علاجات طبيعية للامراض الشائعة اللي معظمنا بيشتكي منها

بقلمريهام محمود فيصحة visibility837

العلاجات المنزلية الطبيعية ممكن تكون وسيلة لتخفيف الالم او علاج مرض بسيط يكون مش محتاج استشارة دكتور, في الحالة دي ممكن تتعالج بحاجات طبيعية, والنهاردة هنعرف مع بعض من خلال موضوعنا علاجات طبيعية للامراض الشائعة بطريقة فعالة وامنة في نفس الوقت.

علاجات طبيعية للامراض الشائعة:

1- آلام الضهر:

– آلام الضهر ممكن يتعالج بطريقة بسيطة عن طريق تدليك اماكن معينة في الجسم, وهي المنطقة اللي تحت الخصر وفوق الوركين, بمساعدة اي حد عندك في البيت خليه يدلك لك النقطتين دول بخفة وبحركات دائرية.

– ممكن تدلكي الضهر بالكحول, اول حاجة اغسلي الجلد كويس وبعدين يترش الكحول عليه ويتدلك.

– ممكن كمان تدليك الضهر بزيت خشب الصندل وهنلاقيه عند العطار يعتبر كمان من العلاجات الممتازة جدا لالم الضهر وبيساعد على الاسترخاء.

– جربي علاج الضغط البارد والسخن, اعملي كمادات لمناطق الالم بفوطة مبلولة بمية سخنة, وبعدين بدليها بفوطة ملفوف فيها مكعبات تلج, بدلي ما بين البارد والسخن لمدة 20 دقيقة.

– اغلي 1 لتر مية مع ¼ لتر خل ابيض وضيفي لهم 2 معلقة كبيرة روز ماري “اكليل الجبل”, سيبيهم يغلوا مع بعض 5 دقايق وبعدين بلي فوطة بالخليط ده واضغطي بيها على مناطق الالم لمدة 5 دقايق.

علاجات طبيعية للامراض الشائعة
علاجات طبيعية للامراض الشائعة

عشان نتفادى الم الضهر لازم نتعامل بعناية جدا لما نيجي نشيل اي حاجة تقيلة عشان نتجنب اصابة الضهر, وافضل طريقة انك متوطيش بجسمك وانتي واقفة وتشيلي الحاجة, لكن الطريقة الصح انك تتني ركبك وتنزلي لتحت من غير ما تحني منطقة الوسط.

علاجات طبيعية للامراض الشائعة

اختاري المرتبة الصح اللي تنامي عليها, المفروض متكونش ناشفة او قاسية اوي وكمان متكونش ناعمة اوي او طرية زيادة عن اللزوم يعني تكون وسط بين الاتنين.

ممكن تجربي تنامي بوضع الجنين وتحطي مخدة بين الركبتين, ولو انتي بتنامي على ضهرك حطي مخدة تحت الركبتين, دي تعتبر من اوضاع النوم المريحة.

لما تيجي تقومي من على السرير متقوميش مرة واحدة او تقومي بطريقة غلط تسبب لك الم, الطريقة الصح انك تنامي على جنبك مفرودة, وبعدين تنزلي رجلك على الارض واحدة واحدة, وادفعي نفسك لوضع الجلوس, بالطريقة دي مش هتخلي في ضغط على منطقة اسفل الضهر.

علاجات طبيعية للامراض الشائعة

2- الصداع:

– نامي على ضهرك, وهاتي فوطة لفي فيها مكعبات تلج وحطيها على مكان الالم لمدة 15 دقيقة.

– اخلطي عصير فص ثوم افرميه ناعم واضغطي عليه طلعي منه العصير وبعدين ضيفي عليه معلقة كبيرة عسل, وكلي الخليط ده بيعيد تنشيط المناطق الحسية في الدماغ وبيخلي الالم يروح.

– حطي شريحتين بطاطس على منطقة الجبهة من الجنبين لمدة 30 دقيقة.

– مشروب النعناع من المشروبات المهدئة اللي بتساعد على تخفيف الالم, كمان شاي البابونج من المشروبات اللي بتساعد جدا على تخفيف الالم والصداع.

