6 أنواع من الـ sneakers لازم يبقى عندك منهم السنة دى

آية حسان
آية حسان
4374

علشان تعملى لوك حلو ومتكامل لازم تهتمى جدا بالـ footwear  ولانه انواع الشوز اللى ممكن تلبسيها كتيرة جدا و متنوعة ومختلفة ، فى المقال ده هنقولك على احدث الصيحات فى نوع مهم جدا من الشوز و هى الـ sneakers  اعرفى معانا بالصور 6 أنواع من الـ sneakers لازم يبقى عندك منهم السنة دى .

6 أنواع من الـ sneakers لازم يبقى عندك منهم السنة دى ..

1- Velvet sneakers :

بيعتبر النوع ده من الشوز هو افضل انتقال من لبس الكعب العالى للـ street shoes اللى بتحتاجى تلبسيه كل يوم، وفى نفس الوقت بتقدرى تحافظى على شياكة و  الـ fashionista vibe اللى بتحسيها وانتى لابسة كعب عالى. فلو بتدورى على حاجة مريحة وعملية و فى نفس الوقت glamorous و انيقة يبقى الـ velvet shoes هو الاختيار المناسب. 

2- Platform sneakers :

واحد من الـ sneakers اللى موضتها راجعة بقوة سواء باللوك الكاجوال او الكلاسيك،  شوز بكعب مرتفع ارتفاع بسيط و علشان كده مناسب جدا للبنات القصيرة اللى بتحتاج شوز عالى شوية عن الارض لكن مريح فى نفس الوقت،يعنى بيعتبر بديل مريح و ممتاز للكعب العالى. 

3- Shimmery sneakers :

طبعا كلنا واقعين فى حب الـ shimmery sneakers اللى بتلمع كل ما الشمس تيجى عليها ،  وبتبقى مزينة اما بالجليتر او الترتر  او الستراس او حبات معدن بتلمع ، يعنى هتلاقي منها أشكال متنوعة تختارى منها اللى يناسبك حسب ذوقك،  مش لازم تبقى اللمعة بتاعته مبالغ فيها علشان تقدرى تلبسيه فى النهار براحتك، لكنه واحد من الستايلات المميزة جدا. 

4- White sneakers :

يمكن من اصعب انواع السنيكرز فى المحافظة عليه لاننا عارفين انه الشوز الابيض بيتأثر بسرعة وبسهولة بالبقع و الاتربة وده بيخلى لونه يتغير،  لكن ده مايمنعش انه لازم يبقى عندك على الاقل واحد منهم لانه بيعتبر قطعة اساسية و هتحتاجيه كتير. 

 5- Knit sneakers  :

الـ knit sneakers بتعتبر من أنواع الشوز اللى بدأت تنتشر بنسبة كبيرة وتبقى trend ، الشوز ده بيديكى الفرصة تعملى لوك تبانى فيه extra dressy  حتى لو عاملة لوك بسيط باللون الاسود زى اللى فى الصورة. 

6-Old school classics :

آخر نوع معانا من أنواع من الـ sneakers هو الـ old school classics ، وبنقصد بيها الشوز اللى غالب بيبقى لونين و لون اساسي منهم هو الابيض، زى الكونفرس المشهور اللى بيعتبر قطعة عملية جدا لانك تقدرى تلبسيه  على اى لوك كاجوال تعمليه . 

اعرفى معانا كمان 10 أنواع من الكعب العالى high heels لازم تفكرى فيهم وانتى بتشترى

مقالات متعلقه

تنسيقات شتوية تستوحي منها اللوك بتاعك

تنسيقات شتوية تستوحي منها اللوك بتاعك

ستايلات للمحجبات مناسبة للجامعة

ستايلات للمحجبات مناسبة للجامعة

نصايح موضة مهمة لازم كل بنت في الجامعة تكون عرفاهم

نصايح موضة مهمة لازم كل بنت في الجامعة تكون عرفاهم