ازاي تطلعي بلوك رائع على البحر من غير مكياج خالص

بقلمريهام محمود فيمكياج visibility830

اكيد على الشاطيء والبحر او حمام السباحة بيبقى كل همنا ننبسط ونستمتع بوقتنا اكتر ما هنفكر في المكياج وكمان البحر مش مناسب ليه المكياج الكتير بيبقى الافضل انك تحطي اقل قدر ممكن من المكياج او تستغني عنه خالص وتبقي طبيعية اكتر, والنهاردة هنقول لكل بنات حوا حيل و نصايح للوك رائع من غير مكياج خالص.

نصايح للوك رائع من غير مكياج:

1- اهتمي بحواجبك:

الحواجب من الحاجات اللي بتظهر شكل الوش, عشان كده مهم جدا اننا نهذبها بشكل مظبوط ونشيل الشعر الزيادة بانتظام الخطوة دي هتكون كافية جدا انها تحدد وشك وتظهر العيون, عشان كده اتاكدي دايما انهم مظبوطين وشكلهم حلو ولو مش بتعرفي انتي تظبطيهم بنفسك يبقى روحي للكوافير وظبطيهم.

نصايح للوك رائع من غير مكياج
نصايح للوك رائع من غير مكياج

شوفي من هنا رسمة الحواجب المناسبة لشكل كل وش.

2- اظهري عيونك:

عشان تبرزي العيون اكيد مش لازم الماسكارا او تركيب الرموش, ممكن تعملي كده بحيلة بسيطة انك تستخدمي ال Eyelash Curler او اداة تني الرموش وتطبقي طبقة رقيقة من الماسكارا الجل الشفافة ودي نوع من الماسكارا شفاف من غير لون بتثبت شكل الرموش بعد استخدام اداة تني الرموش, ولو عندك هالات سودا تحت العين ممكن تستخدمي كريمات العين اللي بتحتوي على الريتينول عشان تعالجلك المشكلة.

نصايح للوك رائع من غير مكياج
نصايح للوك رائع من غير مكياج

شوفي من هنا ازاي تخلي عيونك اجمل واحلى طبيعيا.

3- استخدمي BBكريم:

بالرغم ان الBB كريم يعتبر مكياج ولكن هو بيتميز انه خفيف على البشرة وهو يعتبر بديل للمرطب ولكن مع لون يعني مرطب ملون اكتر من انه مكياج, ويعتبر مثالي جدا لاستخدامه على الشاطيء بدل ما تحطي منتجات كتير هو هيغنيكي عن ده وفي نفس الوقت هيخلي بشرتك تتنفس ويوفرلها التغذية والترطيب.

نصايح للوك رائع من غير مكياج
نصايح للوك رائع من غير مكياج

شوفي من هنا ماركات واسعار ال BB كريم وال CC كريم.

4- بيضي سنانك:

حافظي على سنانك بيضا وشكلها صحي وده اكيد الوصول ليه مش صعب خالص, ممكن بمكونات بسيطة جدا موجودة في البيت تبيضي سنانك, ممكن تغسلي الاسنان بصودا الخبز تحطي منها على فرشة السنان وتغسليها بالطريقة العادية الطريقة دي بتساعد جدا على تبييض الاسنان.

نصايح للوك رائع من غير مكياج
نصايح للوك رائع من غير مكياج

شوفي من هنا 10 بدائل طبيعية لمعجون الاسنان.

5- مشاكل الشعر:

قصة شعر جديدة ولون مناسب كفيل جدا انه يغير شكل وشك, لكن وانتي رايحة البحر اتأكدي من اختيار ستايل شعر بسيط عشان يمشي مع اللوك الطبيعي, قصي دايما اطراف الشعر المقصفة, استخدمي حامي من الحرارة لو هتستخدمي سيشوار او بيبي ليس, وممكن تستخدمي كمية بسيطة من زيت جوز الهند او زيت الزيتون على اطراف الشعر عشان تديه لمعة وتحافظي عليه صحي.

نصايح للوك رائع من غير مكياج
نصايح للوك رائع من غير مكياج

6- الترطيب:

لو حافظتي على ترطيب البشرة باستمرار هتمنعي جفافها وهيبقى شكلها صحي, واتأكدي دايما انك بتطبقي المرطب على الرقبة والايدين زي البشرة وحطي كمية كافية عشان ترطبيهم كويس.

نصايح للوك رائع من غير مكياج
نصايح للوك رائع من غير مكياج

شوفي من هنا انواع الكريمات المرطبة المناسبة لكل نوع بشرة.

7- التقشير:

لو بشرتك شكلها باهتة وتعبانة يبقى ممكن تكون محتاجة تقشير عشان تتخلصي من الجلد الميت, عشان كده ضروري تدخلي التقشير في روتين العناية ببشرتك من مرة لتلات مرات في الاسبوع حسب احتياج بشرتك, ممكن تستخدمي مقشر السكر وزيت الزيتون ولو بشرتك دهنية ممكن تضيفي لهم كام نقطة ليمون.

نصايح للوك رائع من غير مكياج
نصايح للوك رائع من غير مكياج

شوفي من هنا وصفات طبيعية لتقشير الجلد.

8- كلي اكل صحي:

اي اكل بتاكليه بيأثر على الوش يعني لو دايما بتاكلي اكلات فيها دهون و Junk Food كتير ده هينعكس بشكل سلبي على بشرتك, عشان كده حاولي تستبدلي ده بوجبات خفيفة صحية زي الزبادي والفاكهة والخضار الطازة, ودخلي الالوان لاطبقاك, دخلي الجزر والمانجا والبرتقان والموز في نظامك الغذائي اليومي لانها غنية جدا بالفيتامينات والمعادن المفيدة جدا للبشرة, كلي طماطم وتوت بري, كريز, تفاح لانها بتعزز جهاز المناعة, ضيفي الخضروات الورقية الخضرا زي السبانخ, البروكلي, الخيار, اللفت لانها بتساعد على تجديد الخلايا وبتحمي الجسم من الامراض.

والنصيحة الاخيرة هي تنظيم النوم لازم تحصلي على ساعات نوم كافية, لان قلة النوم بتأثر بشكل سلبي على البشرة وبتخليها شكلها مرهق وباهتة.

نصايح للوك رائع من غير مكياج
نصايح للوك رائع من غير مكياج

حيل ونصايح عشان تحافظي على جمال بشرتك في الصيف

حيل ونصايح لجمال بشرتك في الصيف
حيل ونصايح لجمال بشرتك في الصيف