– حاولي تسترخي وتنامي على ضهرك وتدلكي منطقة الجبهة باطراف صوابعك في حركات دائرية.

علاجات طبيعية للامراض الشائعة
علاجات طبيعية للامراض الشائعة

3- احتقان الانف:

– اغلي اوراق الاوكالبتوس او اوراق الكينا “هنلاقيها عند العطار” في مية وبعدين خلي راسك قريبة من البخار وخدي نفس عميق واستنشقي البخار, هيساعد جدا في كل المشكلة بشكل فوري وهيفتح الجيوب الانفية.

– اخلطي شوية من ورق اللوري مع اوراق المرمرية والقرفة, حطيهم كلهم في مية سخنة لمدة من 5 – 10 دقايق, واستنشقي البخار اللي طالع من الخليط الريحة القوية هتساعد انها تخلصك من انسداد الانف.

– اخلطي 1 كوب مية مع 2 معلقة كبيرة خل تفاح و2 معلقة كبيرة عسل نحل, سيبي الخليط يمتزج مع بعضه لمدة 3 دقايق وبعدين اشربيه.

– العلاج ببخار المية, اغلي مية في اي طبق كبير او حلة وغطي راسك بفوطة وابدأي استنشقي البخار.

علاجات طبيعية للامراض الشائعة
علاجات طبيعية للامراض الشائعة

4- التهاب الجلد:

– ضيفي 500 جرام شوفان في لتر مية, حطيهم على النار سيبيهم يغلوا مع بعض لمدة دقايق مع التقليب المستمر, ارفعيهم من على النار وسيبي الخليط يبرد وخدي منه وحطيه على المناطق اللي بتعاني فيها من اي التهاب, سيبيه وية وبعدين اغسليه بالمية.

– اخلطي خميرة بودرة مع لبن وزبادي لحد ما تتكون عندك عجينة قوامها متوسط, حطي الخليط على اماكن الالتهاب ده يعتبر منظف طبيعي للجلد بيساعد على علاج الالتهاب.

– ضيفي شوية من الزعتر في مية وخليهم يغلوا مع بعض, ارفعيه من على النار وسيبيه يبرد, وبعدين طبقي الخليط على مناطق الالتهاب بيساعد على علاجها وتقليل الحكة وتهيج الجلد.

– رشي كام نقطة من زيت شجرة الشاي على سفنجة او قطنة وادهني بيها على اماكن الالتهاب.

علاجات طبيعية للامراض الشائعة
علاجات طبيعية للامراض الشائعة

5- الصداع النصفي:

– هاتي قشر موز ورشي عليه من جوه شوية كحول, وبعدين حطيها على وشك وسيبيها لمدة 30 دقيقة, قشر الموز بيساعد على امتصاص السموم وتقليل الصداع بشكل طبيعي.

– اللوز, اكل 100 جرام لوز يوميا بيساعد على افراز هرمون الاندورفين اللي بيساعد بدوره على تقليل الصداع.

– شاي البابونج من المشروبات اللي ليها تأثير استرخاء على الجسم واثبتت فعاليتها في علاج الصداع الشديد والصداع النصفي.

– الكافيين من العناصر الطبيعية اللي بتساعد على تقليل الصداع, فنجان قهوة سودا من غير سكر ليه تاثير في علاج الصداع النصفي.

– الكمادات السخنة والباردة, حاولي انك تسترخي في اوضه هادية ضلمة, واعملي كمادات سخنة وباردة بالتبادل على الجبهة لمدة 10 دقايق, ده بيساعد على استرخاء عضلات الرأس وتحسين الدورة الدموية.

علاجات طبيعية للامراض الشائعة
علاجات طبيعية للامراض الشائعة

6- الامساك:

– اخلطي كمية من دقيق الشوفان مع كمية مية مناسبة وضيفي لهم كام نقطة عصير ليمون, وكلي من الخليط ده بيساعد على علاج الامساك.

– زيت الزيتون بيساعد في التخفيف من الامساك, حاولي كل يوم تعملي تدليك بزيت الزيتون على منطقة البطن في حركات دائرية في اتجاه عقارب الساعة لمدة دقايق.

