تسريحات شعر مناسبة للجيم سريعة وعملية

ريهام محمود
ريهام محمود
في
شعر
5388

في الجيم بنبقى محتاجين تسريحات شعر تكون شكلها حلو وفي نفس الوقت ثابتة وتتحمل الحركة من غير ما الشعر يتفك او التسريحة تبوظ, والنهاردة جايبين لكم مجموعة تسريحات شعر مناسبة للجيم سهلة وسريعة وعملية.

تسريحات شعر مناسبة للجيم:

لو شعرك قصير وعايزة تلمي الجزء بتاع القوصة ممكن تعملي التسريحة دي, ضفري منطقة القوصة زي ما باين الخطوات في الصورة كده, قسميها 3 اجزاء وضفريها بالطريقة العادية وطول ما انتي بتضفري خدي خصلة صغيرة من الشعر دخليها مع الضفيرة لحد ما يخلص الجزء بتاع القوصة اربطيها باستك ورجعيها لورا وثبتيها ببنسة مع باقي الشعر.

تسريحات شعر مناسبة للجيم 1
تسريحات شعر مناسبة للجيم 1

تسريحة ال Waterfall Braid او الشلال من التسريحات البسيطة وشكلها حلو جدا ممكن تشوفو خطواتها بالتفصيل من خلال الفيديو.

تسريحات شعر مناسبة للجيم 2
تسريحات شعر مناسبة للجيم 2

قسمي الشعر نصين واعملي كل نص منهم ديل حصان عالي, قسمي كل نص جزئين ولفيهم على بعض واربطيه باستك, وبعدين اعمليها كحكة وثبتيها بالبنس.

تسريحات شعر مناسبة للجيم 3
تسريحات شعر مناسبة للجيم 3

اعملي شعرك ديل حصان عالي وخلي طرف الشعر في الاستك زي ما هو باين في الصورة كده, وبعدين ابدأي افردي الشعر على شكل كحكة وثبتيها بالبنس.

تسريحات شعر مناسبة للجيم 4
تسريحات شعر مناسبة للجيم 4

اقلبي الشعر كله على قدام, ضفي الجزء اللي ورا, وبعدين لميه الشعر كله واعمليه كحكة عالية وثبيتها بالبنس, وممكن تحطي على الشعر قدام باندانا.

تسريحات شعر مناسبة للجيم 5
تسريحات شعر مناسبة للجيم 5

لو بتعاني من الجناب او القوصة دايما بتطلع من الشعر التسريحة دي مناسبة جدا لانها بتحكم الجناب والقوصة والشعر كله كويس, شوفوا طريقتها بالخطوات في الفيديو.

تسريحات شعر مناسبة للجيم 6
تسريحات شعر مناسبة للجيم 6

لو شعرك طويل ممكن تجربي التسريحة دي بسيطة وسهلة جدا, اعملي الشعر ديل حصان منخفض, اقسميه نصين, وهاتي نص منهم ابرميه ولفيه حوالين النص التاني وثبتيه بالبنس.

تسريحات شعر مناسبة للجيم 7
تسريحات شعر مناسبة للجيم 7

التسريحة دي مناسبة اوي للشعر القصير, قسمي الشعر نصين واربطيهم مع بعض واربطي الشعر باستك, وبعدين دخلي باقي الشعر تحت العقدة اللي عملتيها وثبتيها بالبنس.

شوفي من هنا نصايح وافكار ستايلات ملابس الجيم للمحجبات.

تسريحات شعر مناسبة للجيم 8
تسريحات شعر مناسبة للجيم 8

اعملي ديل حصان عالي, اقسميه نصين, ابرمي كل نص, لفيهم عكس بعض على شكل كحكة وثبتيها بالبنس.

تسريحات شعر مناسبة للجيم 9
تسريحات شعر مناسبة للجيم 9

لو شعرك طويل وتقيل اوي التسريحة دي هتكون مناسبة ليكي جدا, بتقسمي الشعر نصين, وضفري كل نص من اول منطقة القوصة لحد ورا, وبعدين لمي الشعر كله مع بعضه واعمليه كحكة منخفضة.

