كل اللى محتاجة تعرفيه عن الجاكت الجلد قبل ما تقررى تشترى واحد

بقلمآية حسان فيموضة وأزياء visibility785

لما تيجى تقررى انك تشترى الجاكت الجلد يبقى لازم تختارى صح ، لانه بيعتبر واحد من اهم قطع الملابس اللى بتقدرى تعملى بيها fashion statement قوى جدا و كمان عملى و شيك بشكل كبير خصوصا واننا داخلين على فصل الخريف والشتاء، وكمان لانه سعرهم بيبقى غالى حبتين … علشان كده فى المقال ده بنات حوا هتساعدك تختارى صح و تعرفى كل اللى محتاجة تعرفيه عن الجاكت الجلد قبل ما تقررى تشترى واحد .

كل اللى محتاجة تعرفيه عن الجاكت الجلد قبل ما تقررى تشترى واحد

1- نوع البطانة : 

الجواكت الجلد ليها اكتر من نوع بطانة حسب استخدامك للجاكت او هتلبسيه ازاى، لو كنتى ناوية تعتمدى عليه انه يبقى اساسي فى الـ Looks الخاصة بيكى و تلبسيه كتير و يبقى عملى افضل حل هو انك تشترى جاكت جلد ببطانة من القطن، لكن لو بتدورى على حاجة تبقى stylish  وشكلها اليجانت و تلبسيها على فترات يبقى الافضل انك تشترى جاكت جلد ببطانة من الفرو او الصوف علشان كمان يضمن ليكى الدفئ ايام الخريف والشتاء,. 

2- هتلاقى منهم الوان متعددة : 

طبعا الجاكت الجلد باللون الاسود هو الاكتر شهرة و اللى بيعتبر اول حاجة تيجى فى بالنا لما اى حد فينا يفكر يشترى  واحد، لكن الحقيقة انه فى دلوقتى options كتيرة و مجموعة متنوعة من الالوان تقدرى تختارى منها لما تقررى تشترى جاكت جلد جديد، علشان تعملى لوك كله حيوية و stylish . 

3- ممكن تلبسيهم تقريبا على اى حاجة : 

اكتر حاجة مميزة فى الجاكت الجلد هى انك حرفيا تقدرى تلبسيه على اى حاجة من البنطلونات و الـ denim on denim looks لحد اى لوك مسائى تعمليه لو حتى لابسه فستان ماكسي من الدانتيل او الشيفون،  الجواكت الجلد بتعتبر من اكتر القطع العملية اللى تقدرى تعملى بيها اكتر من لوك او ستايل مختلفين و فى كل مرة يطلعوا غير و مميزين. 

4- ممكن تلبسيه منقوش : 

الجواكت الجلد مش لازم تبقى سادة و فى منها ستايلات منقوشة منها فيها او مزين بحلى تانية زى الزراير او السوست او الـ studs، التفاصيل و اللمسات البسيطة دى بتدى لوك حلو اوى للجاكت الجلد وبتملاه حيوية و بتخليه stylish ، 

5- جلد حقيقي ولا صناعى : 

قرار انك تلبسي جلد طبيعى ولا صناعى بيتوقف عليكى انتى ، اولا حسب مقدرتك انك تشترى جاكت من الجلد الطبيعى لانه غالى جدا، ثانيا لو كنتى ماعندكيش مشكلة فى انك تستخدمى الجلود الطبيعية وتقدرى تشتريها تبقى هى الاختيار الافضل دايما.

اعرفى معانا كمان بالصور : ازاى تقدرى تفرقى بين الجلد الطبيعى والجلد الصناعى خطوة بخطوة