اكتر 25 نوع توب موضة..اعرفيهم معانا

ريهام محمود

في

7985

انواع ال Tops كتير جدا وبتختلف في تصاميها وموديلاتها, والنهاردة جايبين لكل بنات حوا اكتر موديلات ال tops الموضة باشكال وتصاميم مختلفة.

موديلات ال Tops الموضة:

1- Floral Loose Tops:

لو عايزة توب مناسب لجو الصيف هيكون افضل اختيار ليكي التوب القطن الواسع المطبوع بالزهور, هيكون مريح جدا في اللبس وفي نفس الوقت مناسب لجو الصيف.

والموديل ده مناسب جدا للجسم المتوسط والمليان مع بنطلون جينز او كابري.

2- Batwing Tops:

الموديل ده بيكون التوب واسع من فوق وضيق او على قد الجسم من عند منطقة الوركين والوسط, والاكمام الشيفون مع الموديل ده بيديه شكل احلى وجذاب اكتر, ومناسب جدا انك تنسقيه مع بنطلون جينز او شورت.

3- Cotton Polyester Frock Tops:

لو عايزة لمسة تقليدية وغربية في نفس الوقت يبقى الموديل ده مناسب ليكي جدا, والخامة بتاعته دايما بتكون مزيج ما بين القطن والبوليستر, وده اللي بيديه شكله ده, ممكن تنسقيه مع جينز, او ليجينج او كابري خصوصا في فصل الصيف.

4- Off Shoulder Tops:

ال Off Shoulder من الموديلات التريندي جدا, ومنه الموديلات اللي بتكون نازلة من كتف واحد بس او الاتنين, واختيار الطول والوسع بيعتمد على شكل الجسم.

5- Loose Straight Tops:

الموديل ده من الموديلات المناسبة للبنات في كل الاعمار تقريبا بيكون من فوق اضيق من تحت شوية والجزء اللي تحت بيكون نازل Fluffy, وبيكون مناسب جدا للجسم المليان لانه بيداري ديفوهات الجسم وبيبينه ارفع, وانسب حاجة تنسقيه مه جينز.

6- Tunic Tops:

التونيك توب من الموديلات المفضلة عند كتير من البنات, الجزء اللي فوق فيه بيكون على قد الجسم, واللي تحت شيفون واسع والجزء اللي قدام بيكون اقصر من ورا, وافضل حاجة انك تنسقيه مع ليجينج.

7- Winter Tops:

لما تيجي تعملي شوبينج لفصل الشتا, لازم متفوتيش انك تشتري التوب الشتوي اللي باكمام طويلة ورقبة, بيكون خامتة مزيج من الصوف والقطن عشان تديكي راحة وفي نفس الوقت تدفيكي في الايام البرد, نسقيه مع بنطلون جينز وبوت بكعب, ممكن كمان تلبسي عليه Winter Cap عشان تكملي اللوك.

8- Short Single Dotted Frock Tops:

التوب القطن من اكتر الموديلات المناسبة جدا للجامعة, واضافة حزام للتوب بيحدد منطقة الوسط وبيخلي التوب شكله احلى, ممكن تنسقيه مع بنطلون كابري.

9- Very Long fitting Tops:

لو بتدوري على حاجة لمناسبة خاصة الموديل ده هيكون اختيار مناسب مع ليجينج, وبيكون غالبا من الشيفون ومطبوع بالورود في النص من الضهر على الجنبين.

10- Belt Top:

الموديل ده بيكون من قطعتين تيشرت من تحت وفوقيه توب واسع مع حزام عشان يحدد منطقة الوسط, ممكن تلبسيه مع جينز او ليجينج وخصوصا في فصل الشتا.

11- Curvy Top:

الموديل ده بيكون عبارة عن طبقات متعرجة, وخامته بتكون من الحرير والبوليستر مع خامة سترتش عشان ياخد شكل الجسم, ممكن تنسقيه مع جينز او شورت.

12- Sleeveless Shirt Top:

الموديل ده مناسب للجامعة او للشغل, وبيكون موديله شبه القميص بلياقة وزراير لكن اوسع شوية بس بوسع مناسب, وفي منه اللي بكم واللي من غير كم, والطول القصير منه مناسب جدا مع الجينز او ال Jeggings.

13- Simple Plain Tops:

لو عايزة توب سيمبل وبسيط تلبسيه على الجينز لخروجاتك اليومية يبقى الموديل ده هيكون افضل اختيار ليكي, والموديل بيكون متوفر بجميع الالوان مع رقبة على شكل حرف V مع وسع مناسب.