– كلي كل يوم ثمرة تفاح من غير قشر, بتساعد على عملية الهضم, مجرد ما الجهاز الهضمي بتاعك ينتظم تقدري تاكليه بقشرة عادي.

– شاي الخبيزة من الحاجات اللي بتساعد على علاج الامساك, اغلي اوراق الخبيزة في مية, واشربيها كل يوم قبل وجبة الفطار, هتساعد على تنظيم عملية الهضم وعلاج الامساك.

– البرتقان والكيوي, شرب عصير البرتقان او الكيوي كل يوم الصبح على معدة فاضية, هيوفرلك كمية كافية من الالياف لتحفيز عملية الهضم والمساعدة على التخفيف من الامساك.

علاجات طبيعية للامراض الشائعة
علاجات طبيعية للامراض الشائعة

7- ألام المعدة, عسر الهضم, الحرقة:

– شرب شاي البابونج من الحاجات اللي بتساعد على استرخاء عضلات المعدة وتخفيف الالم.

– شوربة الفراخ, بتساعد على تهدئة المعدة, بس شيلي منها الدهون الزيادة وضيفي لها كام نقطة عصير ليمون.

– الضغط الدافي, طبقي الضغط الدافي على المنطقة اللي حاسه فيها بألم لمدة 15 دقيقة.

– اخلطي معلقة كبيرة من القرفة, اليانسون, النعناع, والريحان وحطيهم في ½ لتر مية, اغليهم مع بعض لمدة 10 دقايق, اشربي من الخليط كوباية كل ½ ساعة, هتخليكي تحسي براحة.

– اخلطي معلقة صغيرة صودا الخبز “كربوناتو” مع كام نقطة عصير ليمون و ½ كوباية مية, واشربيه ببطء, المشروب ده يعتبر علاج طبيعي مضاد للحموضة, وبيخفف بشكل فعال من حرقة المعدة.

علاجات طبيعية للامراض الشائعة
علاجات طبيعية للامراض الشائعة

8- الكحة, البرد, الانفلونزا:

– شرب عصير البرتقان كل يوم مع وجبة الفطار يعتبر فعال جدا لعلاج ومنع البرد او الانفلونزا.

– اغلي اوراق الاوكالبتوس واشربي منها, يعتبر الاوكالبتوس مضاد للفيروسات, وبيساعد على تهدئة الكحة, وعلاج التهاب الشعب الهوائية.

– اخلطي 2 كوب عصير ليمون مع 7 معالق كبيرة عسل نحل, اغليهم على النار لمدة ساعة ونص, سيبيه يبرد, خدي معلقتين كبار من الخليط كل ساعة خلال اليوم, وفي اليوم التاني خدي معلقة واحدة بس كل 3 ساعات.

– شرب كوباية شوربة دافية اي نوع كل يوم بتساعد على علاج الانفلونزا لان ليها خصائص مطهرة ومضادة للالتهابات, وبتقلل من الالم في منطقة الحلق, وبتخفف اعراض الانفلونزا.

علاجات طبيعية للامراض الشائعة
علاجات طبيعية للامراض الشائعة

9- حب الشباب:

– مية الورد, حطي 10 ورقات ورد في ازازة مية وسيبيها في التلاجة لمدة 36 ساعة, وبعدين ضيفي لها شوية كحول صغيرين, طبقي منها على البشرة مرة واحدة كل يوم قبل النوم, واحتفظي بباقي مية الورد في التلاجة.

– حطي قشر برتقان في طبق فيه شوية مية وسيبيه في التلاجة لمدة 24 ساعة, طلعيه قطعي قشر البرتقان قطع صغيرة ورجعيها تاني في المية وضيفي لها 3 معالق صغيرة دقيق شوفان, و2 معلقة صغيرة زبادي, طبقي الخليط على البشرة بعد ما تغسليها وسيبيه لمدة 5 دقايق وبعدين اغسليه بالمية.

