اكتر اخطاء بنكررها دايما لما نيجي نحط الصن بلوك

بقلمريهام محمود فيبشرة visibility1068

زي ما قولنا قبل كده لكل بنات ان الصن بلوك مهم جدا استخدامه طول السنة عشان نحمي بشرتنا من مخاطر اشعة الشمس, ويمكن احتياجنا ليه بيزيد وبيبقى مهم اكتر في الصيف لان الشمس بتكون تاثيرها اقوى على البشرة, والنهاردة من خلال موضوعنا هنعرف اكتر اخطاء بنعملها مع الصن بلوك وبتخليه ميديش بشرتنا الحماية اللي محتاجاها.

اكتر اخطاء بنعملها مع الصن بلوك:

1- مش بتستخدمي واقيات بتوفر حماية واسعة:

اتأكدي انك بتستخدمي الصن بلوك اللي بيوفر حماية واسعة اللي بيحتوي على UVA/UVB مع درجة حماية SPF اقل حاجة 15, لان ال SPF بيقيس بس الوقت اللي بيوفره الصن بلوك لحماية بشرتك قبل ما مفعوله يروح, لكن الحماية الواسعة اللي بتحتوي على العنصرين اللي قولنا عليهم دي اللي بتحمي البشرة من التجاعيد, ومن بقع الشمس وغيرها من علامات الشيخوخة المبكرة اللي ممكن تظهر بسبب تأثير اشعة الشمس على البشرة, عشان كده لما تيجي تشتري الصن بلوك شوفي مكوناته واتأكدي انه بيحتوي على ال UVA/UVB.

2- مش بتهتمي انك تقري عن المنتج:

لازم قبل ما نستخدم اي منتج نقرا عنه ونعرف هل هو مناسب لبشرتنا ولا لا, لو بشرتك حساسة الافضل تستخدمي واقيات الشمس المعدنية الخالية من المواد الكيميائية القاسية على البشرة, ولو انتي بتمارسي اي رياضة مائية او هتنزلي البحر او حمام السباحة في الحالة دي هتضطري تستخدمي واقيات الشمس الكيميائية المضادة للمية عشان توفرلك الحماية الكافية.

اكتر اخطاء بنعملها مع الصن بلوك
اكتر اخطاء بنعملها مع الصن بلوك

3- مش بتحصلي على مضادات الاكسدة من واقي الشمس بتاعك:

الافضل تستخدمي واقيات الشمس اللي بتحتوي على مواد مضادة للاكسدة, لانها بتوفر حماية مضاعفة بتعمل طبقة للحماية من الشمس, وبتحمي بشرتك كمان من الجذور الحرة اللي بتسبب تجاعيد البشرة.

4- مش بتحطي واقي الشمس على طول:

احيانا في كتير مننا بيهمل الصن بلوك في الشتا, او لو مش هيتعرض بشكل مباشر للشمس, او رايحة مشوار قريب وشايفة انه مش مستاهل تحطي صن بلوك, لكن ده كله غلط لان الصن بلوك لازم يتحط طول السنة حتى في الشتا الشمس يمكن تكون باردة عن شمس الصيف لكن بردو بتأثر على البشرة, ولو بشرتك مش هتتعرض للشمس بشكل مباشر او في مكان ضل كمان هتحتاجي انك تحطي صن بلوك, يعني الصن بلوك لازم يكون حاجة اساسية من روتينك اليومي قبل ما تخرجي لاي مكان مهما كان.

اكتر اخطاء بنعملها مع الصن بلوك
اكتر اخطاء بنعملها مع الصن بلوك

5- استخدام نفس واقي الشمس لكل الاوقات:

واقي الشمس اللي بتستخدميه في الايام العادية ممكن ميوفرش الحماية الكافية لو بشرتك هتتعرض لمية مثلا زي نزول البحر او حمام السباحة, في الحالة دي الصن بلوك العادي مش مناسب وهيكون انسب اختيار نوع مضاد للمية عشان يوفرلك الحماية اللي محتاجاها بشرتك.

6- مش بتغطي البشرة كلها كويس بالصن بلوك:

غلطة بيقع فيها كتير من البنات انك مش بتغطي البشرة كلها كويس بالصن بلوك او بتحطي على البشرة بس وبتسيبي باقي الاجزاء اللي هتتعرض للشمس, لازم الواقي يتحط على كل اجزاء البشرة اللي هتتعرض للشمس, زي الرقبة, والايد, منطقة العين, الشفايف, والرجل لو هتلبسي حاجة مفتوحة يعني اي جزء هيتعرض للشمس ضروري تحطي عليه صن بلوك.

7- مش بتدي الصن بلوك وقت كافي يعمل مفعوله:

لازم تحطي الصن بلوك قبل الخروج والتعرض للشمس على الاقل ب 15 دقيقة عشان تديه وقت كفاية ان البشرة تتشربه كويس ويعمل مفعوله على البشرة.

اكتر اخطاء بنعملها مع الصن بلوك
اكتر اخطاء بنعملها مع الصن بلوك

شوفي من هنا افضل انواع الصن بلوك لكل نوع بشرة.

8- اهمال تجديد الصن بلوك على البشرة:

معظمنا تقريبا بيهمل اعادة تجديد الصن بلوك بره البيت خصوصا لو حاطه ميك اب هتشوفي انه اعادة تطبيق الصن بلوك هتبوظلك الميك اب بتاعك, لكن تجديده مهم جدا وانتي بره البيت لانه تقريبا مفعوله بيروح بعد ساعتين ولازم تجدديه, وممكن تجربي تستخدمي صن بلوك سبراي لو حاطه مكياج وعايزة تحافظي عليه.

9- بتكتفي بالواقي بس:

اكيد الواقي بيوفر حماية من الشمس لكن ده ميمنعش انك تستخدمي جنبه وسائل حماية تانية مساعدة, زي نضارة الشمس, او طاقية, الملابس الفاتحة لانها بتعكس اشعة الشمس, او حتى شمسية.

10- اتخلصي من بقايا الصن بلوك على البشرة:

الصن بلوك زيه زي كتير من المنتجات بيحتوي على مواد كيميائية وكمان يعتبر واحد من اكتر منتجات العناية بالبشرة سمية او فيه مواد مضره, وعشان تتجنبي تهيج وضرر البشرة لازم اخر اليوم تغسلي بشرتك كويس عشان تتخلصي من اي بقايا منه على البشرة.

اكتر اخطاء بنعملها مع الصن بلوك
اكتر اخطاء بنعملها مع الصن بلوك

ازاي تحطي واقي الشمس تحت المكياج بطريقة صح

ازاي تحطي واقي الشمس تحت المكياج بطريقة صح
ازاي تحطي واقي الشمس تحت المكياج بطريقة صح