14- Plain Silk Top Short:

بتدوري على توب مشرق وبيلمع على البنطلونات او الجينز او الجيبات اختاري التوب الحرير من غير اكمام مع طول متوسط مع تصميم Fluffy في الجزء اللي تحت.

15- Dotted Net Tops:

الموديل ده مميز جدا بيكون عبارة عن شبكة اسود منقط, وده بيدي فرصة انك تلبسي تحته اي لون انتي عايزاه على الجينز وبيكون باين من تحته بشكل حلو جدا.

16- Sheer Tops:

التوب بتكون خامته من القطن مع خامة شفافة, الجزء اللي في النص قطن والشفاف في الجزء اللي فوق واللي تحت مع الاكمام, وتصميم الزهور مع الشفاف بيدي شكل حلو جدا للتوب, ممكن تنسقيه مع الجينز او ال Jeggings, وفي منه الوان كتير تقدري تختاري منها.

17- Lace Tops For Plus Size:

لو جسمك مليان وبتدوري على حاجة مناسبة ليكي, الموديل ده هيكون مناسب جدا, والتوب بيكون من طبقتين, الطبقة الداخلية من القطن على قد الجسم, والطبقة اللي فوق واسعة شفافة من الدانتيل, والميزة في الموديل ده انه بيغطي منطقة البطن والذراعين, نسقيه من الجينز هيديكي شكل انحف لجسمك.

18- Short Jacket Top in Denim:

لو بتحبي تلبسي الجينز يبقى اختاري التوب الجينز ونسقيه مع البنطلون الجينز, التوب مصنوع من الجينز من غير اكمام مع طول قصير, والقطعة دي مناسبة جدا للصيف مع الجينز او الشورت.

19- Peplum Tops:

لو عايزة حاجة مريحة وانيقة في نفس الوقت لمناسبة كاجوال, يبقى اختاري موديل الببلوم ونسقيه مع جينز High Waist او بوسط عالي عشان يحدد شكل الخصر اكتر, والتوب بيكون متوفر بكل الالوان لكن اللون الابيض والوردي والاسود والارجواني بيفضلوا اكتر كتير من البنات.

20- Back Pattern Tops:

التوب ده مناسب جدا للمناسبات الخاصة او الخروج بالليل, الجزء اللي فوق منه بتكون خامته من البوليستر السترتش عشان ياخد شكل الجسم مع لمعة, وتصميم الضهر بيكون مميز جدا بسوستة ف النص ومفتوح من تحت ومن فوق.

21- Strips Top:

واحد من التصاميم المميزة جدا هو التوب الشرايط, مصنوع من خامة الستان الاسود مع شرايط على الكتف والضهر وتصميم الرقبة بيكون باللؤلؤ والكشميري, وهيكون مناسب جدا تنسقيه مع الجينز, ممكن كمان تلبسي فوقيه جاكيت قطيفة قصير, او كارديجان طويل مع جينز High Waist بحيث حزام الجينز يكون باين من الجاكيت القصير القطيفة.

22- Tops with Layers:

لو عايزة حاجة غير تقليدية تلبسيها في جو الصيف والحر القطن هو هيكون الاختيار الافضل ليكي, البسي التوب القطن الطبقات هيكون مناسب جدا, والموديل مناسب جدل للشاطيء, للحفلات, البسيه مع الجينز او الشورت.

23- Scoop Neck Tops:

تصميم جميل ومميز جدا, من خامة البوليستر مع Scoop Neck اللي بيدي الموديل شكل مختلف, وفي الغالب الموديل ده بيتلبس في موسم الصيف لحفلات الشاطيء, او لسهرة بالليل في مكان مفتوح, نسقيه مع سكيني جينز او شورت.

24- Cropped Mini Tops:

كمان من الموديلات المناسبة جدا للشاطيء ولحفلات الشاطيء هو الCropped Top, وبيكون قصير مبين منطقة البطن مع Off Shoulder, ممكن تنسقيه مع جيبة قصيرة, والموديل ده ليه اسم تاني هو الSleeve Top.

25- Plain Poncho Tops:

التوب البونشو من الموديلات المناسبة جدا لموسم الشتا, بيكون مصنوع من خامة البوليستر من غير اي طبعات او تصميمات عليه مع رقبة كيرفي, بيكون شكله جذاب جدا لو نسقتيه مع الجينز او الليجينج, ومناسب جدا لكل الاجسام من اول الجسم المليان لحد الجسم النحيف.