ايه هى صبغة الشعر المؤقتة وازاى تستخدميها Temporary Ways to Color Your Hair

آية حسان
آية حسان
في
شعر
42521

عايزة تغيرى اللوك بتاعك وتغيرى من لون شعرك بس مش عايزة ترتبطى باللون الجديد لفترة طويلة او حابة كل فترة تغيريه بلون جديد من غير ما تضطرى تستنى؟ 

فى المقال ده بنات حوا هتعرفك على تكنيك جديد فى صبغات وتلوين الشعر وهو الصبغة المؤقتة، اعرفى معانا ايه هى صبغة الشعر المؤقتة وايه هى انواعها وازاى تستخدميها بنفسك فى البيت  Temporary Ways to Color Your Hair .. 

ايه هى صبغة الشعر المؤقتة وازاى تستخدميها Temporary Ways to Color Your Hair

1- color sprays  : 

نوع من الصبغة متوفرة على شكل سبراى بألوان و درجات كتيرة ومختلفة، المميز فى النوع ده تحديدا انك تقدرى بيه بسرعة جدا تغيرى لون شعرك لأى لون تانى انتى عايزاه برشة سبراى بس وفى ثوانى! ورغم انها صبغة مؤقتة الا انها ما بتطبعش على الايد ولا على الهدوم ولكن برده سهل ازالتها وقت ما تحبى، النوع ده من السبراى بييحى معاه زى خوذة او protector  للرأس و العيون علشان تحميهم لما تيجى تستخدميه، الصبغة دى بتعتبر  trendy جدا و super hair-friendly يعنى آمنة على الشعر و فروة الرأس، اكتر الالوان المشهورة هى درجات البينك، الأزرق و الموف .

color sprays

2- color gel :

نوع او طريقة تانية تقدرى تستخدمى بيها صبغة الشعر المؤقتة هى الجيل الملون للشعر او الـ hair color gel ، الصبغة على شكل مادة الجيل بتقدر تلون الشعر فى ثوانى وبشكل آمن، علشان تقدرى تعملى لوك شيك بسرعة! الالوان المشهورة من الصبغة دى هى الالوان المات و الالوان الميتاليك ودرجات النيون ، ووقت ما تحبى تتخلصى منها اغسلى شعرك بالشامبو العادى. 

color gel

 3- Semi-Permanent Hair Dye : 

لو فرضنا انه اللون المؤقت عجبك وعايزاه يفضل اكتر من يوم يبقى اختيارك هنا هو الـ semi permanent hair dye او صبغة الشعر شبه المؤقتة، الفرق بينها وبين الصبغة المؤقتة هى انها بتدوم لفترة اطول لكن برده تقدرى تتخلصى منها وقت اللى تحبي بالسهولة، ألوانها متوفرة كتير و بتدوم من أسبوعين لخمس أسابيع. 

semi permanent hair dye

4- Hair Chalk : 

آخر نوع معانا من صبغة الشعر المؤقتة هى طباشير تلوين الشعر او الـ hair chalk، بتعتبر أفضل اختيارات صبغة الشعر المؤقتة و مشهورة بدرجات الباستيل وبتعتبر من أكتر الطرق الآمنة، بتلونى الشعر بالطباشير وبعد كده تسرحيه بفرشة علشان توزعى اللون و اللون بيفضل ثابت حتى تحت المطر، بس مهم انك تستخدمى سبراى تثبيت الشعر بعد ما تلونيه باستخدامها علشان مايعلمش فى هدومك. 

hair chalk

شوفى معانا كمان 7 افكار الوان صبغة للشعر الطويل من Instagram

مقالات متعلقه

5 حاجات لازم تعرفيها لو بتصبغي شعرك لاول مرة

5 حاجات لازم تعرفيها لو بتصبغي شعرك لاول مرة

نصايح بسيطة هتحافظ على لون صبغة شعرك لفترة اطول

نصايح بسيطة هتحافظ على لون صبغة شعرك لفترة اطول

الوان الشعر التريندي للصيف السنة دي

الوان الشعر التريندي للصيف السنة دي