4أسباب ليه بنحتاج حضن كل يوم ؟

بقلمآية حسان فيمنوعات visibility742

عايزة تحسي بالتفاؤل و انك محبوبة ونشيطة و عندك طاقة كل يوم ، الحل مش بس كوباية نسكافيه او انك تنامى وتصحى بدرى، الموضوع محتاج دفعة معنوية كبيرة ماتجيش الا بطريقة واحدة وهى ” الحضن “، ايوة انتى قريتى صح :)

 الحضن مهم للانسان مش بس نفسيا ولكن جسديا كمان ، و الحضن له فوايد كتيرة ومهمة، اعرفى فى المقال ده مع بنات حوا ليه بنحتاج حضن كل يوم ؟

4 أسباب ليه بنحتاج حضن كل يوم ؟

1- فى دراسات كتير حديثة بتقول انه الحركة البسيطة و المهمة دى مفيدة جدا للى بيبدأ بيها و للطرف التانى اللى بيستقبلها، طيب ايه هى الفوايد ؟ بتزود من انتاج الجسم لمادة الاوكسيتيسون oxytocin وهو الهرمون المسؤول عن الاحساس بالسعادة، بتفصيل اكتر: الأوكسيتوسين هو ناقل عصبي يساعد المركز العاطفي للدماغ على الاحساس بالسعادة   و التقليل من التوتر والقلق وعلشان كده بعد كل حضن بنحس بالسعادة واننا محبوبين. 

2- سبب كمان ليه بنحتاج حضن، هو ان  الحضن  يساعد على الوقاية من أمراض القلب،  وفى بحث من جامعة نورث كارولينا الامريكية بيقول  انه الناس اللى مابتستقبلش احضان كتيرة من اللى بيحبوهم بيعانوا من زيادة فى  معدل ضربات القلب بنسبة 10 نبضات في الدقيقة الواحدة.

3- الحضن كمان بيساعد على توفير الدعم النفسي اللى بنحتاجه وتقليل التوتر وده بيساهم فى تقليل فرصة المرض، بنسبة 33% ، وفى تجربة اتعملت على عدد من الافراد المصابين بالبرد العادى، لقوا انه اللى بيتلقوا دعم اجتماعى فى صورة احضان بتبقى الاعراض بالنسبة لهم اقل وفرص الشفاء الاسرع بالنسبة لهم اكتر طبعا مع الدواء المناسب، بعكس اللى كانوا بيكتفوا بأخد الدواء بس.

4- الحضن بيدينا دفعة معنوية كتيرة و بيخلينا نحس اننا محبوبين و جمال و مرغوبين من اللى حوالينا و بيساعدنا نقدر نكمل كل يوم بنشاط وحيوية ومابيكلفش اى حاجة، بالعكس بيخلينا اقرب للى بنحبهم جسديا ونفسيا، والحضن مش بس للأزواج ، لكنه مهم كمان بين الاصدقاء و لوالدك ووالدتك واخواتك ، علشان كده ماتنسيش تحضنى اللى بتحبيهم كل يوم :)