فساتين فرح رائعة واليجانت من مجموعة المصممة Amelia Sposa
اختيار فستان الفرح اكيد مش مهمة سهلة لان كل بنت بيكون في خيالها ستايل معين او شكل معين للفستان اللي نفسه تلبسه في ليلة العمر, لكن المجموعة اللي هتشوفيها النهاردة مش هتخليكي تحتاري كتير لانها تقريبا هترضي ذوق اي بنت وهتقعي في حبها اول ما تشوفيها, معانا النهاردة مجموعة فساتين فرح للمصممة الايطالية اميليا سبوسا.
واميليا من المصممين اللي تصاميمها مميزة جدا وفريدة ومش شبه اي حد, كل فستان وكل تصميم بيجمع ما بين الاناقة والنعومة, هنلاحظ في التصاميم انها مدخلة فيها الدانتيل اللي بيدي لوك ناعم وانثوي اوي وفي نفس الوقت بيضيف لمسة فخامة واناقة للفستان, كمان استخدمت في تصاميمها الزهور بطريقة مميزة ومبتكرة, وضافت لتصاميمها مع اللون الابيض التقليدي لفستان الفرح اللون ال Baby Pink او الوردي الفاتح عشان تدي لمسة رومانسية للتصميم.
والمجموعة هنلاقي فيها تقريبا ستايلات لجميع الاذواق هنلاقي المنفوش, والسك اللي واخد شكل الجسم, او ستايل الميرميد او عروسة البحر اللي بيكون ضيق من فوق ونازل على واسع من تحت الركبة يعني اكيد هتلاقي في المجموعة دي الستايل اللي انتي عايزاه.