افكار مبتكرة تجددي بيهم هدومك القديمة

ريهام محمود
ريهام محمود
2676

عندك هدوم قديمة بطلتي تلبسيها او حاسة ان موضتها قدمت؟ بدل ما ترميها جدديها وارجعي البسيها تاني, وده اللي هنشوفه النهاردة مع بعض في موضوعنا, هنقولك افكار تجددي بيهم هدومك القديمة بطريقة مبتكرة وبسيطة وتحوليهم وتلبسيهم بشكل مختلف.

افكار تجددي بيهم هدومك القديمة:

1- حولي التيشرت لمريلة مطبخ:

لو عندك تيشرت قديم ممكن تحوليه لمريلة مطبخ بطريقة سهلة.

هاتي التيشرت قصي الجزء اللي قدام زي ما هو باين في الصورة كده.

افكار تجددي بيهم هدومك القديمة 1
افكار تجددي بيهم هدومك القديمة 1

اتني الجزء اللي تحت منه وخيطيه, وقسميه لجيوب صغيرة باي احجام انتي عايزاها, عشان تستغليها وممكن تحطي فيها اي حاجة.

افكار تجددي بيهم هدومك القديمة 2
افكار تجددي بيهم هدومك القديمة 2

الجزء اللي ورا من التيشرت, قصيه ل 6 شرايط بنفس الحجم 2.5 في 24.

افكار تجددي بيهم هدومك القديمة 3
افكار تجددي بيهم هدومك القديمة 3

خيطي كل 3 شرايط مع بعض.

افكار تجددي بيهم هدومك القديمة 4
افكار تجددي بيهم هدومك القديمة 4

وصلي الشريطين في بعض وخيطيهم بالشكل ده يبقى عندك شريط واحد طويل.

افكار تجددي بيهم هدومك القديمة 5
افكار تجددي بيهم هدومك القديمة 5

خيطي الشريط في جزء التيشرت اللي احنا قصناه.

افكار تجددي بيهم هدومك القديمة 6
افكار تجددي بيهم هدومك القديمة 6

وكده تبقى المريلة خلصت وده الشكل النهائي بتاعها.

افكار تجددي بيهم هدومك القديمة 7
افكار تجددي بيهم هدومك القديمة 7

2- اعملي كوم دانتيل:

لو عندك توب حمالات ممكن تحولي شكله وتركبي له قطعة دانتيل.

كل اللي هتحتاجيه توب, وقطعة دانتيل بعرض 6 انش تقريبا, ابرة, خيط, دبابيس, مقص.

افكار تجددي بيهم هدومك القديمة 8
افكار تجددي بيهم هدومك القديمة 8

اشبكي قطعة الدانتيل في الحمالة بتاعة التوب بالدبابيس بالشكل ده عشان تظبطي الشكل قبل ما تخيطي.

افكار تجددي بيهم هدومك القديمة 9
افكار تجددي بيهم هدومك القديمة 9

ابدأي خيطي الدانتيل في التوب.

افكار تجددي بيهم هدومك القديمة 10
افكار تجددي بيهم هدومك القديمة 10

بعد ما تخلصي قصي الدانتيل الزيادة, وقفليه من تحت يعني قطعة الدانتيل تبقى واخدة شكل دايرة.

افكار تجددي بيهم هدومك القديمة 11
افكار تجددي بيهم هدومك القديمة 11

وده هيبقى الشكل النهائي ليه.

افكار تجددي بيهم هدومك القديمة 12
افكار تجددي بيهم هدومك القديمة 12

3- اعملي تيشرت Backless:

لو عندك تيشرت عادي وزهقتي من شكله ممكن تجربي تغيري شكله وتعمليه Backless, شوفوا الطريقة بالتفصيل بالفيديو.

افكار تجددي بيهم هدومك القديمة 13
افكار تجددي بيهم هدومك القديمة 13

4- تصميم Kitty Print T-Shirt:

لو عندك تيشرت سادة وعايزة تغيري شكله افضل طريقة هتكون انك تعملي عليه طبعة بطريقة سهلة جدا.

كل اللي هتحتاجيه تيشرت سادة, الوان قماش او الوان اكريليك, ثمرة بطاطس, منديل ورق, Marker, سكينة, قطر, ورقة.

افكار تجددي بيهم هدومك القديمة 14
افكار تجددي بيهم هدومك القديمة 14

اقطعي البطاطس نصين بالطول, حطي البطاطس على المنديل عشان تمتص اي سوائل فيها, باستخدام ال Marker ارسمي وش قطة على البطاطس, حددي الرسمة بالقطر بعمق ¼ بوصة تقريبا, بالسكينة اقطعي البطاطس اللي حوالين الرسمة اللي انتي عملتيها بحيث الرسمة تبقى بارزة.

افكار تجددي بيهم هدومك القديمة 15
افكار تجددي بيهم هدومك القديمة 15

حطي اللون على الرسمة وابدأي اطبعي الشكل على التيشرت, بس اتأكدي قبل ما تطبعي الرسمة حطي الورقة بين طبقات التيشرت تحت الجزء اللي هتطبعي عليه عشان متطبعش الناحية التانية.

افكار تجددي بيهم هدومك القديمة 16
افكار تجددي بيهم هدومك القديمة 16

وده هيبقى الشكل النهائي للتيشرت.

افكار تجددي بيهم هدومك القديمة 17
افكار تجددي بيهم هدومك القديمة 17

5- حولي البنطلون لشورت:

لو عندك بنطلون جينز قديم وبطلتي تلبسيه ممكن تحوليه لشورت.

هاتي اي بنطلون قديم عندك قصية بالطول اللي انتي عايزاه للشورت, وبعدين بمكنة حلاقة قديمة امشي على الحروف بتاعته من تحت عشان تنتشيها.

