بالصور .. 39 فكرة جديدة لـ صورك مع عيلتك فى يوم الفرح

بقلمآية حسان فيمنوعات visibility383

الوقت المناسب علشان تخططى لجلسات التصوير مع عيلتك واصحابك هو يومين قبل الفرح علشان يوم الفرح ماينفعش تبقى مش مشغولة بأى حد تانى غيرك انتى، وعلشان دايما احنا هنا فى مصر بنهتم العروسة و العريس بس و بننسى انه العيلة كمان مهم يبقى ليهم معانا ذكريات فى يوم زى ده ، فى المقال ده بنات حوا هتعرفك بالصور على  39 فكرة جديدة لـ صورك مع عيلتك فى يوم الفرح علشان تلهمك بأفكار و positions  جديدة و مبتكرة ..

بالصور .. 39 فكرة جديدة لـ صورك مع عيلتك فى يوم الفرح 

1- صورك مع والدك : 

صورك مع والدك وهو بيقدمك لعريسك او اثناء كتب الكتاب او انكم تاخدوا مع بعض مجموعة من الصور الخاصة بيكم انتوا الاتنين بس مهمة جدا فى يوم زى ده ،لانه غالبا دور الاب او الحماه بيبقى كله فى تقديم العروسة او كتب الكتاب ، علشان كده حاولى تخصصى ليهم وقت زيادة و ماتنسيش تتصورى مع والدك و تدى لجلسة تصويركم سوا الوقت الكافى وكمان لازم تتصورى مع حماكى.

2- صورك مع والدتك :

زى ما صورك مع والدك مهمة ، صورك مع والدتك كمان مهمة جدا، وافكار صورك مع والدتك كتيرة و كلها حلوة. ممكن و هى بتساعدك تلبسي الفستان او و هى بتعملك شعرك، وكمان صورك مع حماتك ليها نفس الاهمية،ماتنسيش تتصورى معاها هى كمان وافتكرى دايما انها هى اللى اهديتك الراجل اللى انتى بتحبيه وقررتى ترتبطى بيه باقى حياتك . 

3- صورك مع الاولاد الصغيرين : 

قرايبك الصغيرين فى السن او الاطفال سواء من ناحيتك او من ناحية العريس صورهم كمان مهمة لانهم بيدوا عفوية و مرح وصورهم بتبقى مبهجة جدا، صورك مع الاطفال الصغيرين هتطلع طبيعية وتلقائية. 

4- صورك مع العيلة : 

صورك مع عيلتك فى يوم الفرح مع ولاد اعمامك و ولاد خالاتك و قرايبك و قرايب العريس الشباب كمان حلوة لانكم بتبقوا قريبين من بعض فى السن وهما بيبقوا اما عارفين و حاسين بفرحتك اليوم ده لانهم اتجوزوا او بيبقوا كلهم امل و رومانسية لانهم مستنيين يعيشوا يوم حلو زى ده ، علشان كده صورك معاهم بتطلع مختلفة و مميزة و عفوية جدا، وماتنسيش كمان تتصورى مع اعمامك و عماتك و خالاتك لو الوقت سمح حتى لو جمعتيهم فى صورة واحدة. 

5- صور بأفكار مطرقعة :

لما بتبفكرى اصحابك و عيلتك مش بس بتفتكرى وشوشهم لكن كمان بتفتكرى شخصياتهم و مواقفهم معاكى وليه بتحبيهم ، علشان كده حاولى تسرحوا بخيالكم وتاخدى مع اصحابك مجموعة صور مطرقعة بأفكار غريبة و مجنونة تفتكروا بيها يوم حلو زى ده. 

اعرفى معانا كمان 8 اسئلة للـ wedding photographer الخاص بيكى لازم تسأليهم قبل فرحك