– شاي الليمون, ابشري قشر الليمون وضيفي له مية وحطيه على النار وسيبيه يغلي لمدة من 3 – 5 دقايق, اشربي منه مرتين في اليوم, بيساعد على ازالة السموم من الجسم وبالتالي ده بينعكس على البشرة وبيخليها نقية وصافية وخالية من الحبوب.

– اخلطي معلقتين عسل نحل مع معلقة قرفة, حطي الخليط على البشرة وسيبيه لمدة 10 دقايق وبعدين اغسليه بالمية.

– اخلطي كميات متساوية من خل التفاح والمية, ادهني البشرة بقطنة من الخليط كل يوم قبل النوم, بيساعد على تنظيم الرقم الهيدروجيني اللي بيعيد التوازن للجلد وازالة الخلايا الميتة.

علاجات طبيعية للامراض الشائعة
علاجات طبيعية للامراض الشائعة

10- تساقط الشعر:

– عصير البصل او عصير الثوم, طبقي واحد منهم على فروة الراس ودلكيها كويس وسيبيه 20 دقيقة, وبعدين اشطفيه بعصير الليمون وبعدين المية عشان الريحة.

– اخلطي كميات متساوية من عصير الجزر وحليب جوز الهند, حطي الخليط على الشعر وسيبيه 20 دقيقة وبعدين اغسليه, الخليط ده بيساعد على تقوية الشعر وبيحافظ عليه صحي.

– خل التفاح من العلاجات الفعالة لتساقط الشعر وخصوصا الشعر الدهني, وبيساعد على تحفيز الدورة الدموية لتقوية بصيلات الشعر, اخلطي كميات متساوية من خل التفاح من المية ودلكي فروة الرأس بالخليط سيبيه 10 دقايق واغسليه بمية دافية.

– هاتي ورقة صبار وطلعي من الجل حطيه في شوية مية وطبقي الخليط ده على شعرك كله ودلكي بيه فروة الرأس, سيبيه 10 دقايق وبعدين اشطفيه بمية دافية.

– هاتي ثمرتين بنجر اغليهم في مية لمدة 10 دقايق, سيبي المية تبرد, خدي مية الغلي حطيها على الشعر وفروة الرأس, كرريها من 2 – 3 مرات في الاسبوع.

علاجات طبيعية للامراض الشائعة
علاجات طبيعية للامراض الشائعة

11- ارتفاع ضغط الدم:

– النقطة 1 – 2 اللي موضحين في الصورة مش هندلكهم بعنف او نضغط عليهم ولكن تدليك خفيف جدا يكاد يكون مش محسوس من فوق لتحت او من النقطة 1 ل 2 لمس خفيف بس باطراف الصوابع, اعملي الطريقة 10 مرات على جنب واحد وكرريها بنفس الطريقة للجنب التاني لمدة 10 مرات كمان.

– النقطة 3 دلكيها باطراف الصوابع لمدة دقيقة واحدة لكل جنب.

علاجات طبيعية للامراض الشائعة
علاجات طبيعية للامراض الشائعة

12- مشاكل الكبد والكلى:

المشي على الركبتين, بيساعد في التعامل مع مشاكل الكبد والكلى, وفي الطب الصيني يقال ان الطريقة دي فعالة لجميع الامراض.

كل اللي هتعمليه هاتي بطانية او حاجة ناعمة افرديها على الارض وامشي على ركبك, لمدة 15 دقيقة على الاقل يوميا ممكن تحسي بألم شوية في البداية بس مع الممارسة الالم هيختفي زي اي رياضة, النقط اللي موجودة في الركبتين بالضغط عليها بالطريقة دي بتساعد على تحفيز الاعضاء الداخلية وكمان بتحسن النظر.

ولنتايج افضل وتأثير اقوى ممكن تمشي على الركبتين وانتي مغمضة عينيكي.

علاجات طبيعية للامراض الشائعة
علاجات طبيعية للامراض الشائعة

11 علامة تحذر جسمك انك بتعاني من اجهاد شديد..وازاي تعالجيه بطرق طبيعية

علامات الاجهاد الزيادة على الجسم
علامات الاجهاد الزيادة على الجسم