افكار تجددي بيهم هدومك القديمة 18
افكار تجددي بيهم هدومك القديمة 18

وممكن بالمكنة تقطعيه من اي جزء تاني زي ما هو باين في الصورة كده يعني حسب اختيارك.

افكار تجددي بيهم هدومك القديمة 19
افكار تجددي بيهم هدومك القديمة 19

6- زيني التيشرت بالخرز:

ممكن بردو تغيري اي تيشرت سادة عندك بطريقة تانية انك تزينيه بالخرز.

اول حاجة حددي بال Mark المكان اللي هتبدأي من عنده التصميم بتاعك.

افكار تجددي بيهم هدومك القديمة 20
افكار تجددي بيهم هدومك القديمة 20

وعشان تدي سمك للكم وتقدري تخيطي عليه الخرز حطي له من جوه قطعة فازلين ودوسي عليها بالمكوى عشان تثبتيها.

افكار تجددي بيهم هدومك القديمة 21
افكار تجددي بيهم هدومك القديمة 21

على الترابيزة او اي سطح مستوي عندك ابدأي اعملي شكل التصميم اللي انتي عايزاة.

افكار تجددي بيهم هدومك القديمة 22
افكار تجددي بيهم هدومك القديمة 22

وبالطباشير او المارك حددي عرض التصميم او الجزء اللي انتي هتشتغلي فيه وتحطي فيه الخرز.

افكار تجددي بيهم هدومك القديمة 23
افكار تجددي بيهم هدومك القديمة 23

ابدأي خيطي الخرز بشكل التصميم اللي انتي عملتيه.

افكار تجددي بيهم هدومك القديمة 24
افكار تجددي بيهم هدومك القديمة 24

وده هيبقى الشكل النهائي ليه.

افكار تجددي بيهم هدومك القديمة 25
افكار تجددي بيهم هدومك القديمة 25

7- اعملي فيست بتيشرت قديم:

طريقة تانية لاستغلال اي تيشرت قديم عندك انك ممكن تحوليه فيست.

هاتي التيشرت وابدأي اقصية بنفس الشكل والخطوط اللي في الصورة, يعني قصي الكمين, وافتحيه من قدام, وبعدين ابدأي قصيه شرايط رفيعة جنب بعض.

افكار تجددي بيهم هدومك القديمة 26
افكار تجددي بيهم هدومك القديمة 26

وده هيبقى الشكل النهائي.

افكار تجددي بيهم هدومك القديمة 27
افكار تجددي بيهم هدومك القديمة 27

8- ضيفي دانتيل للتيشرت:

ممكن تضيفي قطعة دانتيل للتيشرت وتغيري شكله.

قصي التيشرت من الجنبين,  شيلي منه القطعة اللي تحت الكمين.

افكار تجددي بيهم هدومك القديمة 28
افكار تجددي بيهم هدومك القديمة 28

هاتي قطعة الدانتيل وخيطيها في الجنب مكان الجزء اللي قصتيه.

افكار تجددي بيهم هدومك القديمة 29
افكار تجددي بيهم هدومك القديمة 29

وده الشكل النهائي للتيشرت.

افكار تجددي بيهم هدومك القديمة 30
افكار تجددي بيهم هدومك القديمة 30

9- اعملي خطوط نيون على الاسود:

لو عندك توب او تيشرت اسود سادة ممكن تغيري شكله وتخلي شكله احلى بانك تضيفي له الوان نيون.

هتحتاجي تيشرت او توب اسود, الوان اكريليك, فرشة رسم, شريط لاصق, قطعة كرتون.

افكار تجددي بيهم هدومك القديمة 31
افكار تجددي بيهم هدومك القديمة 31

ثبتي التيشرت على قطعة الكرتون بالشريط اللاصق عشان ميتحركش وانتي بتشتغلي عليه.

افكار تجددي بيهم هدومك القديمة 32
افكار تجددي بيهم هدومك القديمة 32

حطي الشرايط على التيشرت من تحت جنب بعض في اطوال مختلفة, حطي 9 شرايط جنب بعض.

افكار تجددي بيهم هدومك القديمة 33
افكار تجددي بيهم هدومك القديمة 33

شيلي شريط من بين كل شريطين يعني يبقى بين كل شريط والتاني فراغ.

افكار تجددي بيهم هدومك القديمة 34
افكار تجددي بيهم هدومك القديمة 34

ابدأي لوني الفراغات بالوان الاكريليك, اختاري اي الوان تفضليها, سيبي اللون ينشف وبعدين حطي طبقة تانية.

افكار تجددي بيهم هدومك القديمة 35
افكار تجددي بيهم هدومك القديمة 35

لما اللون ينشف خالص شيلي الشرايط من على التيشرت.

افكار تجددي بيهم هدومك القديمة 36
افكار تجددي بيهم هدومك القديمة 36

لو لقيتي حدود الخطوط مش مظبوطة او طالعة بره شوية ممكن بقلم اسود تمشي عليها تظبطيها.

افكار تجددي بيهم هدومك القديمة 37
افكار تجددي بيهم هدومك القديمة 37

وده الشكل النهائي للتيشرت.

افكار تجددي بيهم هدومك القديمة 38
افكار تجددي بيهم هدومك القديمة 38

5 طرق تخلي بيهم هدومك القديمة جديدة وعلى الموضة

اعرفى معانا 5 طرق تخلى بيهم هدومك القديمة جديدة و على الموضة
اعرفى معانا 5 طرق تخلى بيهم هدومك القديمة جديدة و على الموضة

مقالات متعلقه

ستايلات للبس العباية المفتوحة في رمضان

ستايلات للبس العباية المفتوحة في رمضان

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا