وصفات طبيعية فعالة للبشرة والشعر بمكون موجود في كل بيت

بقلمريهام محمود فيشعر visibility2945

وصفاتنا النهاردة كلها مشترك فيها مكون تقريبا موجود في كل بيت وهو القهوة, القهوة ليها فوايد كتير جدا غير طعمها اللذيذ وانها مشروب منبه وكتير من الناس ميقدروش يستغنوا عنها في يومهم, وده اللي هنعرفه النهاردة من خلال مجموعة وصفات للبشرة والشعر من القهوة ومش بس القهوة العادية كمان بقايا القهوة مش هنرميها وهنستفاد منها.

وصفات للبشرة والشعر من القهوة:

1- وصفة لعلاج السيلوليت:

اخلطي كميات متساوية من القهوة المطحونة او بقايا القهوة والملح, ضيفي لهم كام نقطة من زيت الزيتون, خدي شاور دافي عشان تفتحي مسام البشرة, واعملي سكراب بخليط القهوة للاماكن اللي فيها سيلوليت دلكيها ببطء في حركات دائرية لمدة دقايق وبعدين اغسلي البشرة بالمية, كرري الوصفة من مرة لمرتين في الاسبوع لحد ما تتخلصي من مشكلة السيلوليت.

وصفات للبشرة والشعر من القهوة
وصفات للبشرة والشعر من القهوة

2- وصفة لتساقط الشعر:

اخلطي 2 معلقة كبيرة قهوة مطحونة مع 6 معالق كبيرة زيت زيتون سخن, اغسلي شعرك وبعدين حطي الخليط على الشعر كله من الجذور للاطراف, لفي الشعر بورق فويل وسيبيه لمدة 30 دقيقة وبعدين اغسلي شعرك بالشامبو.

كرري الوصفة من مرة لمرتين في الاسبوع, وكورس العلاج المفروض ميكونش اقل من 12 مرة عشان تظهر نتيجة كويسة, ولو شعرك فاتح ممكن الوصفة مع التكرار تغير لون الشعر شوية.

وصفات للبشرة والشعر من القهوة
وصفات للبشرة والشعر من القهوة

3- تورم وانتفاخ تحت العين:

اخلطي ½ معلقة صغيرة من القهوة المطحونة او بقايا القهوة, مع ½ معلقة صغيرة زيت جوز هند, ورشة صغيرة فلفل اسود مطحون, كام نقطة مية, قلبي المكونات كلها مع بعض كويس, طبقي الخليط على منطقة تحت العين وسيبيه لحد ما ينشف وبعدين اغسليه بمية دافية.

وصفات للبشرة والشعر من القهوة
وصفات للبشرة والشعر من القهوة

4- جفاف وتشقق الشفايف:

اخلطي ½ معلقة صغيرة من بقايا القهوة مع ½ معلقة صغيرة عسل نحل, دلكي الشفايف بالخليط لمدة 30 ثانية, وبعدها امسحي الشفايف بقطعة قطن مبلولة.

وصفات للبشرة والشعر من القهوة
وصفات للبشرة والشعر من القهوة

5- النقط السودا على البشرة:

اخلطي 2 معلقة كبيرة بقايا قهوة او قهوة مطحونة ناعم مع 2 معلقة كبيرة لبن رايب, اعملي الاول جلسة بخار للبشرة وبعدين حطي الماسك على بشرتك ودلكيه لمدة دقيقتين وبعدين سيبيه لمدة 10 دقايق كمان واغسليه بمية دافية, كرري الوصفة مرة واحدة في الاسبوع.

وصفات للبشرة والشعر من القهوة
وصفات للبشرة والشعر من القهوة

6- للبشرة الدهنية:

اخلطي معلقة كبيرة من بقايا القهوة مع معلقة كبيرة لبن, حطي الخليط على البشرة ودلكيه لمدة من 1 – 2 دقيقة, وبعدين اغسليه بمية باردة.

وصفات للبشرة والشعر من القهوة
وصفات للبشرة والشعر من القهوة

7- للبشرة المجهدة والباهتة:

اخلطي معلقة كبيرة من بقايا القهوة, مع معلقة صغيرة Sour cream, معلقة صغيرة عسل نحل, وبيضة, قلبي المكونات كلها مع بعض كويس لحد ما يبقى عندك خليط ناعم, افردي الماسك على البشرة وسيبيه 15 دقيقة, وبعدين اغسليه بمية باردة, كرري الوصفة من مرة لمرتين في الاسبوع.

وصفات للبشرة والشعر من القهوة
وصفات للبشرة والشعر من القهوة

اسرار لجمال بشرتك بيستخدمهم النساء حول العالم

اسرار جمالية للعناية بالبشرة من النساء حول العالم