تسريحات شعر مناسبة للجيم 10
تسريحات شعر مناسبة للجيم 10

التسريحة دي كمان مناسبة اوي للشعر الطويل, خدي منطقة القوصة اعمليها ديل حصان, وبعدين خدي الجزء اللي تحتيه من الشعر اعمليه ديل حصان تاني واربطيه بالاستك, وبعدين الجزء اللي تحته بنفس الطريقة وهكذا لحد ما الشعر كله يخلص, واربطيه كله من تحت باستك.

تسريحات شعر مناسبة للجيم 11
تسريحات شعر مناسبة للجيم 11

التسريحة دي سهلة جدا ومافيهاش اي تفاصيل, بس هتحطي باندانا على الشعر من قدام, وهتعملي الشعر من ورا كحكة منخفضة.

تسريحات شعر مناسبة للجيم 12
تسريحات شعر مناسبة للجيم 12

لو عايزة تعملي high Bun ومعندكيش دوناتس ممكن تستخدمي الطريقة دي, هاتي اي شراب قديم عندك قصيه من تحت وابرميه جوه بعضه عشان يبقى شبه الدوناتس ولفي الشعر عليه.

تسريحات شعر مناسبة للجيم 13
تسريحات شعر مناسبة للجيم 13

لو شعرك تقيل ومجعد اوي وقصير هتناسبك التسريحة دي, رشي الشعر باسبراي مرطب او ادهنيه بالكريم المرطب اللي متعودة تستخدميه بعد غسيل الشعر او اي نوع سيروم, ابرمي الشعر من ورا وثبتيه بالبنس, وحطي فيه من الجنبين توكة مشط,  في الاخر رشيه سبراي مرطب تاني وادهني الاطراف باي نوع زيت عشان ترطبيها.

تسريحات شعر مناسبة للجيم 14
تسريحات شعر مناسبة للجيم 14

ادهني الشعر اي نوع Leave in-conditioner ووزعيه بالتساوي على الشعر كله بصوابعك, قسمي الشعر نصين وضفري كل نص, واربطيه باستك, لفي الضفيرتين على بعض ولما توصلي لنهاية الشعر قسمية تلات اجزاء وضفريه واربطيه باستك.

تسريحات شعر مناسبة للجيم 15
تسريحات شعر مناسبة للجيم 15

لو هتنزلي البحر او حمام السباحة ممكن تعملي سبراي يحمي شعرك من تأثير المية بطريقة بسيطة جدا, اخلطي 4 معالق كبيرة من اي نوع بلسم بتستخدمية مع 4 كوبايات مية دافية, حطي الخليط في ازازة ببخاخ ورجيهم كويس مع بعض واستخدميه قبل نزول المية, وممكن كمان تدهنيه زيت جوز هند كمان هيحمي شعرك من المية.

تسريحات شعر مناسبة للجيم 16
تسريحات شعر مناسبة للجيم 16

لو مستعجلة وملحقتيش تعملي شعرك اي تسريحة قبل ما تروحي الجيم ممكن تستخدمي اي برطمان فاضي عندك, حطي فيه كل الحاجات اللي لزماكي, التوك, البنس, سبراي الشعر, وحطيه في شنطتك ولما تروحي الجيم اعمليه قبل التمرين.

تسريحات شعر مناسبة للجيم 17
تسريحات شعر مناسبة للجيم 17

لو معندكيش وقت او مش عايزة تغسلي شعرك بعد الجيم ممكن تتخلصي من العرق او الدهون اللي في الشعر باستخدام صودا الخبز “الكربوناتو”, اعملي عجينة من صودا الخبز مع شوية صغيرين مية وافركي العجينة بصوابعك على فروة الراس.

تسريحات شعر مناسبة للجيم 18
تسريحات شعر مناسبة للجيم 18

نصايح وافكار تلبسي ايه في الجيم

نصايح و افكار تلبسي ايه فى الجيم
نصايح و افكار تلبسي ايه فى الجيم

مقالات متعلقه

منتجات العناية الاساسية اللي المفروض تكون موجودة في شنطة الجيم بتاعتك

منتجات العناية الاساسية اللي المفروض تكون موجودة في شنطة الجيم بتاعتك

ستايلات الشعر المثالية لشكل انفك

ستايلات الشعر المثالية لشكل انفك

تسريحات للشعر الكيرلي باستخدام السكارف

تسريحات للشعر الكيرلي باستخدام السكارف