرار للتخلص من السيلوليت والحصول على بشرة صحية وناعمة
اسرار للتخلص من السيلوليت والحصول على بشرة صحية وناعمة

7- السونا:

ارتفاع درجة الحرارة في السونا بيساعد على زيادة تدفق الدم, وده بيخلص من الجسم من الدهون المتراكمة تحت الجلد وبيخلي البشرة صحية وناعمة, لان الساونا بتفتح الغدد العرقية ومن خلالها بتخرج السموم من الجسم وبتنضفه من الدهون المتراكمة, زيارة واحدة للساونا في الاسبوع هتوصلنا لنتايج فعالة جدا.

كمان اللف التنحيفي من الطرق الفعالة جدا في علاج مشكلة السيلوليت, شوفوا من هنا 5 وصفات لعمل اللف التنحيفي في البيت.

اسرار للتخلص من السيلوليت والحصول على بشرة صحية وناعمة
اسرار للتخلص من السيلوليت والحصول على بشرة صحية وناعمة

شوفي من هنا 9 فوايد هيشجعوكي على استخدام السونا.

عشان الطرق دي تجيب معاكم نتايج فعالة وملحوظة وسريعة, الافضل تمشوا عليهم كلهم يعني متختاروش طريقة واحدة بس لان ممكن تكون الطريقة اللي هتختاريها لوحدها مش فعالة بما فيه الكفاية.

6 تمارين هتساعدك تتخلصي من السيلوليت في اسبوعين بس

تمارين للتخلص من السيلوليت
تمارين للتخلص من السيلوليت